అందంగా కనిపించాలంటే చర్మాన్ని జాగ్రత్తగా చూసుకోవడం చాలా ముఖ్యం. అయితే నేటి వేగవంతమైన జీవనశైలిలో చర్మ సంరక్షణకు అధిక మంది తగినంత సమయం కేటాయించలేకపోతున్నారు. దీంతో ఇది అనేక చర్మ సమస్యలకు దారితీస్తుంది. అయితే మీ జీవనశైలిలో ఈ ఒక్క తప్పు నివారించకపోతే చర్మ సమస్యలను ఎన్నటికీ కంట్రోల్ చేయలేరు.
ముఖ్యంగా మగువలు మెరిసే చర్మాన్ని కోరుకుంటారు. మంచి చర్మాన్ని పొందడానికి అనేక ఇంటి చిట్కాలను పాటిస్తుంటారు. అయితే తెలిసీ తెలియక చేసే కొన్ని పొరబాట్ల కారణంగా చర్మం మెరుగుపడటానికి బదులుగా చెడిపోవడం కనిపిస్తుంది.
మార్కెట్లో దొరికే వివిధ రకాల సీరమ్లు, యాసిడ్లు, క్రీములు చర్మాన్ని మెరుగుపర్చడానికి బదులుగా మరింత దిగజార్చుతాయి. బదులుగా విటమిన్ సి, రెటినోల్.. ఇవి రెండూ వాడితే చర్మ సంరక్షణకు భలేగా పని చేస్తాయి.
అయితే ఈ రెండింటినీ కలిపి ఉపయోగించకూడదు. విటమిన్ సి ఉదయం సూర్యరశ్మిని కాపాడటానికి, ప్రకాశానికి మంచిది. కొల్లాజెన్ను పెంచడానికి రాత్రిపూట రెటినాల్ను ఉపయోగించాలి. ఈ రెండింటినీ కలిపి ఉపయోగిస్తే చర్మం ఎర్రగా మారి చికాకు, పొడి చర్మం వంటి సమస్యలను కలిగిస్తుంది. దీనివల్ల మరిన్ని సమస్యలు తలెత్తుతాయి.
సకాలంలో ఈ తప్పును నివారించకపోతే సమస్య మరింత తీవ్రమవుతుంది. ముఖంపై మొటిమలు వచ్చే అవకాశం కూడా ఉంది. కాబట్టి ఈ రెండింటిని ఉపయోగించేటప్పుడు తగిన జాగ్రత్తగా ఉండాలని నిపుణులు సూచిస్తున్నారు.