జ్యోతిషశాస్త్రంలో శని గ్రహాన్ని కర్మ ఫలదాతగా పరిగణిస్తారు. శని ప్రభావం జీవితంలో ఒడిదుడుకులు, పరీక్షలను తెస్తుంది. ఎవరైనా ఏలి నాటి శని బారిన పడినప్పుడు వారు ఇబ్బందులు.. ఆరోగ్య సమస్యలు , మానసిక ఒత్తిడిని ఎదుర్కొంటారు. అయితే సరైన నివారణలు, సకాలంలో పూజలను చేయడం వలన శనీశ్వరుడి వలన కలిగే ఇబ్బందికరమైన ప్రభావాలను తగ్గించవచ్చు. ఈ రోజు జ్యోతిషశాస్త్ర నివారణల గురించి తెలుసుకుందాం.
ఏలినాటి శని అంటే ఏమిటి?
జ్యోతిషశాస్త్రంలో శనీశ్వరుడు నవగ్రహాల్లో ముఖ్యమైన గ్రహంగా పరిగణించబడుతుంది. ఒక రాశిలోని మొదటి, రెండవ,పన్నెండవ ఇళ్లలో శని సంచరిస్తే.. ఆ కాలాన్ని ఏలినాటి శని అంటారు. ఇది మూడు రాశులను ఒకేసారి ప్రభావితం చేస్తుంది. దీని ప్రభావం ఏడున్నర సంవత్సరాలు ఉంటుంది. ఈ సమయంలో ఒక వ్యక్తి కెరీర్ లో అడ్డంకులు, ఆరోగ్య సమస్యలు , ఆర్థిక ఇబ్బందులు వంటి అనేక సవాళ్లను ఎదుర్కొనాల్సి వస్తుందని నమ్మకం.
ఏలినాటి శని ప్రభావాలను తగ్గించే పరిహారాలు
ఏలినాటి శని ప్రతికూల ప్రభావాలను తగ్గించగల కొన్ని పరిహారాలను జ్యోతిషశాస్త్రం సూచించింది. మంగళ, శనివారాల్లో ఈ పరిహారాలు చేయడం చాలా ప్రయోజనకరంగా పరిగణించబడుతుంది.
మంగళవారం చేయాల్సిన పరిహారాలు
- శనిశ్వరుడి స్నేహితుడిగా పరిగణించబడే హనుమంతుడికి మంగళవారం అంకితం చేయబడింది. ఈ రోజున హనుమంతుడిని పూజించడం వల్ల శనిదేవుడు సంతోషిస్తాడు. అటువంటి వ్యక్తులపై శని ప్రతికూల ప్రభావాలు తగ్గుతాయి.
- హనుమాన్ చాలీసా పారాయణం: మంగళవారం ఉదయం స్నానం చేసిన తర్వాత.. కనీసం 11 సార్లు హనుమాన్ చాలీసా పారాయణం చేయండి.
- సుందరకాండ పారాయణం: వీలైతే మంగళవారం నాడు సుందరకాండ పారాయణం చేయండి. ఈ పరిహారం చాలా శక్తివంతమైనదిగా పరిగణించబడుతుంది.
- హనుమంతుడికి వీటిని సమర్పించండి : మంగళవారం నాడు.. హనుమాన్ ఆలయానికి వెళ్లి శనగలు, సింధూరం, మల్లె నూనెను సమర్పించండి.
- హనుమంతుడికి ప్రసాదంగా బూందీ ప్రసాదాన్ని అందించండి. ఈ ప్రసాదాన్ని పేదలకు పంచండి.
శనివారం చేయాల్సిన పరిహారాలు
- హిందూ మతంలో శనివారం శనిదేవుడికి అంకితం చేయబడింది. ఈ రోజున చేసే పరిహారాలు చాలా ప్రభావవంతంగా ఉంటాయి.
- శనీశ్వర ఆలయాన్ని సందర్శించండి : శనివారం శనీశ్వర ఆలయాన్ని సందర్శించి.. శనిదేవుడికి ఆవాల నూనె, నల్ల నువ్వులు సమర్పించండి.
- రావి చెట్టుకి పూజ: శనివారం సాయంత్రం రావి చెట్టు కింద ఆవాల నూనె దీపం వెలిగించండి. “ఓం శం శనైశ్చరాయ నమః” అనే మంత్రాన్ని 108 సార్లు జపించండి.
- నల్ల వస్తువులను దానం చేయండి: శనివారం నాడు పేదలకు, ఆపన్నులకు మినప పప్పు, నల్ల నువ్వులు, ఆవాల నూనె, దుప్పట్లు లేదా బూట్లు దానం చేయండి.
- శని స్తోత్ర పారాయణం: శని స్తోత్రం, దశరధుని శని స్తోత్రాన్ని శనివారం పఠించడం కూడా గొప్ప ప్రయోజనాలను ఇస్తుంది.
- ఆహారాన్ని దానం చేయండి: శనివారం నాడు పేదవాడికి లేదా బిచ్చగాళ్ళకు అన్నదానం చేయండి. ఈ పరిహారం శనిదేవుడికి చాలా ప్రియమైనది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు
