వైరల్ అవుతున్న ఈ వీడియోలో, ఒక చిన్న బాలుడు క్లాస్రూమ్లో కూర్చుని ఉన్నాడు. టీచర్ అతడి దగ్గరకు వెళ్లి చదువుకో అని చెప్పగానే, ఆ పిల్లాడికి ఎక్కడ లేని కోపం వచ్చేసింది. అప్పటికే చదువుపై విరక్తితో ఉన్నాడో ఏమో కానీ, వెంటనే టీచర్ను ఉద్దేశించి నేను అస్సలు చదువుకోను, కావాలంటే ఈ స్కూల్నే కూలగొట్టేస్తాను అని అమాయకంగా బెదిరించాడు. ఆ పిల్లాడి సీరియస్ లుక్స్ చూస్తుంటే ఎవరికైనా నవ్వు రాక మానదు.
ఆ పిల్లాడు అంతటితో ఆగకుండా, తన దగ్గర ఏదో ఆయుధం ఉన్నట్లుగా ఊహించుకుంటూ స్కూల్ గోడలను పడగొడతానని చెప్పడం హైలైట్గా నిలిచింది. టీచర్ కూడా ఆ పిల్లాడి మాటలకు కోప్పడకుండా, ఎంతో ఓపికగా నవ్వుతూ ఆ సంభాషణను రికార్డ్ చేశారు. ఆ పిల్లాడు మాట్లాడుతున్న తీరు, ఆ బుజ్జి నోటి వెంట వస్తున్న మాటలు నెటిజన్లను విపరీతంగా ఆకట్టుకుంటున్నాయి.
ఇవి కూడా చదవండి
వీడియో ఇక్కడ చూడండి…
ఈ వీడియో సోషల్ మీడియా ప్లాట్ఫామ్ లలో షేర్ అయిన కొద్దిసేపట్లోనే లక్షలాది వ్యూస్ సొంతం చేసుకుంది. చిన్నతనంలో మా అందరి ఫీలింగ్ ఇదే, కానీ మాకు ఇంత ధైర్యం ఉండేది కాదు అంటూ నెటిజన్లు సరదాగా కామెంట్స్ చేస్తున్నారు. మరికొందరు వీడు పెద్దయ్యాక ఏదైనా సాహసం చేస్తాడేమో అంటూ ఆ బాలుడి ఆత్మవిశ్వాసాన్ని మెచ్చుకుంటున్నారు. మొత్తానికి, చదువుపై ఆ పిల్లాడు చూపిన ఈ చిన్నారి నిరసన నెటిజన్ల ఒత్తిడిని ఒక్క నిమిషంలో మాయం చేసేసింది. పిల్లల అమాయకత్వమే వారికి అతిపెద్ద అందం అనడానికి ఈ వీడియోనే నిదర్శనం.
మరిన్ని ట్రెండింగ్ న్యూస్ కోసం క్లిక్ చేయండి…
