Asia Cup 2025 : యుద్ధరంగంలోనూ, క్రికెట్ మైదానంలోనూ.. పాకిస్తాన్‌కు భారత్ దీటుగా బదులిచ్చింది. మే నెలలో జరిగిన సైనిక ఆపరేషన్ సింధూర్ లో పాకిస్తాన్ ఉగ్రవాద స్థావరాలను ధ్వంసం చేసి పాక్ సైన్యాన్ని నిస్సహాయంగా మార్చింది. అదేవిధంగా, క్రికెట్ మైదానంలోనూ భారత్ పాక్‌కు సరైన సమాధానం ఇచ్చింది. భారత్ కేవలం వారంలో రెండుసార్లు పాకిస్తాన్‌ను ఓడించడమే కాకుండా, సైగల యుద్ధంలోనూ మన ఆటగాళ్లు పాకిస్తాన్ ప్రత్యర్థులకు గట్టి సమాధానం చెప్పారు.
క్రికెట్ లో మిలిటరీ సైగలు
క్రికెట్ మైదానంలో పాకిస్తాన్ ఆటగాళ్లు చూపిన సైగలు వారి సైనిక దురహంకారాన్ని, ఉగ్రవాద మనస్తత్వాన్ని ప్రదర్శించాయి. పాకిస్తాన్ ఫాస్ట్ బౌలర్ హారిస్ రౌఫ్ తన సైగలతో మే నెలలో జరిగిన యుద్ధంలో పాకిస్తాన్ సైన్యం భారత యుద్ధ విమానాలను కూల్చివేసిందని సంకేతాలు ఇచ్చాడు. అలాగే, పాక్ బ్యాటర్ సాహిబ్జాదా ఫర్హాన్ తన బ్యాట్‌ను AK-47 గన్ లాగా పట్టుకుని భారత డగౌట్ వైపు ఫైరింగ్ చేసినట్లుగా సైగ చేశాడు. ఈ చర్యలు సరిహద్దులో జరిగిన ఉగ్రదాడిని గుర్తుచేస్తాయి.
భారత ఆటగాళ్ల స్టైల్‌లో సమాధానం
అయితే, భారత ఆటగాళ్లు తమ ప్రత్యర్థులకు తమదైన శైలిలో గట్టిగా బదులిచ్చారు. మ్యాచ్ తర్వాత, యువ పేసర్ అర్షదీప్ సింగ్ ఒక వైరల్ వీడియోలో హారిస్ రౌఫ్‌కు ఘాటుగా సమాధానం ఇచ్చాడు. రౌఫ్ ఎగతాళి చేసిన యుద్ధ విమానం కూల్చివేత సైగకు ప్రతిగా, అర్షదీప్ విమానం కూలిపోతున్నట్లుగా సైగ చేశాడు. ఈ వీడియో సోషల్ మీడియాలో వైరల్ అయ్యింది. నెటిజన్లు అర్షదీప్‌కు మద్దతు తెలిపారు. అంతేకాకుండా, పాకిస్తాన్ బౌలర్లు హారిస్ రౌఫ్, షాహీన్ షా అఫ్రిది స్లెడ్జింగ్‌కు, అలాగే సాహిబ్జాదా ఫర్హాన్ దురుసు సైగలకు భారత బ్యాట్స్‌మెన్ శుభమన్ గిల్, అభిషేక్ శర్మ బౌండరీలతోనే సమాధానం చెప్పారు.
సైనిక చర్యలకు సరైన సమాధానం
మే 7న భారత్ ఆపరేషన్ సింధూర్ పేరుతో పాకిస్తాన్, పాకిస్తాన్ ఆక్రమిత కాశ్మీర్‌లోని తొమ్మిది ఉగ్రవాద స్థావరాలపై మెరుపుదాడి చేసింది. ఈ దాడిలో ఉగ్రవాద సంస్థలైన జైష్-ఎ-మహ్మద్, లష్కర్-ఎ-తైబా, హిజ్బుల్ ముజాహిదీన్ స్థావరాలను ధ్వంసం చేసింది. ఈ దాడుల్లో 100 మందికి పైగా ఉగ్రవాదులు హతమయ్యారు. ఈ దాడులకు బదులుగా పాకిస్తాన్ మిస్సైల్స్ , డ్రోన్‌లతో దాడి చేయడానికి ప్రయత్నించగా, భారతదేశ వైమానిక రక్షణ వ్యవస్థలు వాటిని కూల్చివేశాయి.
Arshdeep cooked rauf and we didn’t even notice…😭😭pic.twitter.com/IO8bIf8RZl
— B̷O̷D̷Y̷G̷U̷A̷R̷D̷ (@kohli_goat) September 23, 2025
సరిహద్దుల్లో శాంతి.. మైదానంలో శత్రుత్వం
యుద్ధరంగం నుంచి క్రికెట్ మైదానం వరకు, పాకిస్తాన్ ప్రవర్తనకు భారత్ తమదైన శైలిలో సమాధానం ఇచ్చింది. భారత్ మిస్సైల్స్, యుద్ధ విమానాలతో పాకిస్తాన్ సైనిక స్థావరాలను ధ్వంసం చేయగలదు, కానీ కేవలం ఉగ్రవాద స్థావరాలను లక్ష్యంగా చేసుకోవడం ద్వారా తమ సామర్థ్యాన్ని చాటుకుంది. అదేవిధంగా, క్రికెట్ మైదానంలో పాకిస్తాన్ ఆటగాళ్ల దురుసు ప్రవర్తనకు భారత ఆటగాళ్లు శాంతంగా, కానీ బలంగా తమ ప్రదర్శనతో బదులిచ్చారు.
మరిన్ని క్రికెట్ వార్తల కోసం ఇక్కడ క్లిక్‌ చేయండి..
