అయితే ఇలా వివాహం ఆలస్యం అవ్వడానికి కూడా జ్యోతిష్య శాస్త్రం ప్రకారం, గ్రహాలు కూడా కారణం కావచ్చు అంటున్నారు పండితులు. కొన్ని గ్రహాల కారణంగా వివాహం ఆలస్యం అవుతుందంట. ముఖ్యంగా ఎవరి జాతకంలో అయితే ఏడవ ఇంటిలో శని ప్రభావం, కుజ దోషం, రాహు, కేతువుల మొదలైనవి ఉండటం వలన వివాహానికి ఆటంకం కలిగిస్తాయంట. అంతే కాకుండా శుక్రుడి బలం లేకపోయినా వివాహం ఆలస్యం అవుతుందని చెబుతున్నారు పండితులు.
కానీ చాలా మంది ఈ గ్రహాల గురించి తెలుసుకోకుండా వివాహం ఆలస్యం అవుతుంది, ఎన్ని సంబంధాలు చూసినా వివాహం నిశ్చయం అవ్వడం లేదని కుటుంబ సభ్యులు అంతా బాధపడి పోతుంటారు. అయితే జ్యోతిష్య శాస్త్రం ప్రకారం, వివాహం ఆలస్యం అవ్వడానికి ఎలాంటి కారణాలు ఉంటాయో ఇప్పుడు చూద్దాం.
కుజ దోషం : ఎవరి జాతకంలో అయితే కుజ గ్రహం స్థానం తీవ్రంగా ఉంటుందో వారికి వివాహంలో ఆలస్యం అవుతుందంట. అంతే కాకుండా వివాహం జరిగినా కూడా కూడా దంపతుల మధ్య ఎప్పుడూ గొడవలు రావడం, ఎడబాటు రావడం వంటి సమస్యలు ఎదురు అవుతాయంట. అయితే ఎవరికి అయినా వివాహం ఆలస్యం అవుతుందంటే ఒకసారి జాతకంలో కుజ దోషం ఉందో లేదో చూసుకోవాలి.
అదే విధంగా వివాహం, భాగస్వామికి సంబంధించినది జాతకంలోని ఏడవ ఇల్లు. ఈ ఏడవ భావం బలహీనంగా ఉన్నా, అశుభ స్థానంలో ఉన్నా లేదా, పాప గ్రహాల నీడ , చూపు ఈ ఏడవ భావంపై ఉన్నా వివాహంలో ఆటంకాలు రావడం, సంబంధం చివరి దశలో చెడిపోవడం, వివాహం ఆలస్యం అవ్వడం వంటి ఇబ్బందులు తలెత్తుతాయంట.
అలాగే శని ప్రభావం ఉన్నా కూడా వివాహం ఆలస్యం అవుతుందని చెబుతున్నారు పండితులు. ముఖ్యంగా, శని గ్రహం ప్రభావం ఏడవ ఇంటిపై ఉంటే, వివాహం 30 సంవత్సరాల తర్వాత అవుతుందంట. నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు
