Sanju Samson vs Hardik Pandya: శుక్రవారం అబుదాబిలోని షేక్ జాయెద్ స్టేడియంలో ఆసియా కప్ 2025లో భాగంగా భారత్, ఒమన్ జట్లు గ్రూప్ ఏలో భాగంగా తలపడ్డాయి. ఈ మ్యాచ్ సందర్భంగా, భారత ఇన్నింగ్స్ ఎనిమిదో ఓవర్లో నాటకీయ క్షణం ఆవిర్భవించింది. సంజు శాంసన్‌ను ఔట్ చేయాల్సిన బంతి హార్దిక్ పాండ్యాకు ఎండ్ కార్డ్‌గా మారింది. ఈ దృశ్యాన్ని చూసి ప్రేక్షకులు ఆశ్చర్యపోయారు. దురదృష్టవశాత్తు హార్దిక్ పాండ్యా కేవలం ఒక పరుగు మాత్రమే చేసి రనౌట్ అయ్యాడు. ఆసియా కప్ 2025 గ్రూప్ ఏ మ్యాచ్‌లో భారత్ ఒమన్‌ను 21 పరుగుల తేడాతో ఓడించి, ప్రస్తుతం జరుగుతున్న ఆసియా కప్ 2025 టోర్నమెంట్‌లో హ్యాట్రిక్ విజయాలను నమోదు చేసింది.
మ్యాచ్‌లో ఈ అద్భుతమైన నాటకం..
భారత ఇన్నింగ్స్ ఎనిమిదో ఓవర్లో సంజు శాంసన్ హార్దిక్ పాండ్యాకు హృదయ విదారక పరిస్థితిని కల్పించాడు. ఈ ఓవర్‌ను ఒమన్ తరపున బౌలింగ్ చేయడానికి మీడియం పేసర్ జితెన్ రామనంది వచ్చాడు. ఆ ఓవర్ లో మూడో బంతికి సంజు శాంసన్ స్ట్రెయిట్ డ్రైవ్ ఆడాడు. బంతి గాలిలో ఉంది. జితెన్ రామనంది దానిని క్యాచ్ చేయడానికి ప్రయత్నించాడు. అయితే, బంతి జితెన్ రామనంది చేతిని తాకింది. నాన్-స్ట్రైకర్ ఎండ్ వద్ద స్టంప్స్‌ను తాకింది. ఆ సమయంలో హార్దిక్ పాండ్యా క్రీజులో లేడు. దీంతో, హార్దిక్ పాండ్యా దురదృష్టవశాత్తు రనౌట్ అయ్యాడు.
ఇవి కూడా చదవండి
సంజు శాంసన్ వల్ల హార్దిక్ పాండ్యా హార్ట్ బ్రేక్..
UNLUCKY HARDIK PANDYA RUN OUT ON 1 RUNS 🤯pic.twitter.com/KsWzWbSMZ4
— VIKAS (@Vikas662005) September 19, 2025
జితెన్ రామానంది సంజు శాంసన్ స్ట్రెయిట్ డ్రైవ్ క్యాచ్ పట్టుకుని ఉంటే, అతను అవుట్ అయ్యేవాడు. కానీ, అదే బంతి నాన్-స్ట్రైకర్ ఎండ్‌లో హార్దిక్ పాండ్యాను రనౌట్ చేసింది. హార్దిక్ పాండ్యాకు ఇది ఒక పీడకల. అతను తన తప్పు లేకుండానే అవుట్ అయ్యాడు. హార్దిక్ పాండ్యా 1 పరుగుకే అవుట్ అయ్యాడు. అయితే, ఒమన్‌తో జరిగిన మ్యాచ్‌లో హార్దిక్ పాండ్యా పటిష్టంగా బౌలింగ్ చేశాడు. అతను 4 ఓవర్లలో 26 పరుగులకు 1 వికెట్ తీసుకున్నాడు. కాగా, ఈ బంతికి సంజు శాంసన్ ప్రాణం పోసుకున్నాడు. ఒమన్‌తో జరిగిన ఈ మ్యాచ్‌లో 3వ స్థానంలో బ్యాటింగ్ చేసిన సంజు సామ్సన్ 45 బంతుల్లో 56 పరుగులు చేశాడు.
మ్యాచ్ ఫలితం..
Unlucky Kunfu Pandya 😭😭😭😭
An Unbelievable Run-outs Hardik Pandya pic.twitter.com/B9xifmSd8d
— Sarvada 💙 (@ImSarvada) September 19, 2025
ఈ మ్యాచ్‌లో భారత్ ఒమన్‌ను 21 పరుగుల తేడాతో ఓడించింది. ఈ మ్యాచ్‌లో ఒమన్ ఓడిపోయి ఉండవచ్చు. కానీ, ఓమన్ బ్యాటర్స్ భారత బౌలర్లకు గట్టి పరీక్ష పెట్టారు. కెప్టెన్ జతీందర్ ఇన్నింగ్స్ నెమ్మదిగా లేకపోతే, ఫలితం వేరేలా ఉండేది. టాస్ గెలిచి మొదట బ్యాటింగ్ చేసిన భారత క్రికెట్ జట్టు 8 వికెట్ల నష్టానికి 188 పరుగులు చేసింది. ఒమన్ 4 వికెట్లకు 167 పరుగులు చేసి 21 పరుగుల తేడాతో మ్యాచ్‌ను కోల్పోయింది. భారత తరపున తరపున హార్దిక్, హర్షిత్, కుల్దీప్, అర్ష్‌దీప్ తలా ఒక వికెట్ తీసుకున్నారు. సెప్టెంబర్ 21 ఆదివారం సూపర్-4 దశలో భారత్ తన తొలి మ్యాచ్‌ను చిరకాల ప్రత్యర్థి పాకిస్తాన్‌తో ఆడనుంది.
మరిన్ని క్రీడా వార్తల కోసం ఇక్కడ క్లిక్ చేయండి..
