ప్రముఖ తెలుగు సినీ నటి సాయి పల్లవి తాజాగా తమిళనాడు ప్రభుత్వం ప్రదానం చేసే ప్రతిష్టాత్మకమైన కళైమామణి పురస్కారాన్ని అందుకున్నారు. 2021 సంవత్సరానికి గాను ఆమెకు ఈ అవార్డు లభించింది. తమిళనాడు ప్రభుత్వం సాహిత్యం, సంగీతం, నాటకం, సినిమా వంటి రంగాలలో విశేష కృషి చేసిన వారికి ఈ పురస్కారాన్ని ప్రదానం చేస్తుంది. ఈ అవార్డుతో పాటు విజేతలకు మూడు శవర్ల బంగారు పతకం,ప్రశంసా పత్రం అందజేస్తారు. సాయి పల్లవితో పాటు 2023 సంవత్సరానికి సంగీత దర్శకుడు అనిరుద్ రవిచంద్ర, దర్శకులు ఎస్.జే. సూర్య, లింగుస్వామి, నటులు విక్రమ్ ప్రభు, మణికందన్ వంటి ప్రముఖులు కూడా ఈ పురస్కారానికి ఎంపికయ్యారు. త్వరలోనే తమిళనాడు ముఖ్యమంత్రి ఎం.కె. స్టాలిన్ చేతుల మీదుగా ఈ పురస్కారాలు ప్రదానం చేయబడతాయి.
మరిన్నివీడియోల కోసం :
