వృషభం: ఈ రాశికి లాభ స్థానంలో రాశ్యధిపతి శుక్రుడు ఉచ్ఛపట్టడం, మరో మూడు గ్రహాలతో యుతి చెందడం వల్ల ఈ రాశివారు సంపాదన మీద ఎక్కువగా దృష్టి పెట్టే అవకాశం ఉంది. అనేక మార్గాల్లో ఆదాయం వృద్ధి చెందుతుంది. రావలసిన డబ్బును కొద్ది ప్రయత్నంతో రాబట్టుకుంటారు. ఉద్యోగంలో పదోన్నతులు కలుగుతాయి. వృత్తి, వ్యాపారాల్లో డిమాండ్ బాగా పెరుగుతుంది. నిరుద్యోగులకు, అవివాహితులకు విదేశీ ప్రయత్నాలు కలిసి వస్తాయి. ఆరోగ్యం మెరుగుపడుతుంది.
మిథునం: ఈ రాశికి దశమంలో చంద్ర, రవి, శుక్ర, శనులు కలవడం వల్ల వ్యక్తిగత జీవితంలోనూ, ఉద్యోగ జీవితంలోనూ సంచలనాలు, అద్భుతాలు, శుభ పరిణామాలు చోటు చేసుకుంటాయి. ఉద్యోగంలో తప్పకుండా పదోన్నతులు కలుగుతాయి. మరింత మంచి ఉద్యోగంలోకి మారడానికి అవకాశాలు లభిస్తాయి. నిరుద్యోగులకు విదేశీ ఆఫర్లు కూడా అందుతాయి. అత్యంత ప్రముఖులతో సైతం పరిచయాలు ఏర్పడతాయి. ఆస్తి సమస్యలు పరిష్కారమవుతాయి. ఆదాయం బాగా వృద్ధి చెందుతుంది.
కర్కాటకం: ఈ రాశికి భాగ్య స్థానంలో నాలుగు గ్రహాల యుతి వల్ల ఈ రాశివారికి ఉద్యోగం, ఆదాయం, విదేశీ యానం, విదేశీ ఉద్యోగం, ధన లాభం వంటి విషయాల్లో తప్పకుండా అదృష్టాలు కలుగుతాయి. తండ్రి వైపు నుంచి ఆస్తి కలిసి వస్తుంది. ఆస్తి వివాదాలు, సమస్యలు అనుకూలంగా పరిష్కా రమవుతాయి. ఉన్నత కుటుంబంతో పెళ్లి సంబంధం కుదిరే అవకాశం ఉంది. దాంపత్య జీవితం సుఖ సంతోషాలతో సాగిపోతుంది. సంతాన యోగం కలుగుతుంది. విదేశీ సంపాదన యోగం పడుతుంది.
కన్య: ఈ రాశికి సప్తమ స్థానంలో నాలుగు గ్రహాలు చేరడం వల్ల ఈ రాశివారికి తప్పకుండా రాజ యోగాలు పడతాయి. ప్రభుత్వ ఉద్యోగాలకు లేదా విదేశీ ఉద్యోగాలకు ప్రయత్నాలు ప్రారంభించడం మంచిది. రాజపూజ్యాలు కలుగుతాయి. సంపన్న కుటుంబానికి చెందిన వ్యక్తితో పెళ్లి జరిగే అవకాశం ఉంది. షేర్లు, స్పెక్యులేషన్లు బాగా లాభిస్తాయి. రావలసిన సొమ్ము, రాదనుకున్న సొమ్ము చేతికి అందుతాయి. ఆధ్యాత్మిక, సామాజిక సేవా కార్యక్రమాల్లో ఎక్కువగా పాల్గొంటారు.
ధనుస్సు: ఈ రాశికి చతుర్థ స్థానంలో శుక్రుడు ఉచ్ఛస్థితిలో ఉండడంతో పాటు మరో మూడు గ్రహాలతో యుతి చెందడం వల్ల ఆదాయ వృద్ధితో పాటు ఆధ్యాత్మిక పురోగతి కూడా ఉంటుంది. విహార యాత్రలు, తీర్థయాత్రలు ఎక్కువగా చేస్తారు. ఈ 3 రోజుల్లో తీసుకునే నిర్ణయాలు, చేపట్టే కార్యక్రమాలు అతి తక్కువ కాలంలో సత్ఫలితాలనిస్తాయి. ఆస్తి వివాదాలు అనుకూలంగా పరిష్కారమవుతాయి. గృహ, వాహన యోగాలు కలుగుతాయి. ఇంట్లో శుభ కార్యాలు బాగా జరుగుతాయి.
మకరం: ఈ రాశికి తృతీయ స్థానంలో రవి, చంద్ర, శని, శుక్రులు కలవడమనేది ఒక గొప్ప అదృష్టంగా భావించవచ్చు. జీవనశైలి బాగా మెరుగుపడుతుంది. ఏ ప్రయత్నం చేపట్టినా కలిసి వస్తుంది. ఉద్యోగంలోనే కాక, వ్యక్తిగత జీవితంలోనూ కీలకమైన శుభ పరిణామాలు చోటు చేసుకుంటాయి. అనేక విధాలుగా ఆదాయం వృద్ధి చెందుతుంది. ఆస్తిపాస్తుల మీద రాబడి పెరుగుతుంది. వృత్తి, ఉద్యోగాలరీత్యా ఇతర దేశాలకు వెళ్లే అవకాశం కలుగుతుంది. పాలకులతో పరిచయాలు ఏర్పడతాయి.