కావాల్సిన పదార్థాలు: ఒక కప్పు నల్లేరు కాడ (వజ్రవల్లి) , రెండు ఉల్లిపాయలు, రెండు పచ్చిమిర్చి, నాలుగు వెల్లుల్లి రెబ్బలు,
చిన్న నిమ్మకాయంత చింతపండు, రుచికి సరిపడా ఉప్పు, ఒక టేబుల్ స్పూన్ కారం, మూడు టేబుల్ స్పూన్స్ నూనె,
అర టేబుల్ స్పూన్స్ ఆవాలు , అర టేబుల్ స్పూన్ మినప్పప్పు, రెండు ఎండు మిర్చి, కరివేపాకులు తీసుకోవాలి.
ముందుగా నల్లేరును కడిగి సిద్ధం చేసుకోవాలి: ముఖ్యంగా, నల్లేరు కాడలను బాగా శుభ్రపర్చాలి. అలాగే, తీగల మాదిరి ఉన్న దాని మీద పీచు తీసేసి ముక్కలుగా కట్ చేసుకోవాలి.
గ్యాస్ వెలిగించి పాన్లో ఆయిల్ వేసి దానిలో నాలుగు పచ్చిమిర్చి, రెండు వెల్లుల్లి వేసి బాగా వేయించాలి. ఆ తరువాత నల్లేరు ముక్కలు వేసి 10 నిమిషాలు పాటు మెత్తగా అయ్యేవరకు బాగా వేయించాలి.
చింతపండు రసం కూడా దీనిలో పోసి మూడు నిమిషాల పాటు బాగా కలపాలి. ఆ తర్వాత దీనిని చల్లార్చి, దీనిలో ఉప్పు, ఒక టేబుల్ స్పూన్ కారం వేసి మిక్సీలో పట్టుకోవాలి.
ఇప్పుడు చిన్న పాన్ తీసుకుని దానిలో ఆయిల్ వేసి కొద్దిగా ఆవాలు, అర టేబుల్ స్పూన్ మినప్పప్పు, నాలుగు ఎండు మిర్చి, కరివేపాకు ఆకులు కూడా వేయాలి.ఈ పోపును పచ్చడిపై పోయాలి.
