Horoscope Today: వారికి ఉద్యోగంలో ప్రాధాన్యం పెరుగుతుంది.. 12 రాశుల వారికి రాశిఫలాలు

దిన ఫలాలు (సెప్టెంబర్ 23, 2025): మేష రాశి వారికి ఉద్యోగంలో పనిభారం ఎక్కువగా ఉండే అవకాశం ఉంది. వృషభ రాశి వారికి ఆర్థికంగా అదృష్టం కలిసి వచ్చే అవకాశముంది. మిథున రాశి వారు శుభవార్తలు ఎక్కువగా వినడం జరుగుతుంది. మేష రాశి మొదలు మీన రాశి వరకు 12 రాశుల వారికి మంగళవారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

ఉద్యోగంలో పనిభారం ఎక్కువగా ఉండే సూచనలున్నాయి. అధికారులు మీపై ఎక్కువగా దృష్టి పెట్టే అవకాశం ఉంది. వృత్తి, వ్యాపారాల్లో అనుకూల పరిస్థితులు నెలకొంటాయి. ఏ ప్రయత్నం తలపెట్టినా పూర్తవుతుంది. ఇతరులకు సహాయం చేయడంలో ముందుంటారు. డబ్బు బాగా కలిసి వస్తుంది. రావలసిన సొమ్ము చేతికి అందుతుంది. ఆస్తి వివాదం పరిష్కారం అవుతుంది. కుటుంబ వ్యవహారాలు చక్కదిద్దుతారు. వ్యక్తిగత సమస్యలు బాగా తగ్గుముఖం పడతాయి.

వృషభం (కృత్తిక 2,3,4, రోహిణి, మృగశిర 1,2)

వృత్తి, ఉద్యోగాలలో అనుకూల వాతావరణం ఉంటుంది. వ్యాపారాల్లో అంచనాలకు మించి రాబడి పెరుగుతుంది. ఆర్థికంగా అదృష్టం కలిసి వస్తుంది. ఆర్థిక వ్యవహారాలు చాలావరకు అనుకూలంగా ఉంటాయి. ఒకరిద్దరు బంధుమిత్రులకు ఆర్థికంగా సహాయం చేస్తారు. దూర ప్రాంత కంపెనీల నుంచి మంచి ఆఫర్లు అందుతాయి. వ్యక్తిగత సమస్యల మీద దృష్టి పెడతారు. ఆరోగ్యం బాగానే ఉంటుంది. జీవిత భాగస్వామితో అన్యోన్యత ఏర్పడుతుంది. ఆదాయ మార్గాలు బాగా పెరుగుతాయి.

మిథునం (మృగశిర 3,4, ఆర్ద్ర, పునర్వసు 1,2,3)

శుభవార్తలు ఎక్కువగా వినడం జరుగుతుంది. ఉద్యోగంలో సానుకూల పరిణామాలు చోటు చేసుకుంటాయి. అనుకున్న పనులు అనుకున్నట్టు పూర్తవుతాయి. ఆస్తిపాస్తుల లావాదేవీలకు మార్గం సుగమం అవుతుంది. ముఖ్యమైన వ్యవహారాలను పట్టుదలగా పూర్తి చేస్తారు. వృత్తి, ఉద్యోగాల్లో ప్రోత్సాహకాలు అందుకుంటారు. ఎటువంటి వ్యాపారమైనా లాభాలతో సాగుతుంది. ఆదా యం బాగా పెరుగుతుంది. మంచి పరిచయాలు ఏర్పడతాయి. నిరుద్యోగుల ప్రయత్నాలు ఫలిస్తాయి.

కర్కాటకం (పునర్వసు 4, పుష్యమి, ఆశ్లేష)

ముఖ్యమైన ప్రయత్నాలు విజయవంతం అవుతాయి. ఒకటి రెండు శుభవార్తలు వింటారు. వృత్తి, ఉద్యోగాల్లో మీ మాటకు, చేతకు విలువ పెరుగుతుంది. వ్యాపారాలు సాధారణంగా సాగిపోతాయి. ఇంటా బయటా పని ఒత్తిడి ఎక్కువగా ఉంటుంది. ఆర్థిక పరిస్థితి బాగా అనుకూలంగా ఉంటుంది. కొందరు మిత్రుల కారణంగా డబ్బు నష్టపోవడం జరుగుతుంది. ఎవరినీ గుడ్డిగా నమ్మకపోవడం మంచిది. చేపట్టిన పనులు నిదానంగా పూర్తవుతాయి. సొంత విషయాల మీద శ్రద్ధ పెట్టడం మంచిది.

