ఒకప్పుడు తెలుగు సినిమా ఇండస్ట్రీలో కమెడియన్ గా ఓ వెలుగు వెలిగాడు సుమన్ శెట్టి. ‘అధ్యక్షా’ అంటూ తనదైన నటనతో తెలుగు ఆడియెన్స్ ను కడుపుబ్బా నవ్వించారు. అయితే ఉన్నట్లుండి ఇండస్ట్రీకి దూరమయ్యాడు సుమన్ శెట్టి. చాలా ఏళ్ల పాటు వెండితెరపైనే కనిపించలేదు.అయితే గతేడాది బిగ్ బాస్ తెలుగు సీజన్ 9లో కంటెస్టెంట్ గా పాల్గొన్నాడీ స్టార్ కమెడియన్. కప్పు కొట్టకపోయినా తన ఆట, మాట తీరుతో బిగ్ బాస్ ఆడియెన్స్ మనుసులు గెల్చుకున్నాడు. బిగ్ బాస్ హౌస్ లో సుమన్ శెట్టి పెర్ఫామెన్స్ చూసి అతనికి మళ్లీ సినిమా అవకాశాలు వస్తాయనుకున్నారు అభిమానులు. నటుడిగా మళ్లీ బిజీ అవుతాడనుకున్నారు. కానీ అదేమీ జరగలేదు. ఈ క్రమంలో తాజాగా ఓ టాక్ షోకు హాజరయ్యాడు సుమన్ శెట్టి. తన పర్సనల్ అండ్ ప్రొఫెషనల్ లైఫ్ నకు సంబంధించి పలు ఆసక్తికర విషయాలు పంచుకున్నాడు. ఇదే క్రమంలో కోటి రూపాయలు ఇస్తే మీరు ఏం చేస్తారు అన్న యాంకర్ ప్రశ్నకు సుమన్ శెట్టి ఇచ్చిన సమాధానం అందరినీ కదిలించింది. ‘ నేను ఆ డబ్బులను మొదట మా అక్కకు ఇస్తాను .ఎందుకంటే ఇంటి ఆడపిల్ల బాగుంటేనే మనం బాగుంటామని మా నాన్నగారు చెప్పారు. ఇంటి ఆడపిల్ల కన్నీరు పెట్టకుండా చూసుకోవాలని ఆయన చెప్పిన మాటలను నేను ఇప్పటికీ ఎప్పటికీ ఫాలో అవుతున్నాను’ అని చెప్పుకొచ్చారు సుమన్.
కాగా తనకు సినిమా అవకాశాలు రాకపోవడంపై సుమన్ శెట్టి బాగా ఎమోషనల్ అయ్యాడు. ‘సినిమా ఇండస్ట్రీలో గ్యాప్ అనేది ఎలా ఉంటుందో నాకు పెద్దగా తెలియదు. ఒకానొక సమయంలో నెలకు 30 రోజులు ఉంటే ఆ 30 రోజులు కూడా నేను షూటింగ్ లో పాల్గొన్నాను. నా నటనకు ప్రతీకగా ఒక నంది అవార్డు కూడా వచ్చింది. సినిమాలలో నాకు చిన్న సినిమా, పెద్ద సినిమా అని తేడా ఉండదు. అయితే అవకాశాలు లేకనే నాకు గ్యాప్ వచ్చింది. నాకు కాళ్లు, చేతులలో ఫ్యాక్చర్ అయ్యాయి. నాలో ఉన్న లోపం ఏంటి? ఎందుకు నాకు సినిమా అవకాశాలు రావడం లేదు? నాకు సినిమా షూటింగ్ తప్ప ఇంకోటి తెలియదు.. రాదు…అందుకే నేను చాలా బాధపడుతున్నాను’ అని ఎమోషనల్ అయ్యాడు సుమన్ శెట్టి. ప్రస్తుతం ఈ కమెడియన్ కామెంట్స్ నెట్టింట వైరలవుతున్నాయి.
ఇవి కూడా చదవండి
బిగ్ బాస్ టీమ్ తో సుమన్ శెట్టి..
మరిన్ని సినిమా వార్తల కోసం ఇక్కడ క్లిక్ చేయండి.
