సినిమా ఇండస్ట్రీలో ఎలాంటి బ్యాక్ గ్రౌండ్ లేకుండా వచ్చిన వారిలో ఈ నటుడు కూడా ఒకరు. అయితే సినిమా నేపథ్యం లేనప్పటికీ ఈ హీరో బ్యాక్ గ్రౌండ్ మాములుగా లేదు. ఒక కుగ్రామంలో పుట్టిన ఈ నటుడి తండ్రి ఒక పోలీసు అఫీసర్. పోలీసు ఉద్యోగం నుంచి పదవీ విరమణ చేసిన తర్వాత పంచాయతీ అధ్యక్షుడు కూడా అయ్యాడు. ఈ నటుడి వాళ్ల సొంతూర్లో ఒక రాజభవనం ఉంది. దీనిని పూర్తిగా రాయితో నిర్మించారు. అయితే ఇప్పుడు అది పూర్తిగా శిథిలావస్థకు చేరుకుంది. ఈ నటుడి కుటుంబానికి అదే ఊరిలో 100 ఎకరాలకు పైగా భూములు ఉన్నాయి. ఇప్పుడు వాటి విలువ కోట్లలోనే ఉంటుంది. అయితే ఈ నటుడి కుటుంబీకులు మాత్రం ఈ కోట్ల ఆస్తులన్నీ అమ్మేసి అందరూ పంచుకున్నారు. ఇప్పుడు ఎవరి లైఫ్‌లో వాళ్లు బిజీగా ఉంటున్నారు. అందులో చాలా మంది విదేశాల్లో సెటిలైపోయారు. కానీ ఈ ఒకరు మాత్రం సినిమా ఇండస్ట్రీలోనే సెటిలైపోయారు. అతను మరెవరో కాదు రాంకీ.. ఈ పేరు చెబితే చాలా మందికి గుర్తుకు రాకపోవచ్చు.. కానీ సింధూర పువ్వు హీరో అంటే ఇట్టే గుర్తు పడతారు.
ఇవి కూడా చదవండి
రాంకీ కుటుంబంలో అందరూ బాగా చదువుకున్న వాళ్లే. అయితే రాంకీకి మాత్రం చదువు అబ్బలేదు. దీంతో నటనపై మక్కువతో ఇల్లు వదిలేసి సినిమాల్లోకి వచ్చేశాడు. తెలుగుతో పాటు తమిళ భాషల్లో హీరోగా పలు సూపర్ హిట్ సినిమాల్లో నటించాడు. అలాగే సహాయక నటుడిగానూ మెప్పించాడు. ముఖ్యంగా దాసరి నారాయణ రావు తెరకెక్కించిన ఓసేయ్ రాములమ్మ సినిమా రామ్‌కీకి తెలుగులో మంచి గుర్తింపు తెచ్చిపెట్టింది. ఇక సెకెండ్ ఇన్నింగ్స్ లోనూ దూసుకుపోతున్నాడీ స్టార్ నటుడు. ఆర్ ఎక్స్ 100 సినిమాలో రాంకీ పోషించిన పాత్ర ఓ రేంజ్ లో పేలింది. ఇక గతేడాది రిలీజైన దుల్కర్ సల్మాన్ లక్కీ భాస్కర్‌లోనూ ఓ కీలక పాత్ర పోషించడు రామ్ కీ. ఈ పాత్ర కూడా తెలుగు ఆడియెన్స్ కు తెగ నచ్చేసింది. ప్రస్తుతం సహాయక నటుడిగా పలు సినిమాల్లో నటిస్తూ బిజీగా ఉంటున్నాడు రాంకీ.
రాంకీ లేటెస్ట్ ఫొటోస్..
అన్నట్లు రాంకీ భార్య కూడా ఒకప్పుడు తెలుగులో క్రేజీ హీరోయిన్. బాలకృష్ణ హీరోగా నటించిన ముద్దుల మావయ్య సినిమాతో మంచి గుర్తింపు తెచ్చుకుంది. ఆ తర్వాత నారి నారి నడుమ మురారి, అత్తింట్లో అద్దె మొగుడు, డిటెక్టీవ్ నారద, స్టువర్ట్ పురం దొంగలు.. ఇలా చాలు సినిమాల్లో నటించింది.
భార్య నిరోషాతో..
మరిన్ని సినిమా వార్తల కోసం ఇక్కడ క్లిక్ చేయండి.
