Pakistan Batter Sahibzada Farhan: ఆసియా కప్ 2025లో భారత్-పాకిస్థాన్ మధ్య జరిగిన మ్యాచ్‌లో పాకిస్థాన్ ఓపెనర్ సాహిబ్జాదా ఫర్హాన్ చేసిన AK-47 సెలబ్రేషన్ తీవ్ర వివాదానికి దారితీసింది. తన అర్ధశతకం పూర్తయిన తర్వాత, ఫర్హాన్ తన బ్యాట్‌ను గన్‌లా పట్టుకుని కాల్చినట్లుగా సంజ్ఞ చేశాడు. ఈ చర్యపై భారత అభిమానులు, రాజకీయ నాయకులు తీవ్రంగా స్పందించారు. అయితే, ఈ వివాదంపై ఫర్హాన్ తాజాగా స్పందిస్తూ “నేనేమీ పట్టించుకోను” అంటూ షాకింగ్ కామెంట్స్ చేశాడు.
ఆసియా కప్ సూపర్ 4 మ్యాచ్‌లో భారత్‌తో జరిగిన పోరులో పాకిస్థాన్ బ్యాటర్ సాహిబ్జాదా ఫర్హాన్ 58 పరుగులు చేసి మంచి ప్రదర్శన కనబరిచాడు. ఈ క్రమంలో, అతను తన అర్ధశతకాన్ని పూర్తి చేసుకున్న తర్వాత, బ్యాట్‌ను గన్‌లా పట్టుకుని కాల్పులు జరుపుతున్నట్లుగా సంజ్ఞ చేశాడు. ఈ వీడియో సోషల్ మీడియాలో వైరల్ అవ్వడంతో, భారత అభిమానులు, నెటిజన్లు తీవ్ర ఆగ్రహం వ్యక్తం చేశారు. కొందరు దీనిని ఇది ఆట స్ఫూర్తికి విరుద్ధమని పేర్కొన్నారు. ఈ సంజ్ఞ కొన్ని నెలల క్రితం జరిగిన ఉగ్రవాద దాడిని గుర్తు చేసిందని, ఇది చాలా సున్నితమైన అంశమని విమర్శకులు వ్యాఖ్యానించారు.
ఇవి కూడా చదవండి
ఈ వివాదంపై ఫర్హాన్ శ్రీలంకతో జరగబోయే మ్యాచ్‌కు ముందు విలేకరుల సమావేశంలో స్పందించాడు. “నేను నా ఆటను సక్రమంగా ఆడుతాను. ఆ సమయంలో నాకు ఒక సెలబ్రేషన్ చేయాలని అనిపించింది. అందుకే చేశాను. దాని గురించి ఇతరులు ఏమనుకుంటున్నారో నేను పట్టించుకోను. నా దృష్టిలో, ఏ జట్టుపై అయినా ఇలా ఆడటమే ముఖ్యం” అని ఫర్హాన్ స్పష్టంగా చెప్పుకొచ్చాడు. అతని ఈ వ్యాఖ్యలు వివాదాన్ని మరింత పెంచాయి.
इनको कौन समझाये ये बैट है AK47 नहीं 😡😡#INDvPAK
— Shivani (@shivani_di) September 21, 2025
సాహిబ్జాదా ఫర్హాన్ వ్యాఖ్యలపై భారత క్రికెట్ వర్గాల నుంచి ఇంకా అధికారిక స్పందన రాలేదు. అయితే, ఈ సెలబ్రేషన్ ఘటన, హరీస్ రౌఫ్ భారత ప్రేక్షకులతో వాగ్వాదానికి దిగిన ఘటన, మ్యాచ్ తర్వాత చేతులు కలపడానికి నిరాకరించిన ఘటనలు భారత్-పాకిస్థాన్ క్రికెట్ సంబంధాలపై కొత్తగా చర్చను లేవనెత్తాయి. క్రీడల్లో రాజకీయాలు, జాతీయవాదం కలవకూడదనే వాదనలు మరోసారి తెరపైకి వచ్చాయి.
సెకండ్ వికెట్ పడగొట్టిన Shivam Dube 💥
చూడండి #INDvPAK లైవ్
Sony Sports Network TV Channels & Sony LIV లో#SonySportsNetwork #DPWorldAsiaCup2025 pic.twitter.com/EZGkRemo4D— Sony Sports Network (@SonySportsNetwk) September 21, 2025
మొత్తంగా, సాహిబ్జాదా ఫర్హాన్ తన సెలబ్రేషన్ వివాదంపై చేసిన వ్యాఖ్యలు ఈ అంశాన్ని మరింత సంచలనంగా మార్చాయి. ఇది కేవలం ఒక ఆటగాడి వ్యక్తిగత సెలబ్రేషన్ కాదా లేక రాజకీయ, మిలిటెంట్ భావనలకు ప్రతిబింబమా అనే చర్చ కొనసాగుతోంది. ఐసీసీ ఈ విషయంపై ఎలాంటి చర్యలు తీసుకుంటుందో వేచి చూడాలి.
మరిన్ని క్రికెట్ వార్తల కోసం ఇక్కడ క్లిక్‌ చేయండి..
