మేషం: ఈ రాశికి ధనస్థానంలో శుక్రుడి స్వక్షేత్ర సంచారం, చంద్రుడి ఉచ్ఛ స్థితి వల్ల కుటుంబ జీవితం, దాంపత్య జీవితంలో సుఖ సంతోషాలు బాగా వృద్ధి చెందుతాయి. ఉన్నత కుటుంబానికి చెందిన వ్యక్తితో ప్రేమలో పడడం లేదా పెళ్లి నిశ్చయం కావడం జరుగుతుంది. ఆర్థికంగా ఎటువంటి సమ స్యలున్నా తొలగిపోతాయి. ఆశించిన శుభ వార్తలు వింటారు. షేర్లు, స్పెక్యులేషన్లు, ఆర్థిక లావాదేవీలతో సహా అనేక మార్గాల్లో ఆదాయం పెరుగుతుంది. ఆర్థిక సమస్యల నుంచి విముక్తి లభిస్తుంది.
వృషభం: ఈ రాశికి రాశ్యధిపతి శుక్రుడు, ఉచ్ఛ చంద్రుడు కలవడం వల్ల రాజయోగాలు, ధన యోగాలు పడతాయి. రాజకీయ నేతలకు, కళాకారులకు జనాకర్షణ బాగా పెరుగుతుంది. సినిమా, టీవీ రంగాలకు చెందిన కళాకారులకు దశ తిరుగుతుంది. షేర్లు, స్పెక్యులేషన్ల వంటి అదనపు ఆదాయ మార్గాలు పూర్తి ఫలితాలనిస్తాయి. ఉద్యోగంలో పదోన్నతి కలుగుతుంది. వృత్తి, వ్యాపారాల్లో రాబడి పెరుగుతుంది. ప్రేమ, పెళ్లి విషయాల్లో విజయాలు సాధిస్తారు. ఆదాయం బాగా వృద్ధి చెందుతుంది.
కర్కాటకం: రాశ్యధిపతి చంద్రుడు లాభ స్థానంలో ఉచ్ఛపట్టడం, లాభాధిపతి అయిన శుక్రుడు లాభ స్థానంలోనే చంద్రుడితో యుతి చెందడం వల్ల ఉద్యోగంలో పదోన్నతులు లభిస్తాయి. జీతభత్యాలు అంచనాలకు మించి పెరుగుతాయి. వృత్తి, వ్యాపారాల్లో రాబడి బాగా వృద్ధి చెందుతుంది. షేర్లు, స్పెక్యులేషన్లు, ఆర్థిక లావాదేవీల వల్ల లాభాల పంట పండుతుంది. ఆస్తి సమస్యలు అనుకూలంగా పరిష్కారమవుతాయి. మనసులోని కోరికలు, ఆశలు నెరవేరుతాయి. ఆదాయం బాగా పెరుగుతుంది.
కన్య: ఈ రాశికి ధన, లాభాధిపతులైన శుక్ర, చంద్రులు భాగ్య స్థానంలో కలవడం వల్ల పట్టిందల్లా బంగారం అవుతుంది. అనేక విధాలుగా అదృష్టం కలిసి వస్తుంది. ఉద్యోగులు, నిరుద్యోగులకు విదేశీ ఆఫర్లు అందుతాయి. ఉద్యోగులకు డిమాండ్ పెరుగుతుంది. ప్రముఖులతో సన్నిహిత సంబంధాలు ఏర్పడతాయి. రాజపూజ్యాలు కలుగుతాయి. విదేశాల్లో స్థిరపడిన వ్యక్తితో పెళ్లి సంబంధం కుదురుతుంది. షేర్లు, స్పెక్యులేషన్లు, ఆర్థిక లావాదేవీలు బాగా లాభిస్తాయి. పిత్రార్జితం లభిస్తుంది.
వృశ్చికం: ఈ రాశికి సప్తమ స్థానంలో శుక్రుడు, ఉచ్ఛ చంద్రుడు యుతి చెందడం వల్ల ఉద్యోగపరంగా శుభ పరిణామాలు చోటు చేసుకుంటాయి. ఉద్యోగంలో పదోన్నతులతో పాటు జీతభత్యాలు అంచనాలకు మించి పెరుగుతాయి. వృత్తి, వ్యాపారాల్లో దశ తిరుగుతుంది. ఉద్యోగులు, నిరుద్యోగులకు విదేశీ ఆఫర్లు అందుతాయి. సినిమా, టీవీ కళాకారులకు జనాకర్షణ బాగా పెరుగుతుంది. సంపన్న కుటుంబానికి చెందిన వ్యక్తితో ప్రేమలో పడడం లేదా పెళ్లి కావడం తప్పకుండా జరుగుతుంది.
మకరం: ఈ రాశికి పంచమ, సప్తమాధిపతులైన శుక్ర, చంద్రులు పంచమంలో కలవడం వల్ల ఉద్యోగంలో తప్పకుండా అందలాలు ఎక్కడం జరుగుతుంది. వృత్తి, వ్యాపారాలు అభివృద్ధి బాటపడతాయి. ప్రేమ వ్యవహారాలు సఫలమవుతాయి. సంపన్న కుటుంబంతో పెళ్లి కుదురుతుంది. వృత్తి, ఉద్యోగాలరీత్యా విదేశాలకు వెళ్లడం జరుగుతుంది. నిరుద్యోగులకు విదేశీ ఆఫర్లు అందుతాయి. షేర్లు, స్పెక్యులేషన్లు బాగా లాభిస్తాయి. ముఖ్యమైన ఆర్థిక, వ్యక్తిగత సమస్యలు పరిష్కారమవుతాయి.
