ప్రపంచంలో కొన్ని పాములు చూడటానికి చాలా అందంగా, ఆకర్షణీయంగా ఉంటాయి. వాటి రంగురంగుల దేహం తదేకంగా చూడాలనిపిస్తాయి. సూర్యకాంతి ఒక పాముపై పడినప్పుడు అది ఇంద్రధనస్సులా ప్రకాశిస్తుంది. వీటి ట్రాప్లో పడి చూస్తూ ఉన్నారో మీ ప్రాణాలు గోవిందా.. ఎందుకంటే ఈ మోస్ట్ బ్యూటిఫుల్ పాములు అత్యంత విషపూరితమైనవి మరి.
బ్లూ కోరల్ స్నేక్ను ప్రపంచంలోని అత్యంత అందమైన పాములలో ఒకటిగా పరిగణిస్తారు. ఈ పాము మలేషియా, థాయిలాండ్, సింగపూర్, ఇండోనేషియా వంటి దేశాలలో కనిపిస్తుంది. ఈ పాము శరీరంపై లేత నీలం రంగు చారలు ఉంటాయి. అయితే ఈ పాము చాలా విషపూరితమైనది. కాబట్టి దానికి దూరంగా ఉండటం మంచిది.
ఈ అందమైన పాము పేరు గ్రీన్ ట్రీ బోవా. ఈ పాము దక్షిణ అమెరికాలోని అమెజాన్ వర్షారణ్యంలో కనిపిస్తుంది. ఈ పాము చూడటానికి చాలా అందంగా ఉంటుంది. దీని రంగు ఆకుపచ్చ, తెలుపు రంగులో ఉంటుంది. బ్రెజిలియన్ ఇంద్రధనస్సు పాము కూడా చూడటానికి చాలా అందంగా ఉంటుంది. ఈ పాము బ్రెజిల్, దక్షిణ అమెరికాలో కనిపిస్తుంది.
సూర్యకిరణ పాము కూడా చాలా అందంగా ఉంటుంది. ఇది తూర్పు ఆసియాలో కనిపిస్తుంది. ఈ పాముపై సూర్యకాంతి పడినప్పుడు అది ఇంద్రధనస్సులా ప్రకాశిస్తుంది. కళ్ళు లేని వైపర్ పాము కూడా చూసేందుకు భలే అందంగా ఉంటుంది. ఇది మధ్య అమెరికా, దక్షిణ అమెరికాలో కనిపిస్తుంది. ఈ పాము పసుపు రంగులో ఉంటుంది.
శాన్ ఫ్రాన్సిస్కో గార్టర్ స్నేక్ కూడా చూడటానికి చాలా అందంగా ఉంటుంది. ఈ పాము అమెరికాలో కనిపిస్తుంది. ఈ పాము చాలా అరుదైన జాతి. ఇది దాని ప్రకాశవంతమైన రంగులకు ప్రసిద్ధి చెందింది. ఈ పాములు చూడటానికి అందంగా ఉన్నప్పటికీ వాటిలో కొన్ని విషపూరితమైనవి కూడా ఉన్నాయి. కాబట్టి అందంగా ఉందని అలాగే చూస్తూ ఉండిపోకండి. కాస్త జాగ్రత్తగా ఉండండి.