Pension Scheme: ప్రధానమంత్రి నరేంద్ర మోడీ ప్రవేశపెట్టిన పథకాలను ఎంతో ఆదరణ లభిస్తోంది. 2014 నుండి దేశ ప్రధానమంత్రిగా ఉన్నారు. ఆయన పదవీకాలంలో సాధారణ ప్రజల కోసం అనేక పథకాలు ప్రారంభించారు. అలాంటి ఒక పథకం అటల్ పెన్షన్ యోజన (APY). ఈ పథకం కింద లబ్ధిదారులు 60 ఏళ్లు నిండిన తర్వాత నెలవారీ పెన్షన్ రూ.1,000, రూ.రూ.5,000 మధ్య పొందుతారు.
ఇది కూడా చదవండి: Value Zone: అమీర్‌పేట్‌లో వాల్యూ జోన్ ఆఫర్ల వర్షం.. కిక్కిరిసిన జనాలు.. 50 శాతం డిస్కౌంట్‌
మీరు మీ పదవీ విరమణ కోసం క్రమం తప్పకుండా ఆదాయం పొందాలని కోరుకుంటే అటల్ పెన్షన్ యోజన (APY) మీకు సరైన ఎంపిక కావచ్చు. ఈ పథకం మీ వృద్ధాప్యంలో ఆర్థిక భద్రతను అందిస్తుంది. ఈ పథకం వివరాలను తెలుసుకుందాం.
ఇవి కూడా చదవండి
అటల్ పెన్షన్ పథకం గురించి ముఖ్య అంశాలు:
- 18 నుంచి 40 సంవత్సరాల మధ్య వయస్సు గల భారతీయ పౌరులు ఈ ప్రయోజనాన్ని పొందవచ్చు.
- మీరు నెలవారీ పెన్షన్ మొత్తాన్ని రూ.1000, రూ.2000, రూ.3000, రూ.4000 లేదా రూ.5000 ఎంచుకోవచ్చు.
- మీకు 60 ఏళ్లు నిండిన తర్వాత పెన్షన్ ప్రారంభమవుతుంది.
- మీరు మీ విరాళాలపై ఆదాయపు పన్ను చట్టంలోని సెక్షన్ 80CCD కింద పన్ను మినహాయింపు పొందవచ్చు.
- పన్ను చెల్లింపుదారులు ఈ పథకానికి అర్హులు కారు.
- ఈ పథకంలో చేరడానికి సేవింగ్స్ బ్యాంక్ ఖాతా, ఆధార్ కార్డ్‌, యాక్టివ్ మొబైల్ నంబర్ అవసరం.
అటల్ పెన్షన్ యోజన కింద 60 ఏళ్లు నిండిన తర్వాత రూ.1000, రూ.5000 మధ్య నెలవారీ పెన్షన్ పొందడానికి మీరు 20 సంవత్సరాలు పెట్టుబడి పెట్టాలి. 18 – 40 సంవత్సరాల మధ్య వయస్సు గల వ్యక్తులు ఈ పథకంలో పెట్టుబడి పెట్టవచ్చు. ఈ పథకాన్ని ఎంచుకునే ఎవరైనా కనీసం 20 సంవత్సరాలు ఈ డిపాజిట్ చేయాల్సి ఉంటుంది.
అయితే పెట్టుబడి మొత్తం మీరు కోరుకునే పెన్షన్‌పై ఆధారపడి ఉంటుందని గుర్తించుకోండి. మీరు ప్రతి నెలా చెల్లించాల్సిన మొత్తం మీరు పదవీ విరమణ తర్వాత పొందాలనుకుంటున్న పెన్షన్‌పై ఆధారపడి ఉంటుంది. రూ.1000 నుండి రూ.5000 వరకు నెలవారీ పెన్షన్ పొందడానికి, ఒక చందాదారుడు 18 సంవత్సరాల వయస్సులో ఈ పథకంలో చేరారని భావించి నెలకు రూ.42 – రూ.210 మధ్య విరాళం చెల్లించాలి.
ఇది కూడా చదవండి: Rain Alert: బంగాళాఖాతంలో మరో అల్పపీడనం.. తెలుగు రాష్ట్రాల్లో భారీ వర్షాలు
అయితే ఒక చందాదారుడు 40 సంవత్సరాల వయస్సులో ఈ పథకంలో చేరితే వారు నెలకు రూ.291 నుంచి రూ.1454 మధ్య విరాళం చెల్లించాల్సి ఉంటుంది. సహకారం ఎంత ఎక్కువగా ఉంటే, పదవీ విరమణ తర్వాత పొందే పెన్షన్ అంత ఎక్కువగా ఉంటుంది. అటల్ పెన్షన్ యోజనకు మీ విరాళాల ఆధారంగా మీకు ఎంత పెన్షన్ లభిస్తుందో ఇక్కడ చూడండి.
18 ఏళ్ల వ్యక్తి పొదుపు చేస్తే…
- ప్రతి నెలా రూ. 42 చెల్లించే వారికి 60 ఏళ్లు నిండిన తర్వాత నెలవారీ రూ. 1000 పెన్షన్ లభిస్తుంది.
- ప్రతి నెలా రూ. 84 చెల్లిస్తే వారికి నెలకు రూ. 2000 పెన్షన్ లభిస్తుంది.
- ప్రతి నెలా రూ. 126 చెల్లిస్తే వారికి నెలకు రూ. 3000 పెన్షన్ లభిస్తుంది.
- ప్రతి నెలా రూ. 168 చెల్లిస్తే వారికి నెలకు రూ. 4000 పెన్షన్ లభిస్తుంది.
- ప్రతి నెలా రూ. 210 చెల్లిస్తే వారికి నెలకు రూ. 5000 పెన్షన్ లభిస్తుంది.
40 ఏళ్ల వ్యక్తి పొదుపు చేస్తే…
- ప్రతి నెలా రూ. 291 చెల్లించే వారికి 60 ఏళ్లు నిండిన తర్వాత నెలవారీ రూ. 1000 పెన్షన్ లభిస్తుంది.
- ప్రతి నెలా రూ. 582 చెల్లిస్తే వారికి నెలకు రూ. 2000 పెన్షన్ లభిస్తుంది.
- ప్రతి నెలా రూ. 873 చెల్లిస్తే, వారికి నెలకు రూ. 3000 పెన్షన్ లభిస్తుంది.
- ప్రతి నెలా రూ. 1164 చెల్లిస్తే, వారికి నెలకు రూ. 4000 పెన్షన్ లభిస్తుంది.
- ప్రతి నెలా రూ. 1454 చెల్లిస్తే, వారికి నెలకు రూ. 5000 పెన్షన్ లభిస్తుంది.
ఇది కూడా చదవండి: Gold Price Today: మళ్లీ షాకిస్తున్న బంగారం ధరలు.. తులంపై ఎంత పెరిగిందో తెలుసా?
బిజినెస్ వార్తల కోసం ఇక్కడ క్లిక్ చేయండి
