వృషభం: ఈ రాశికి ఆదాయ వృద్ధినిచ్చే ఈ మూడు గ్రహాలకు బలం పెరగడం వల్ల ఈ రాశివారికి కెరీర్ పరంగా అనేక విధాలైన శుభ యోగాలు, అదృష్టాలు పట్టే అవకాశం ఉంది. ఆకస్మిక ధన ప్రాప్తితో పాటు ఆకస్మిక అధికార యోగం పట్టే సూచనలున్నాయి. రావలసిన సొమ్ము, రాదనుకుని వదిలేసుకున్న సొమ్ము, బాకీలు, బకాయిలు పూర్తిగా చేతికి అందుతాయి. పిత్రార్జితం లభిస్తుంది. వృత్తి, వ్యాపారాల్లో రాబడి బాగా పెరుగుతుంది. ఆర్థిక సమస్యలన్నీ చాలావరకు పరిష్కారమవుతాయి.
మిథునం: ఈ రాశికి బాగా అనుకూలమైన శని, గురు, రాహువులు సొంత నక్షత్రాల్లో సంచారం చేయడం వల్ల అంచనాలకు మించి ఆర్థిక లాభాలు కలుగుతాయి. ఆర్థిక, వ్యక్తిగత సమస్యల నుంచి బయట పడతారు. ఉద్యోగంలోనే కాక, సామాజికంగా కూడా గుర్తింపు లభిస్తుంది. అత్యున్నత స్థాయి వ్యక్తులతో పరిచయాలు వృద్ధి చెందుతాయి. పట్టిందల్లా బంగారం అవుతుంది. అనారోగ్య సమస్యల నుంచి విముక్తి లభిస్తుంది. నిరుద్యోగులకు ఉద్యోగ యోగం పడుతుంది. పెళ్లి ప్రయత్నాలు ఫలిస్తాయి.
కన్య: ఈ రాశికి ఇప్పటికే యోగదాయకంగా ఉన్న శని, గురు, రాహువులకు బలం పెరగడం వల్ల రాజ యోగాలు, దన యోగాలు మరింత వేగంగా కలుగుతాయి. సొంత ఇంటి కల, విదేశాల్లో ఉద్యోగం చేయాలన్న ఆశయం నెరవేరుతాయి. ఆస్తి సమస్యలు అనుకూలంగా పరిష్కారం అవుతాయి. అన్ని వైపుల నుంచి ఆదాయం వృద్ధి చెందుతుంది. సంపన్న కుటుంబానికి చెందిన వ్యక్తితో పెళ్లి కుదురుతుంది. ఉద్యోగులకు స్థిరత్వం లభిస్తుంది. వృత్తి, వ్యాపారాలు లాభాల బాటపడతాయి.
తుల: ఈ రాశికి బాగా అనుకూలంగా ఉన్న ప్రధాన గ్రహాలకు మరింతగా బలం పెరగడం వల్ల అనేక విధాలుగా సిరిసంపదలు వృద్ది చెందే అవకాశం ఉంది. ఉద్యోగంలో జీతభత్యాలు, వృత్తి, వ్యాపారాల్లో రాబడి బాగా పెరుగుతాయి. ఆర్థిక సమస్యలు, ఒత్తిళ్ల నుంచి పూర్తిగా విముక్తి లభిస్తుంది. ఉద్యోగంలో ఉన్నత పదవుల్ని పొందుతారు. నిరుద్యోగుల విదేశీ ఉద్యోగ ప్రయత్నాలు ఫలిస్తాయి. విజయాలు, సాఫల్యాలు ఎక్కువగా కలుగుతాయి. ఉన్నత స్థాయి వ్యక్తులతో పరిచయాలు పెరుగుతాయి.
మకరం: రాశ్యధిపతి శనికి, ధన స్థానంలో ఉన్న రాహువుకు, దాన్ని వీక్షిస్తున్న గురువుకు బలం పెరగడం వల్ల ఈ రాశివారికి అనేక విధాలైన అదృష్టాలు కలుగుతాయి. వృత్తి, ఉద్యోగాల్లోనూ, సామాజికంగానూ హోదా, స్థాయి పెరుగుతాయి. ప్రముఖులతో పరిచయాలు వృద్ధి చెందుతాయి. ఆర్థికంగా అంచనాలను అందుకుంటారు. సంపన్నులతో సంబంధాలు ఏర్పడతాయి. ఉద్యోగంలో సీనియర్లను దాటిపోతారు. వృత్తి, వ్యాపారాల్లో యాక్టివిటీ బాగా పెరుగుతుంది. భారీగా ఆస్తి కలిసి వస్తుంది.
కుంభం: మూడు ప్రధాన గ్రహాల అనుకూలత వల్ల ఈ రాశివారికి పట్టిందల్లా బంగారం అవుతుంది. ధన ధాన్య సమృద్ధి యోగం, మహా భాగ్య యోగం పట్టే సూచనలున్నాయి. అనేక విధాలుగా అదృష్టం కలిసి వస్తుంది. ఆశించిన శుభవార్తలు వింటారు. ఆర్థికంగా బాగా శక్తిమంతం అవుతారు. సంపన్న కుటుంబంతో పెళ్లి సంబంధం కుదురుతుంది. నిరుద్యోగులకు విదేశీ ఆఫర్లు కూడా అందుతాయి. ఆకస్మిక ధన లాభం కలుగుతుంది. వృత్తి, ఉద్యోగ, వ్యాపారాల్లో ఆదాయం బాగా పెరుగుతుంది.
