IND vs NZ: టీ20 వరల్డ్ కప్ 2026 తర్వాత భారత జట్టు దృష్టి పూర్తిగా 2027 వన్డే వరల్డ్ కప్పై ఉంది. ఆ టోర్నమెంట్కు సన్నద్ధం కావడానికి భారత జట్టు (India national cricket team) అనేక సిరీస్లు ఆడనుంది. ఈ క్రమంలో అక్టోబర్–నవంబర్ 2026లో భారత జట్టు న్యూజిలాండ్ (New Zealand national cricket team) ను వారి స్వదేశంలో ఎదుర్కొనే మల్టీ-ఫార్మాట్ టూర్ జరగనుంది. అయితే ఈ టూర్ షెడ్యూల్లో ఒక కీలక మార్పు చోటుచేసుకునే అవకాశం ఉందని వార్తలు వస్తున్నాయి.
మల్టీ ఫార్మాట్ సిరీస్ షెడ్యూల్..
ప్రస్తుతం ఉన్న షెడ్యూల్ ప్రకారం భారత్ న్యూజిలాండ్ టూర్లో:
2 టెస్టులు
3 వన్డేలు
5 టీ20 మ్యాచ్లు ఆడాల్సి ఉంది.
కానీ, తాజా సమాచారం ప్రకారం వన్డే సిరీస్ను 3 మ్యాచ్ల నుంచి 5 మ్యాచ్లకు పెంచాలని న్యూజిలాండ్ క్రికెట్ బోర్డు ప్రతిపాదించింది.
రోహిత్ – విరాట్ ప్రభావం..
ఈ ప్రతిపాదన వెనుక ప్రధాన కారణం ఇద్దరు భారత దిగ్గజ ఆటగాళ్లు రోహిత్ శర్మ (Rohit Sharma), విరాట్ కోహ్లీ (Virat Kohli) అని తెలుస్తోంది.
ఈ ఇద్దరూ ప్రస్తుతం ప్రధానంగా వన్డే ఫార్మాట్లో మాత్రమే ఆడుతున్నారు. 2027 వన్డే వరల్డ్ కప్నకు వీరు కీలక ఆటగాళ్లుగా భావిస్తున్నారు.
వన్డే మ్యాచ్లు పెరగడం వల్ల ఈ ఇద్దరు ఆటగాళ్లకు మరింత మ్యాచ్ ప్రాక్టీస్ లభిస్తుంది. అందుకే వన్డే సిరీస్ను ఐదు మ్యాచ్లకు పెంచే అవకాశాలు ఉన్నట్లు తెలుస్తోంది.
న్యూజిలాండ్కు కమర్షియల్ లాభం..
ఈ నిర్ణయం వెనుక కమర్షియల్ కోణం కూడా ఉంది. రోహిత్ శర్మ, విరాట్ కోహ్లీ లాంటి స్టార్ ప్లేయర్లు ఆడితే ప్రేక్షకులు, బ్రాడ్కాస్టర్లు, స్పాన్సర్ల ఆసక్తి భారీగా పెరుగుతుంది.
న్యూజిలాండ్లో కూడా ఈ ఇద్దరు ఆటగాళ్లకు భారీ ఫ్యాన్ ఫాలోయింగ్ ఉంది. అందుకే ఎక్కువ వన్డే మ్యాచ్లు ఉంటే ఆదాయం కూడా పెరిగే అవకాశముందని అక్కడి బోర్డు భావిస్తోంది.
ప్రత్యేక టూర్..
భారత్ చివరిసారి న్యూజిలాండ్లో పూర్తి మల్టీ ఫార్మాట్ టూర్ చేసినది దాదాపు ఆరు సంవత్సరాల క్రితం. అందుకే ఈ టూర్కు మరింత ప్రాధాన్యత ఉంది. కొంతమంది విశ్లేషకుల అభిప్రాయం ప్రకారం, ఇది న్యూజిలాండ్లో రోహిత్ శర్మ, విరాట్ కోహ్లీకి చివరి టూర్ కావచ్చని కూడా చెబుతున్నారు. అందువల్ల వన్డే మ్యాచ్ల సంఖ్య పెరిగితే ఈ సిరీస్ మరింత ఆసక్తికరంగా మారే అవకాశం ఉంది.
మరిన్ని క్రీడా వార్తల కోసం ఇక్కడ క్లిక్ చేయండి..
