ప్రస్తుతం పాన్ ఇండియా సినిమాలకు కేరాఫ్ అడ్రస్ గా మారిపోయాడు ప్రభాస్. బాహుబలితో మొదలై మొన్నటి కల్కి వరకు ప్రభాస్ చేసిన సినిమాలన్నీ పాన్ ఇండియా చిత్రాలే. ఇప్పుడు డార్లింగ్ చేతిలో ఉన్న అరడజను సినిమాలు కూడా పాన్ ఇండియా మూవీసే. ది రాజా సాబ్, ఫౌజి, స్పిరిట్, సలార్ 2, కల్కి 2 తో పాటు ప్రశాంత్ వర్మతోనూ ఓ క్రేజీ మూవీ చేస్తున్నాడు ప్రభాస్. మరోవైపు డార్లింగ్ క్లోజ్ ఫ్రెండ్ అయిన గోపీచంద్ మాత్రం ఈ మధ్యన వరుస పరాజయాలతో సతమతవుతున్నాడు. సిటీమార్ తర్వాత అతను చేసిన సినిమాలన్నీ బాక్సాఫీస్ వద్ద బోల్తా కొట్టాయి. ఆరడగుల బుల్లెట్టు, పక్కా కమర్షియల్, రామబాణం, భీమా సినిమాలన్నీ ఆడియెన్స్ ను నిరాశపర్చాయి. అయితే గతేడాది రిలీజైన విశ్వం మాత్రం యావరేజ్ గా నిలిచింది. శ్రీను వైట్ల తెరకెక్కించిన ఈ కామెడీ ఎంటర్ టైనర్ గోపీచంద్ కెరీర్ ను కాస్త గాడిలో పెట్టింది. ఇదిలా ఉంటే ప్రభాస్ ఫ్రెండ్స్ యువీ క్రియేష‌న్స్ అనే ప్రొడక్షన్ బ్యానర్ ను నడుపుతున్నారు. ఈ బ్యానర్ లో తెరకెక్కే సినిమాల విషయంలో ప్రభాస్ ఇన్వాల్వ్‌మెంట్ డైరెక్ట్ గా లేక‌పోయిన‌ప్ప‌టికీ ఆయ‌న స‌లహాలు సూచ‌న‌లు మాత్రం త‌ప్ప‌క ఉంటాయి.
అలా సుమారు పదేళ్ల క్రితం ఒక సినిమా కథ ప్రభాస్ దగ్గరకు వచ్చిందట. కొత్త దర్శకుడు అయినా కథ బాగా నచ్చిందట. అయితే అప్పటికే తాను బాహుబలి సినిమాతో బిజీగా ఉన్నాడట. దీంతో డైరెక్టర్ ను వెయిట్ చేయించడం ఇష్టం లేని ప్రభాస్ ఇదే సినిమా కథను తన స్నేహితుడు గోపీచంద్ కు చేయమని చెప్పాడట. ప్రభాస్ సూచనల మేరకు గోపీచంద్ కూడా కథ విన్నాడట. అతనికి కూడా స్టోరీ తెగ నచ్చేసిందట. దీంతో వెంటనే ఓకే చెప్పాడట. ఆ తర్వాత సినిమా పట్టాలెక్కడం, సూపర్ హిట్ అవ్వడం చకా చకా జరిగిపోయాయి. పైగా ఈ సినిమాలో గోపీచంద్ అప్పియరెన్స్ అప్పట్లో సెన్సేషన్ అయ్యింది. స్టైలిష్ లుక్ లో అదరగొట్టేశాడు మ్యాచో స్టార్. ఇంతకీ ఆ సినిమా ఏంటో చాలా మందికి అర్థమై ఉంటుంది. యస్. ఆ మూవీ పేరు జిల్.
ఇవి కూడా చదవండి
2014లో రిలీజైన గోపీచంద్ స్టైలిష్ యాక్షన్ ఎంటర్ టైనర్ జిల్. రాధా కృష్ణ తెరకెక్కించిన ఈ సినిమాలో రాశీ ఖన్నా హీరోయిన్ గా నటించింది. కాగా దీని తర్వాత ఇదే రాధాకృష్ణ డైరెక్షన్ లో రాధేశ్యామ్ అనే సినిమా చేశాడు ప్రభాస్. కానీ ఇది అంచనాలను అందుకోలేకపోయింది.
మరిన్ని సినిమా వార్తల కోసం ఇక్కడ క్లిక్ చేయండి.
