తిరుమల శ్రీవారి బ్రహ్మోత్సవాల్లో ముఖ్యమైన ఘట్టం గరుడ వాహన సేవ.. ఇందులో భాగంగా శ్రీవేంకటేశ్వరస్వామిని ఆలయ మాడవీధుల్లో గరుడవాహనంపై విహరిస్తారు. ఈ కార్యక్రమంలో సగం బ్రహ్మోత్సం పూర్తయినట్లు చెబుతారు.ఈ కీలక ఘట్టాన్ని చూసేందుకు జిల్లా నుంచే కాకుండా, దేశంలోని అనేక రాష్ట్రాల నుంచి కూడా యాత్రికులు, భక్తులు భారీగా తరలివస్తారు. ఈ నేపథ్యంలో భక్తుల రద్దీ దృష్ట్యా తిరుమలలో ట్రాఫిక్ మళ్లింపులు ఉంటాయని పోలీసులు తెలిపారు.
సెప్టెంబర్ 27న రాత్రి 9 గంటల నుండి 29న ఉదయం 6 గంటల వరకు ఘాట్ రోడ్లలో ద్విచక్ర వాహనాల రాకపోకలు రద్దు చేయబడ్డాయి. అలిపిరి పాత చెక్పోస్ట్ వద్ద ద్విచక్ర వాహనాల కోసం ప్రత్యేక పార్కింగ్ సదుపాయం కల్పించబడుతుంది. పార్కింగ్ ప్రదేశాల కోసం QR కోడ్ ను ఉపయోగించుకోవాలి. భక్తులు ఈ విషయాన్ని గమనించి పోలీస్ శాఖ, టీటీడీకి సహకరించాలని విజ్ఞప్తి చేయడమైనది.
తిరుమలలో పార్కింగ్ ఏర్పాట్లు
- రాంభగీచ పార్కింగ్: వివిఐపి పెద్ద బ్యాడ్జెస్ వాహనాలు.
- సప్తగిరి గెస్ట్ హౌస్ పార్కింగ్: విఐపి చిన్న బ్యాడ్జెస్ వాహనాలు.
- సాధారణ వాహనాలు: ఔటర్ రింగ్ రోడ్డు ద్వారా కేటాయించిన పార్కింగ్ ప్రాంతాలకు పార్కింగ్ చేసుకోవాలి.
తిరుమలలో ట్రాఫిక్ మళ్లింపులు
- RTC రవాణా సౌకర్యం – తిరుపతి నుండి తిరుమల వరకు APSRTC, TTD ప్రత్యేక బస్సులు నిరంతరం నడపబడతాయి. భక్తులు వీటినే వినియోగించాలి.
- అలిపిరి – కపిలతీర్థం మార్గం – భక్తుల రాకపోకల కోసం ప్రత్యేకంగా ఉంచబడింది. ప్రైవేట్ వాహనాలకు పరిమితులు ఉంటాయి.
- RTC బస్ స్టాండ్ – అలిపిరి రోడ్ – వాహన రాకపోకలకు కేటాయించిన మార్గాలు మాత్రమే ఉపయోగించాలి. భక్తులు RTC బస్సులు/TTD వాహనాలను వినియోగించాలి.
- ప్రైవేట్ వాహనాలు – కేటాయించిన పార్కింగ్ ప్రదేశాలలోనే నిలిపి ఉంచాలి. రోడ్ల పక్కన, అనధికారిక ప్రదేశాలలో వాహనాలు నిలపరాదు.వీధి వ్యాపారులు – ప్రధాన రహదారులపై వ్యాపారానికి అనుమతి లేదు.
- ట్రాఫిక్ ప్రవాహం సజావుగా ఉండేందుకు సహకరించాలి.అత్యవసర వాహనాలు – అంబులెన్స్, ఫైర్ సర్వీస్, పోలీస్ వాహనాలకు మాత్రమే ప్రాధాన్యత మార్గాలు ఖాళీగా ఉంచబడతాయి.
- ప్రత్యేక బోర్డులు, మైక్ ప్రకటనలు – ట్రాఫిక్ మార్పులు, డైవర్షన్లకు సంబంధించిన సమాచారాన్ని తప్పనిసరిగా పాటించాలి.
