India vs Pakistan : ఆసియా కప్ ఫైనల్ పోరు మరింత వేడెక్కింది. భారత్, పాకిస్థాన్‌ల మధ్య జరిగే ఈ మహా సంగ్రామానికి ముందు, పాకిస్థాన్ మాజీ కెప్టెన్ రషీద్ లతీఫ్ ఒక సంచలన వ్యాఖ్య చేశారు. రెండు దేశాల మధ్య రాజకీయ ఉద్రిక్తతలు ఉన్నంత కాలం భారత్-పాక్ క్రికెట్ వైరం ఎప్పటికీ ముగియదని ఆయన అన్నారు. అయితే, ఈ టోర్నమెంట్‌లో భారత్‌దే పైచేయి అవుతుందని ఒప్పుకుంటూనే, కెప్టెన్ సూర్యకుమార్ యాదవ్ చేసిన వ్యాఖ్యలపై లతీఫ్ సెటైర్ వేశారు. మరోవైపు, పాక్ కెప్టెన్ సల్మాన్ అలీ ఆగా తమ అత్యుత్తమ ఆటను ఫైనల్ కోసం దాచి ఉంచామని ధీమా వ్యక్తం చేశారు.
ఆసియా కప్ ఫైనల్ మ్యాచ్‌కి ముందు, పాకిస్థాన్ మాజీ కెప్టెన్ రషీద్ లతీఫ్ ఒక కీలక చర్చను లేవనెత్తారు. రెండు దేశాల మధ్య రాజకీయ ఉద్రిక్తతలు కొనసాగుతున్నంత కాలం భారత్-పాకిస్థాన్ క్రికెట్ వైరం ఎప్పటికీ ముగియదని ఆయన స్పష్టం చేశారు. “యుద్ధం ఉన్నంత కాలం, క్రికెట్‌లో వైరం ఉంటుంది. అది ముగియదు” అని ఫైనల్‌కు ముందు టైమ్స్ ఆఫ్ ఇండియాకు ఇచ్చిన ఇంటర్వ్యూలో ఆయన అన్నారు.
“అవును, భారత్ గెలుస్తూనే ఉంటుంది. అది సమస్య కాదు. కానీ వైరం మాత్రం ఎప్పుడూ ఉంటుంది. ఇది కొనసాగుతుంది” అని లతీఫ్ అన్నారు. సూపర్ 4 పోరులో పాకిస్థాన్‌పై గెలిచిన తర్వాత టీమిండియా కెప్టెన్ సూర్యకుమార్ యాదవ్ చేసిన వ్యాఖ్యలపై లతీఫ్ చురకలు అంటించారు. మరోవైపు, పాకిస్థాన్ కెప్టెన్ సల్మాన్ అలీ ఆగా తమ అత్యుత్తమ ఆటను ఫైనల్ కోసం దాచి ఉంచామని గట్టి నమ్మకంతో ఉన్నారు. దుబాయ్‌లో జరిగిన ప్రీ-ఫైనల్ ప్రెస్‌కాన్ఫరెన్స్‌లో సల్మాన్ మాట్లాడుతూ.. “భారత్, పాకిస్థాన్ ఆడినప్పుడు ఎప్పుడూ ఒత్తిడి ఉంటుంది. ఒత్తిడి లేదని చెబితే అది అబద్ధం అవుతుంది. రెండు జట్లపై సమానమైన ఒత్తిడి ఉంటుంది” అని అన్నారు.
“మేము వారి కంటే ఎక్కువ తప్పులు చేసాం. అందుకే మ్యాచ్‌లలో గెలవలేదు. మేము వారి కంటే తక్కువ తప్పులు చేస్తే, తప్పకుండా గెలుస్తాం. ఏ జట్టు తక్కువ తప్పులు చేస్తుందో ఆ జట్టు గెలుస్తుంది. మేము తక్కువ తప్పులు చేయడానికి ప్రయత్నిస్తాము. దైవ అనుగ్రహంతో, నేడు మేము గెలవడం మీరు చూస్తారు. మా ప్రయత్నం మా అత్యుత్తమ క్రికెట్‌ను ఆడటమే. మేము మా అత్యుత్తమ క్రికెట్‌ను ఆడి, మా ప్లాన్స్‌ను 40 ఓవర్ల పాటు అమలు చేస్తే, మేము ఏ జట్టునైనా ఓడించగలమని మాకు తెలుసు. మేము అదే చేయడానికి ప్రయత్నిస్తాము” అని సల్మాన్ ధీమాగా చెప్పారు.
రషీద్ లతీఫ్ ఈ ముఖ్యమైన మ్యాచ్‌పై ఒత్తిడి భారత్‌పైనే ఎక్కువగా ఉంటుందని అన్నారు. “నష్టం భారత్‌కే ఉంటుంది. భారత్ కోల్పోవడానికి చాలా ఉంది. పాకిస్థాన్‌కు కోల్పోవడానికి ఏమీ లేదు; వారు ఇప్పటికే అండర్‌డాగ్‌లు. ఈ మ్యాచ్‌లో పాకిస్థాన్ గెలిస్తే, బీసీసీఐకి చాలా కష్టమవుతుంది, అలాగే ఈ టోర్నమెంట్ గురించి చాలా గట్టిగా మాట్లాడిన కొంతమంది ఆటగాళ్లకు కూడా కష్టం అవుతుంది. అది కెప్టెన్ వ్యాఖ్య అయినా, బోర్డు వైఖరి అయినా, లేదా శుభ్‌మన్ గిల్ ట్వీట్ అయినా. దాని చుట్టూ చాలా గొడవ ఉంటుంది” అని ఆయన వ్యాఖ్యానించారు. నేటి మ్యాచులో భారత్‌కే ఆధిక్యం ఉందని లతీఫ్ అంగీకరించారు.
మరిన్ని క్రికెట్ వార్తల కోసం ఇక్కడ క్లిక్‌ చేయండి..