సింహం (మఖ, పుబ్బ, ఉత్తర 1)

రోజంతా చాలావరకు ప్రశాంతంగా, సానుకూలంగా గడిచిపోతుంది. సొంత పనుల మీద శ్రద్ధ పెడతారు. పట్టుదలగా కొన్ని ముఖ్యమైన పనులు, వ్యవహారాలను పూర్తి చేసి, ఆర్థికంగా ప్రయోజనం పొందుతారు. ఉద్యోగంలో ప్రాధాన్యం పెరుగుతుంది. అధికారులు కొత్త లక్ష్యాలను అప్పజెప్పే అవకాశం ఉంది. వృత్తి జీవితంలో డిమాండ్ పెరుగుతుంది. వ్యాపారాలు బాగానే కలిసి వస్తాయి. కుటుంబసమేతంగా ఇష్టమైన ఆలయాలను సందర్శిస్తారు. ఉద్యోగ ప్రయత్నాలు సఫలం అవుతాయి.

కన్య (ఉత్తర 2,3,4, హస్త, చిత్త 1,2)

బంధుమిత్రుల నుంచి ఆర్థికంగా ఒత్తిడి ఉంటుంది. వృత్తి, ఉద్యోగాల్లో ఆదాయం పెరుగుతుంది కానీ ఖర్చులు తగ్గించుకోవడం మంచిది. రాదనుకున్న డబ్బు కూడా చేతికి అందుతుంది. వ్యాపారం సామాన్యంగా కొనసాగుతుంది. ముఖ్యమైన వ్యవహారాలు నిదానంగా పూర్తవుతాయి. పెళ్లి ప్రయ త్నాల్లో శుభవార్తలు వినడం జరుగుతుంది. నిరుద్యోగులకు కొత్త ఉద్యోగావకాశాలు అంది వస్తాయి. ఆస్తి వివాదాల పరిష్కారానికి ఇది అనుకూల సమయం. ఆరోగ్యం బాగానే ఉంటుంది.

తుల (చిత్త 3,4, స్వాతి, విశాఖ 1,2,3)

గ్రహ బలం బాగా అనుకూలంగా ఉంది. ఉద్యోగంలో పదోన్నతికి అవకాశం ఉంది. వృత్తి, వ్యాపారాల్లో తీరిక లేని పరిస్థితి ఏర్పడుతుంది. ఆదాయానికి, ఆరోగ్యానికి లోటుండదు. మంచి నిర్ణయాలు, ఆలోచనలతో ముందుకు సాగడం మంచిది. ఆర్థికంగా ఇతరులకు సహాయం చేయగల స్థితిలో ఉంటారు. ఎటువంటి ప్రయత్నం తలపెట్టినా తప్పకుండా విజయం సాధిస్తారు. ముఖ్యంగా నిరుద్యోగుల ప్రయత్నాలు సఫలం అవుతాయి. ఎదురు చూస్తున్న శుభవార్తలు వినే అవకాశం ఉంది.

వృశ్చికం (విశాఖ 4, అనూరాధ, జ్యేష్ట)

ఆదాయానికి, ఆరోగ్యానికి లోటుండదు. ఆదాయ మార్గాలను పెంచుకోవడం మీద దృష్టి సారిస్తారు. కొద్దిపాటి ఇబ్బందులు ఉన్నప్పటికీ ఆస్తి, ఆర్థిక వ్యవహారాలను సంతృప్తికరంగా చక్కబెడతారు. ఆరోగ్యం విషయంలో జాగ్రత్తగా ఉండడం మంచిది. ధనపరంగా ఇతరులకు వాగ్దానాలు చేయడం ప్రస్తుతానికి మంచిది కాదు. వృత్తి, వ్యాపారాల్లో ఆర్థిక సమస్యలు తగ్గుముఖం పడతాయి. ఉద్యోగంలో సానుకూల వాతావరణం ఉంటుంది. పిల్లలు ఉత్తమ ఫలితాలు సాధించడం జరుగుతుంది.