- భక్తులందరూ పోలీస్ శాఖ, TTD సిబ్బంది, వాలంటీర్లకు సహకరించి భద్రతగా, ప్రశాంతంగా గరుడ వాహన సేవ దర్శించుకోవాలని జిల్లా ఎస్పీ గారు విజ్ఞప్తి చేస్తున్నారు.
- గరుడవాహన రోజున తిరుపతి పట్టణంలో పార్కింగ్ ఏర్పాట్లు (పార్కింగ్ ప్రదేశాల కొరకు QR కోడ్ ను ఉపయోగించుకోవాలని తెలిపారు
- శ్రీవారి సాలకట్ల బ్రహ్మోత్సవముల సందర్బంగా, గరుడ సేవకు తిరుపతి వస్తున్న భక్తులు వారి వాహనాలను కింది సూచించిన పార్కింగ్ ప్రదేశాలలో నిలపవలసిందిగా తిరుపతి పోలీసు శాఖ విజ్ఞప్తి చేస్తున్నారు.
ద్విచక్ర వాహనాలు:
- శనివారం (27.09.2025) రాత్రి 9 గంటల నుండి ఆదివారం (29.09.2025) ఉదయం 6 గంటల వరకు అలిపిరి ఘాట్ రోడ్లలో అనుమతి లేదు
- కడప, శ్రీకాళహస్తి వైపు నుండి వచ్చే వాహనాలకు ఇస్కాన్ గ్రౌండ్, నెహ్రూ మున్సిపల్ గ్రౌండ్, భారతీయ విద్యాభవన్ గ్రౌండ్ లలో టూ వీలర్, ఫోర్ వీలర్ పార్కింగ్ సదుపాయం కలదు.
- చిత్తూరు, పీలేరు, ఇతర జిల్లాల నుండి వచ్చే టూరిస్టు వాహనాలు, టెంపో ట్రావెల్స్ వాహనాలకు దేవలోక్ ప్రాంగణంలో పార్కింగ్ సౌకర్యం ఉంది.
- మదనపల్లి, చిత్తూరు నుండి వచ్చే వాహనాలకు భారతీయ విద్యాభవన్, నెహ్రూ మున్సిపల్ గ్రౌండ్, ఇస్కాన్ టెంపుల్ గ్రౌండ్ లలో ఫోర్ వీలర్ పార్కింగ్ సదుపాయం కలదు.
- గరుడ సేవకు టూ వీలర్లలో వచ్చే యాత్రికులకు అలిపిరి బాలాజీ లింక్ బస్టాండ్ వద్ద టూ వీలర్ పార్కింగ్ సదుపాయం కలదు.
- కరకంబాడి వైపు నుండి వచ్చే వాహనాలకు ఎస్.వి. ఇంజినీరింగ్ కాలేజ్ వద్ద కట్-ఆఫ్ పార్కింగ్ ఏర్పాటు చేయబడింది.
- మదనపల్లి, చిత్తూరు వైపు నుండి వచ్చే వాహనాలకు వకులమాత ఆలయం, చెర్లోపల్లి వద్ద పార్కింగ్ సదుపాయం కలదు.
- పుత్తూరు వైపు నుండి వచ్చే వాహనాలకు మ్యాంగో మార్కెట్ నందు పార్కింగ్ సదుపాయం కలదు.
- ప్రజలకు ముఖ్య విజ్ఞప్తి ఏమనగా — చిత్తూరు, మదనపల్లి వైపు నుండి తిరుపతి లోపలికి వచ్చే RTC బస్సులు ఇకపై కాలూరు క్రాస్ మీదుగా, ఆర్.సీ.పురం మీదుగా, తనపల్లి – గరుడ ఫ్లై ఓవర్ గుండా బస్ స్టాండ్కు మళ్లించబడతాయి.
- తిరుమలకు RTC బస్సుల ద్వారా ప్రయాణించే యాత్రికులు, నంది సర్కిల్ మరియు గరుడ సర్కిల్ మార్గం గుండా యథాప్రకారం తిరుమల వెళ్తారు.
- పై పార్కింగ్ ప్రాంతాలలో తిరుమల తిరుపతి దేవస్థానం వారిచే త్రాగు నీరు, భోజనం, టాయిలెట్స్ సదుపాయాలు, తిరుపతి నుండి తిరుమలకు చేసుకోవడానికి 24/7 RTC బస్సు సౌకర్యం ఏర్పాటు చేయడమైనది.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి.
