ప్రముఖ నటుడు, రచయిత తనికెళ్ళ భరణి తన బాల్య జ్ఞాపకాలు, నటుడిగా తన అనుభవాలు, అభిమాన నటీనటులు, పాత్రలపై తన అభిప్రాయాలను ఓ ఇంటర్వ్యూలో పంచుకున్నారు. బాల్యంలో పిల్లల అల్లరి గురించి మాట్లాడుతూ, ఒక చిన్నారికి గుండు గీయించిన సంఘటనను గుర్తుచేసుకున్నారు. పిల్లలు చేసే చిన్న తప్పులు కూడా అందంగానే ఉంటాయని, వాటిని సరిదిద్దడానికి ప్రయత్నించకూడదని సరదాగా అన్నారు. తాను నటించాలని ఆశపడే పాత్రలలో మహాభారతంలోని శకుని పాత్ర ఒకటని తనికెళ్ళ భరణి వెల్లడించారు. శకునిని అనుకూల శత్రువు అని అన్నారు. కౌరవుల చేతిలో జరిగిన అవమానాలకు ప్రతీకారంగా శకుని, గాంధారి తమ్ముడిగా ఉంటూనే కౌరవుల నాశనాన్ని ఎలా కోరుకున్నాడో వివరించారు. అతనిలోని సంక్లిష్టత, ప్రతీకార తత్వం తనకెంతో నచ్చిందని చెప్పారు. మాయాబజార్ సినిమాలో శకుని పాత్రను సీఎస్ఆర్ అద్భుతంగా పోషించారని గుర్తుచేసుకున్నారు.
నటి రేఖ పట్ల తనకున్న అపారమైన అభిమానాన్ని, ప్రేమను తనికెళ్ళ భరణి వ్యక్తం చేశారు. ఆమె అందం, లోతైన వ్యక్తిత్వంపై తాను రాసిన కవితను వినిపించారు. రేఖను “ఆమె ఓ కన్ను కామసూత్రాల కాసారం, రెండోది కరుణారస సాగరం” అని అన్నారు. “శృంగార రసాధి దేవతలా ఉండే రేఖ గుండెల నిండా కుతకుతలాడుతున్న లావా” అన్నారు. చీకటిని పాయలుగా దువ్వి వేసినట్టున్న ఆమె కృష్ణవేణీ జడ, దాని కొసన వేలాడే ప్రేక్షకుడి హృదయాల లాంటి జడగంటలను తన కవిత్వంలో వివరించారు.
“ఆమె యావత్ భూగోళాన్ని ప్రేమించింది. ఆమెను యావత్ భూగోళం ప్రేమించింది. కానీ దేవుడు దుర్యోధనుడి కన్నా దుర్మార్గుడు. ఆమెకు సూది మొనంత ప్రేమ కూడా ఆమెను వసట రాయనివ్వలేదు” అంటూ రేఖ జీవితంలోని కష్టాలను ప్రస్తావించారు. “భారత చలనచిత్ర వధువుటి నుదుట నల్లని నామం రేఖ” అని ముగించారు. లక్షలాది మంది అనామిక ప్రేమికులలో తాను ఒకడినని భరణి అంగీకరించారు. రేఖను ఒక గొప్ప తత్వవేత్తగా తెలిపారు.
ఎక్కువ మంది చదివినవి : Udaya Bhanu: పస్తులు ఉండి ఇతరులకు అన్నం పెట్టిన గొప్ప వ్యక్తి ఆయన.. చివరకు అలాంటి పరిస్థితుల్లో.. ఉదయభాను ఎమోషనల్..
రేఖ..
Rekha
ఎక్కువ మంది చదివినవి : Udaya Bhanu: పస్తులు ఉండి ఇతరులకు అన్నం పెట్టిన గొప్ప వ్యక్తి ఆయన.. చివరకు అలాంటి పరిస్థితుల్లో.. ఉదయభాను ఎమోషనల్..