దేశంలో ఆధార్ ఒక గుర్తింపు. ప్రతి పౌరుడికి ఆధార్ కంపల్సరీ. అయితే గణనాథుడికి ఆధార్ కార్డు ఉన్న మాట మీకు తెలుసా. తిరుపతిలో విభిన్న రూపాల్లో వినాయకుడి విగ్రహాలను ఏర్పాటు చేసి పూజలు చేసిన భక్తులు సరికొత్త ఆలోచనలను ఆవిష్కరించారు. ఆకట్టుకునే రీతిలో మండపాలను ఏర్పాటు చేసిన భక్తులు ఏకంగా గణనాథుడికి ఆధార్ కార్డు కూడా మంజూరు చేశారు. డిఆర్ మహల్ రోడ్ లోని గాంధీపురం లో శ్రీ పాలవినాయక సన్నాఫ్ శివయ్య పేరుతో ఆధార్ కార్డు పొందిన బొజ్జ గణపయ్య భక్తులను ఆకట్టుకున్నాడు. ఏకంగా గణనాథుడికి 8484 6516 7777 ఆధార్ నంబర్ కేటాయించి నా ఆధార్ నా గుర్తింపు అంటూ స్కానర్ తో పాటు ఆధార్ ను ప్రింట్ చేసి గణనాథుడికి పూజలు చేశారు. అత్యంత భక్తిశ్రద్ధలతో మండపంలో పూజలు చేసిన భక్తులు ఆధార్ వినాయకుడికి నిమజ్జనం నిర్వహించారు. వినాయక సాగర్ లో నిమజ్జనం చేసి మొక్కలు చెల్లించారు.