వేసవి కాలంలో ఎయిర్ కండిషనర్ వినియోగం పెరిగిన కొద్దీ, ఏసీ నుంచి వాటర్ లీకేజీ సమస్యలు కూడా ఎక్కువవుతున్నాయి. ఇది సాధారణ సమస్యగా కనిపించినప్పటికీ, నిర్లక్ష్యం చేస్తే పెద్ద నష్టాలకు దారితీసే అవకాశం ఉంది. సాధారణంగా ఏసీ నుంచి నీరు కారడానికి ప్రధాన కారణం డ్రెయినేజ్ వ్యవస్థలో సమస్యలు ఉండటమే. ఏసీ లోపల ఏర్పడే కండెన్స్డ్ వాటర్ బయటకు వెళ్లే పైప్ (డ్రెయిన్ పైప్) బ్లాక్ అయితే, నీరు తిరిగి లోపలే చేరి లీక్ అవుతుంది. దుమ్ము, మట్టి లేదా అల్గీ పేరుకుపోవడం వల్ల ఈ బ్లాకేజ్ ఏర్పడుతుంది. కాబట్టి మొదటగా డ్రెయిన్ పైప్ను శుభ్రం చేయడం చాలా ముఖ్యమని టెక్నీషియన్లు సూచిస్తున్నారు.
మరో ముఖ్య కారణం ఎయిర్ ఫిల్టర్లు మురికిగా మారడం. ఫిల్టర్లు క్లీన్గా లేకపోతే గాలి ప్రవాహం తగ్గి, కూలింగ్ కాయిల్పై ఐస్ ఏర్పడుతుంది. ఆ ఐస్ కరిగినప్పుడు అధిక నీరు లీక్ అయ్యే అవకాశం ఉంటుంది. అందువల్ల ప్రతి 15–20 రోజులకు ఒకసారి ఫిల్టర్లను శుభ్రం చేయడం అవసరం. ఇన్స్టాలేషన్ లోపాలు కూడా లీకేజీకి కారణమవుతాయి. ఏసీ యూనిట్ సరైన యాంగిల్లో లేకపోతే నీరు సరిగా బయటకు వెళ్లదు. అలాగే, డ్రెయిన్ పైప్ సరైన స్లోప్లో లేకపోతే నీరు నిల్వై లీక్ అవుతుంది. ఈ సందర్భంలో అనుభవజ్ఞులైన టెక్నీషియన్తో చెక్ చేయించుకోవడం ఉత్తమం.
రెఫ్రిజరెంట్ గ్యాస్ స్థాయి తగ్గిపోవడం కూడా మరో కారణంగా ఉంటుంది. గ్యాస్ తక్కువైతే కాయిల్పై ఐస్ ఎక్కువగా ఏర్పడి, తరువాత అది కరిగి లీకేజీ సమస్యను పెంచుతుంది. ఈ సమస్య ఉంటే వెంటనే సర్వీస్ చేయించాలి. ఏసీ నుంచి నీరు కారడం చిన్న సమస్యగా భావించకుండా, సమయానికి పరిష్కరించుకోవడం అవసరం. సాధారణ మెయింటెనెన్స్, రెగ్యులర్ సర్వీసింగ్ చేస్తే ఈ సమస్యను సులభంగా నివారించవచ్చు. దీంతో మీ ఏసీ పనితీరు మెరుగుపడటమే కాకుండా, దీర్ఘకాలం పనిచేస్తుంది.
మరిన్ని టెక్ వార్తల కోసం ఇక్కడ క్లిక్ చేయండి
