ప్రస్తుతం ఒక చిన్నోడి ఫోటో సోషల్ మీడియాలో తెగ వైరలవుతుంది. ఆ ఫోటోలో ఒక పసివాడు బకెట్లో కూర్చుని కనిపిస్తున్నాడు. అతని ఒంటి మీద, ముఖం మీద సబ్బు కనిపిస్తోంది. చాలా సాధారణంగా ఉన్న ఈ ఫోటోను చూసి, ఈ బాలుడు ఎవరో గుర్తించడం చాలా మందికి కష్టమే. కానీ మీకు తెలుసా.. ఆ చిన్నోడు ఇప్పుడు పాన్ ఇండియా సూపర్ స్టార్.
ఈ చిన్నారి మరెవరో కాదు, బాలీవుడ్ కింగ్ ఖాన్, నటుడు షారుఖ్ ఖాన్. ఫోటోలో బకెట్లో కూర్చుని, ముఖానికి సబ్బుతో ఉన్న ఈ చిన్ని షారుఖ్ ఖాన్, నేటి బాలీవుడ్లోని అగ్ర నటులలో ఒకరు. 1965 నవంబర్ 2న న్యూఢిల్లీలో జన్మించారు. ఆయన ఢిల్లీలోని హన్స్రాజ్ కళాశాలలో విద్యాభ్యాసం చేశారు. ఆ తర్వాత, ఆయన జామియా మిలియా ఇస్లామియాలో కూడా చదువుకున్నారు. నటనారంగంలోకి ప్రవేశించడానికి ముందు, ఆయన తన కెరీర్ను టెలివిజన్లో ప్రారంభించారు.
షారుఖ్ ఖాన్ 'ఫౌజీ' , 'సర్కస్' వంటి సీరియల్స్లో పనిచేశారు. 'ఫౌజీ' 1988లో, 'సర్కస్' 1989లో విడుదలయ్యాయి. బుల్లితెరపై పనిచేసిన తర్వాత, ఆయన వెండితెర వైపు మళ్లారు. షారుఖ్ ఖాన్ 1992లో 'దీవానా' చిత్రంతో బాలీవుడ్లో అరంగేట్రం చేశారు. ఈ చిత్రంలో తన నటనకు గాను ఆయన ఉత్తమ తొలి నటుడిగా ఫిల్మ్ఫేర్ అవార్డును గెలుచుకున్నారు. తర్వాత 'బాజీగర్', 'డర్' వంటి చిత్రాలలో యాంటీ-హీరో, ప్రతినాయక పాత్రలను పోషించారు.
1995లో విడుదలైన 'దిల్వాలే దుల్హనియా లే జాయేంగే' చిత్రం షారుఖ్ ఖాన్ కెరీర్కు ఒక కొత్త మలుపు ఇచ్చింది. అందులో రాజ్ అనే రొమాంటిక్ పాత్ర అతన్ని ఇంటింటా సుపరిచితుడిని చేసింది . ఆ తర్వాత బాలీవుడ్లో ఒక రొమాంటిక్ ఐకాన్గా నిలబెట్టింది. ఆ తర్వాత, అతను అనేక హిట్ చిత్రాలలో నటించి తనకంటూ ఒక ప్రత్యేక గుర్తింపును సృష్టించుకున్నాడు.
ఇదెలా ఉంటే.. ఇటీవల హురున్ ఇండియా రిచ్ లిస్ట్ 2026 తాజాగా విడుదల చేసిన నివేదిక ప్రకారం గతేడాది రూ.12,490 కోట్లుగా ఉన్న షారుఖ్ ఖాన్ ఆస్తి ఈ ఏడాది రూ.2,490 కోట్లు తగ్గి రూ.10 వేల కోట్లకు చేరినట్లు అంచనాల వేసింది. ఈ లెక్కల్లో ఆయన నిర్మాణ సంస్థ రెడ్ చిల్లీస్ ఎంటర్టైన్మెంట్, కోల్ కత్తా నైట్ రైడర్స్ స్పోర్ట్స్ వంటి వ్యాపారాలను పరిగణనలోకి తీసుకున్నట్లు తెలిపింది. అయిప్పనప్పటికీ హురున్ రిలీజ్ చేసిన జాబితాలో అత్యంత దనవంతుడిగా షారుఖ్ ఖాన్ అగ్ర స్థానంలో ఉన్నారు.