ధనుస్సు (మూల, పూర్వాషాఢ, ఉత్తరాషాఢ 1)

అనుకున్న పనులు అనుకున్నట్టు పూర్తవుతాయి. అనేక విధాలుగా ఆదాయం వృద్ధి చెందుతుంది. ఆస్తి, ఆర్థిక వ్యవహారాలను సకాలంలో పూర్తి చేస్తారు. ఆర్థిక సమస్యలు తగ్గిపోతాయి. ఆస్తి వివాదం ఒకటి పరిష్కారం అవుతుంది. కొత్త ఆదాయ మార్గాలు చేతికి అందుతాయి. బంధువుల్లో కొందరి వల్ల ఇబ్బందులు పడతారు. వృత్తి, వ్యాపారాల్లో సొంత ఆలోచనల మీద ఆధారపడడం మంచిది. కుటుంబ సభ్యుల నుంచి సహకారం లభిస్తుంది. కొందరు మిత్రులకు ఆర్థికంగా సాయం చేస్తారు.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఉద్యోగంలో ప్రాధాన్యం, ప్రాభవం బాగా పెరుగుతాయి. వృత్తి, వ్యాపారాల్లో పెట్టుబడులకు తగిన లాభాలు అందుకుంటారు. నిరుద్యోగులకు మంచి అవకాశాలు అందుతాయి. ఉద్యోగం మారాలను కుంటున్నవారికి సమయం అనుకూలంగా ఉంది. కొద్ది ప్రయత్నంతో ఆర్థిక పరిస్థితి మెరుగు పడుతుంది. ముఖ్యమైన ఆస్తి, ఆర్థిక వ్యవహారాలను పట్టుదలగా పూర్తి చేస్తారు. పిల్లల విషయంలో శుభవార్తలు వింటారు. సొంత ఇంటి కోసం ప్రయత్నాలు సాగిస్తారు. ఆరోగ్యానికి ఢోకా ఉండదు.

కుంభం (ధనిష్ట 3,4, శతభిషం, పూర్వాభాద్ర 1,2,3)

ఇంటా బయటా కొద్దిగా శ్రమ, తిప్పట తప్పకపోవచ్చు. అనుకున్న పనులు నిదానంగా పూర్తవుతాయి. అనారోగ్యం ఇబ్బందిపెట్టే అవకాశం కూడా ఉంది. ఆర్థిక విషయాల్లో ఎవరినీ గుడ్డిగా నమ్మకపోవడం మంచిది. ఉద్యోగ జీవితం సాధారణంగా సాగిపోతుంది. వృత్తి, వ్యాపారాల్లో రాబడి కొద్దిగా పెరిగే సూచనలున్నాయి. కుటుంబ వ్యవహారాల్లో బంధువుల జోక్యానికి అవకాశం ఉంది. ఆదా యం నిలకడగా ఉంటుంది. ఖర్చులు తగ్గించుకుంటారు. విదేశాల్లో ఉన్న పిల్లల నుంచి శుభ వార్తలు వింటారు. ప్రముఖులతో పరిచయాలు పెరుగుతాయి. ఇతరులకు మేలు జరిగే పనులు చేస్తారు.

మీనం (పూర్వాభాద్ర 4, ఉత్తరాభాద్ర, రేవతి)

ఒకటి రెండు వ్యక్తిగత సమస్యలు పరిష్కారం అవుతాయి. ఇంటా బయటా మాటకు విలువ ఉంటుంది. మంచి పరిచయాలు ఏర్పడతాయి. వృత్తి, వ్యాపారాలు ఆశాజనకంగా ముందుకు సాగుతాయి. ఉద్యోగంలో అధికారుల నుంచి ప్రోత్సాహకాలు లభిస్తాయి. తోబుట్టువులు చేదోడు వాదోడుగా ఉంటారు. ఆస్తి వివాదం ఒకటి పరిష్కారం అవుతుంది. అనుకున్న పనులన్నీ పూర్తవుతాయి. మిత్రుల మధ్య వివాదాన్ని పరిష్కరించాల్సి వస్తుంది. దాంపత్య జీవితం హ్యాపీగా సాగిపోతుంది.