కొందరు హీరోలకు కొన్ని సినిమాలు ఐకానిక్‌గా అలా ఉండిపోతాయి. ప్రభాస్‌కు బాహుబలి.. అల్లు అర్జున్‌కు పుష్ప.. యశ్‌కు కేజియఫ్. ఈ సినిమాలతో తమ ఇండస్ట్రీలో కాదు.. పక్క ఇండస్ట్రీల్లోనూ జెండా పాతారు వీళ్ళంతా.
ఈ ఇమేజ్‌ను బట్టే వాళ్ల కెరీర్ ప్లాన్ చేసుకుంటున్నారు. యశ్ కూడా అంతే. కాకపోతే కేజియఫ్ తర్వాత ఈయనకు క్లారిటీ కంటే కన్ఫ్యూజన్ ఎక్కువైపోయింది.
కేజియఫ్ 2 వచ్చి మూడున్నరేళ్లైంది.. ఈ గ్యాప్‌లో సలార్ చేసి ఎన్టీఆర్ సినిమాతో బిజీగా ఉన్నారు ప్రశాంత్ నీల్. కానీ యశ్ మాత్రం మరో సినిమా చేయలేదు. టాక్సిక్ షూట్ నడుస్తున్నా కానీ ఇది రీ షూట్స్ జరుగుతున్నాయనే టాక్ ఎక్కువైపోయింది.
ఇప్పటికే ఈ సినిమాపై 100 కోట్లకు పైగానే బడ్జెట్ పెట్టారు కేవిఎన్ ప్రొడక్షన్స్. టాక్సిక్ షూట్ విషయంలో కన్ఫ్యూజన్ ఉందని.. రెండు మేజర్ షెడ్యూల్స్ షూట్ చేసి పక్కనబడేసారని తెలుస్తుంది.
గీతూ మోహన్‌దాస్ తెరకెక్కిస్తున్న ఈ చిత్ర షూట్ మొదలై ఆర్నెళ్లైనా కనీసం సగం కూడా కాలేదు. మరోవైపు రామాయణ్‌లో రావణుడిగా నటిస్తున్నారు యశ్. ఏదేమైనా కేజియఫ్ 2 లాంటి సినిమా తర్వాత ఇంత బ్రేక్ కెరీర్‌కు మంచిది కాదేమో..?
