బడ్జెట్లో 5G ఫోన్ కొనాలనుకునేవారికి మరో కొత్త ఎంపిక వచ్చింది. Mivi One 5Gలో 90Hz డిస్ప్లే, 6,000mAh బ్యాటరీ, 8GB వరకు RAM వంటి ఫీచర్లు ఉన్నాయి. Big Billion Day సందర్భంగా ధర మరింత తగ్గనుంది. అక్టోబర్ 8 అర్ధరాత్రి తొలి విక్రయం ప్రారంభం కానుంది. ఐదు రంగుల్లో ఈ ఫోన్ లభించనుంది.
రూ.11,999 నుంచే ధర..
ఈ ఫోన్ 4GB+128GB, 6GB+128GB, 8GB+128GB వేరియంట్లలో వస్తుంది. సాధారణ ధరలు వరుసగా రూ.14,999, రూ.15,999, రూ.16,999గా ఉన్నాయి. Big Billion Day ప్రత్యేక ధరల్లో ఇవి రూ.11,999, రూ.13,499, రూ.14,999గా ఉంటాయి. వీటిలో బ్యాంక్ ఆఫర్లు కూడా కలిపి ఉన్నాయని సంస్థ తెలిపింది.
అక్టోబర్ 8 అర్ధరాత్రి Flipkartలో తొలి విక్రయం ప్రారంభమవుతుంది. Blue, Pink, Green, Burgundy, Navy Blue రంగుల్లో ఫోన్ లభిస్తుంది. Jio కస్టమర్లకు 12 నెలల Canva Pro, ఒక నెల Hotstar Mobile + Hollywood, 18 నెలల Google Gemini Pro ప్లాన్తో పాటు 5,000GB Google Cloud స్టోరేజ్, అదనంగా 50GB Jio AI Cloud స్టోరేజ్ వంటి ప్రయోజనాలను అందిస్తున్నారు.
6,000mAh బ్యాటరీ..
Mivi One 5Gలో 4nm తయారీతో రూపొందించిన Snapdragon 4 Gen 2 5G చిప్సెట్ ఉంది. సుమారు 490,000 AnTuTu స్కోర్ వస్తుందని సంస్థ చెబుతోంది. 6,000mAh బ్యాటరీకి 18W PD 2.0 ఛార్జింగ్ సపోర్ట్ ఉంది. ఫొటోల కోసం 50MP ప్రధాన వెనుక కెమెరా, మరో కెమెరా ఉన్నాయి. ముందు 8MP కెమెరా ఇచ్చారు. 6.745 అంగుళాల HD+ In-Cell డిస్ప్లే, 90Hz రిఫ్రెష్ రేట్, 2.5D గ్లాస్ ఉన్నాయి. ఫోన్ మందం 9.15mm, బరువు 210 గ్రాములు. IP64 రేటింగ్తో దుమ్ము, నీటి చిమ్ముళ్ల నుంచి రక్షణ లభిస్తుంది.
కాల్ సమయంలో చుట్టూ ఉన్న శబ్దాన్ని తగ్గించేందుకు ClearTalk టెక్నాలజీ ఉంది. Pure Android 16తో వస్తున్న ఈ ఫోన్కు Android 18 వరకు అప్డేట్లు ఇస్తామని సంస్థ హామీ ఇచ్చింది. ఏడాది వారంటీ, 500కు పైగా సర్వీస్ సెంటర్లు, 19,000కుపైగా పిన్కోడ్లలో ఉచిత పికప్, డ్రాప్ సేవలు కూడా ఉన్నాయి. భారత్లోనే తయారు చేస్తున్న ఈ ఫోన్తో Mivi స్మార్ట్ఫోన్ విభాగంలో తన ప్రయాణాన్ని ప్రారంభించింది.