Team India Prize Money Distribution Report: బీసీసీఐ (Board of Control for Cricket in India) (BCCI) టీ20 వరల్డ్ కప్ 2026 విజయం అనంతరం భారత జట్టుకు రూ.131 కోట్ల నగదు బహుమతి ప్రకటించిన సంగతి తెలిసిందే. ఐసీసీ మెన్స్ టీ20 ప్రపంచకప్ 2026 (ICC Men’s T20 World Cup 2026) ఫైనల్లో భారత జట్టు (India national cricket team), న్యూజిలాండ్ జట్టు (New Zealand) ను 96 పరుగుల తేడాతో ఓడించి మూడోసారి టైటిల్ గెలుచుకుంది. ఇది బీసీసీఐ ప్రకటించిన అతిపెద్ద బహుమతుల్లో ఒకటిగా నిలిచింది. 2024 టీ20 వరల్డ్ కప్ విజేతలకు ఇచ్చిన రూ.125 కోట్ల రికార్డును ఈసారి బీసీసీఐ అధిగమించింది.
బహుమతి ఎలా పంచుకుంటారు?
సమాచారం ప్రకారం ఈ రూ.131 కోట్ల మొత్తం 15 మంది ఆటగాళ్లు, కోచింగ్ స్టాఫ్, ఇతర సపోర్ట్ స్టాఫ్ మధ్య పంచనున్నారు. అయితే బీసీసీఐ అధికారికంగా పూర్తి వివరాలు వెల్లడించలేదు. కానీ పీటీఐ నివేదిక ప్రకారం ఈ మొత్తంలో ఎక్కువ భాగం ఆటగాళ్లకే దక్కే అవకాశం ఉంది. కోచింగ్ స్టాఫ్, ఫిజియో, ట్రైనర్లు, ఇతర సపోర్ట్ సిబ్బందికి వారి హోదా ప్రకారం నగదు బహుమతి ఇవ్వబడుతుంది.
ఎక్కువమంది చదివినది: పాకిస్తాన్కు దిమ్మతిరిగే కౌంటరిచ్చిన మిస్టరీ స్పిన్నర్.. దెబ్బ అదుర్స్ కదూ..!
కెప్టెన్ సూర్యకుమార్ నేతృత్వంలో ఘన విజయం..
ఈ టోర్నమెంట్లో సూర్యకుమార్ యాదవ్ (Suryakumar Yadav) నేతృత్వంలోని భారత జట్టు అద్భుత ప్రదర్శన చేసింది. మొత్తం టోర్నమెంట్లో భారత్ కేవలం ఒక మ్యాచ్ మాత్రమే ఓడింది. ఫైనల్లో భారత్ భారీ స్కోర్ నమోదు చేసి కివీస్పై ఘన విజయం సాధించింది. ఈ విజయంతో భారత్ వరుసగా రెండు టీ20 వరల్డ్ కప్ టైటిళ్లు గెలిచిన తొలి జట్టుగా నిలిచింది. అంతేకాక స్వదేశంలో టీ20 వరల్డ్ కప్ గెలిచిన తొలి దేశంగా కూడా చరిత్ర సృష్టించింది.
ఎక్కువమంది చదివినది: ఫైనల్ మ్యాచ్కు ముందే చెల్లి చనిపోయినా.. దేశం కోసం బరిలోకి ఛోటా ప్యాకెట్..!
ఐసీసీ నుంచి కూడా భారీ ప్రైజ్ మనీ..
బీసీసీఐ బహుమతితో పాటు ఐసీసీ (International Cricket Council) (ICC) కూడా విజేతలకు భారీ ప్రైజ్ మనీ ప్రకటించింది. ఫైనల్లో విజయం సాధించిన భారత్కు 2.34 మిలియన్ అమెరికన్ డాలర్లు (సుమారు రూ.21.5 కోట్లు) బహుమతిగా లభించాయి. ఫైనల్లో ఓడిన న్యూజిలాండ్కు 1.17 మిలియన్ డాలర్లు (సుమారు రూ.10.75 కోట్లు) రన్నరప్ బహుమతిగా ఇచ్చారు.
మరిన్ని క్రీడా వార్తల కోసం ఇక్కడ క్లిక్ చేయండి..