సోషల్ మీడియా సెన్సేషన్ కుమారి ఆంటీ గురించి ప్రత్యేక పరిచయం అక్కర్లేదు. హైదరాబాద్ మాదాపూర్ ఐటీసీ కోహినూర్ సమీపంలో స్ట్రీట్ ఫుడ్ అమ్ముతూ నెట్టింట బాగా వైరల్ అయ్యారామె. వెజ్, నాన్ వెజ్ భోజనాలను సరసమైన ధరలకే రుచికరంగా అందిస్తుండడంతో ఆమె వద్దకు ఫుడ్ లవర్స్ క్యూ కట్టారు. అలాగే ఫుడ్ వ్లాగర్స్, సోషల్ మీడియా ఇన్ ఫ్లూయెన్సర్లు, యూట్యూబ్ వాళ్లు క్యూ కట్టారు. దీంత ట్రాఫిక్ జామ్ ఏర్పడడం, ఫుడ్ స్టాల్ తీసేయాలని పోలీసులు ఆదేశాలు జారీచేయడం, చివరకు సీఎం రేవంత్ రెడ్డి జోక్యం చేసుకోవడం.. మొత్తానికి తెలుగు రాష్ట్రాల్లో కుమారీ ఆంటీ పేరు బాగా మార్మోగిపోయింది. ఆ మధ్యన జబర్దస్త్ తో పాటు కొన్ని టీవీ షోల్లోనూ సందడి చేశారామె. ఇప్పుడు వంట గ్యాస్ కొరత నేపథ్యంలో మరోసారి వార్తల్లో నిలిచింది కుమారి ఆంటీ. గత కొద్ది రోజులుగా సిలిండర్ల సరఫరా సరిగ్గా లేకపోవడంతో ఆమె స్ట్రీట్ ఫుడ్ బిజినెస్ డల్గా సాగుతోందట. సాధారణంగా రకరకాల వంటకాలు, కూరలతో కస్టమర్లను ఆకట్టుకునే ఆమె ఇప్పుడు గ్యాస్ కొరతతో ఎక్కువ రకాల కూరలు వండలేకపోతుందట. ఈ మేరకు ఓ టీవీ ఛానెల్ వేదికగా తన ఆవేదనను వ్యక్తం చేసింది కుమారి ఆంటీ.
హైదరాబాద్ మార్కెట్లో కమర్షియల్ సిలిండర్ల పరిస్థితి దారుణంగా మారింది. దాదాపు 8 వేల రూపాయలు పెడతామన్నా కూడా సిలిండర్లు దొరకని పరిస్థితి. పోనీ ప్రత్యామ్నాయంగా కట్టెల పొయ్యి మీద వంట చేద్దామంటే, ఇంటి ఓనర్లు ససేమిరా అంటున్నారు. చివరకు గత్యంతరం లేక చిన్న చిన్న గ్యాస్ సిలిండర్లను 6 వేల రూపాయలకు కొనుగోలు చేసి వంటలు చేస్తున్నాను. ఈ గ్యాస్ కొరతతో నా బిజినెస్ బాగా డల్ అయిపోయింది. లాభాల కంటే నష్టాలే ఎక్కువగా వస్తున్నాయి. అయినా సరే కస్టమర్ల కోసం నష్టాలను భరిస్తూనే బిజినెస్ భరిస్తూనే ఉన్నాను. బయట హోటళ్లలో రేట్లు పెరిగినప్పటికీ నేను మాత్రం పాత ధరలకే కస్టమర్లకు భోజనం అందిస్తున్నాను. నేను కష్టాల్లో ఉన్నప్పుడు ఈ ప్రజలే నాకు అండగా నిలిచారు. ఆ కృతజ్ఞతా భావంతోనే ధరలు పెంచకుండా భోజనం అందిస్తున్నాను. ప్రభుత్వం త్వరలోనే దీనిపై ఒక మంచి నిర్ణయం తీసుకుంటుందని అనుకుంటున్నాను’ అని చెప్పుకొచ్చింది కుమారి ఆంటీ.
కుమారీ ఆంటీ లేటెస్ట్ వీడియో..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.