హిందూ సంప్రదాయంలో పితృ పక్షానికి చాలా ప్రాముఖ్యత ఉంటుంది. దీనిని శ్రాద్ధ పక్షం అని కూడా పిలుస్తారు. 16 రోజుల పవిత్ర సమయంలో శ్రాద్ధం, తర్పణం, పిండ దానం చేయడం దాన ధర్మాలు చేయడం చేస్తుంటారు. దీని వలన పితృదేవతలు ఆనందంగా ఉండటమే కాకుండా దోషాలు కూడా తొలిగిపోతాయి అంటారు. కాగా, ఇప్పుడు మనం పితృపక్షం ఎప్పుడు ప్రారంభం అవుతుంది? ఈ సమయంలో పాటించాల్సిన నియమాల గురించి తెలుసుకుందాం.
ఈ సమయంలో అక్టోబర్ 10న వచ్చే అమావాస్యకు చాలా ప్రాముఖ్యత ఉంటుంది. ఈరోజున పూర్వీకులకు పితృతర్పణం ఇస్తుంటారు. ముఖ్యంగా ఈ అమావాస్య రోజు పూర్వీకుల మరణంతో ముడిపడి ఉన్న చంద్ర తేదీ ప్రకారం వ్యక్తిగత శ్రాద్ధ కర్మలను సాంప్రదాయకంగా పాటిస్తారు. అయితే ఈ పిత పక్షం సమయంలో ఎలాంటి నియమాలు పాటించాలి? ఏ పనులు చేయడం వలన పూర్వీకుల ఆశీస్సులు లభిస్తాయో ఇప్పుడు చూద్దాం,
ఈ సమయంలో సంప్రదాయ పద్ధతిలో పూర్వీకులకు తర్పణాలు చేయడం చాలా మంచిది. అంతే కాకుండా కుటుంబాల చరిత్ర, ఆచారాల ప్రకారం శ్రాద్ధం , పిండ ప్రధానం చేయాలి. అంతే కాకుండా ఈ పవిత్ర సమయంలో అన్నదానం చేయడం వలన కూడా మేలు జరుగుతుందంట. ముఖ్యంగా ఆచారాల్లో భాగంగా, బ్రాహ్మణులకు అన్నదానం చేయడం, జంతువులకు, పక్షులకు ఆహారాలు సమర్పించడం చాలా మంచిదంట.
ఇక ఈ సమయంలో అస్సలే కొన్ని రకాల పనులు చేయకూడదు అంటున్నారు పండితులు. అవి , ఈ సమయంలో మాసం, మద్యం సేవించడం అస్సలే మంచిది కాదంట. కొంత మంది సంప్రదాయాల ప్రకారం వెల్లులిని కూడా నిషేధిస్తారు. ఈ సమయం శుభకార్యాలకు కూడా అంత మంచిది కాదు. పితృపక్షంలో వివాహాలు, నిశ్చితార్థాలు, గృహప్రవేశాలు జరపడం, ఇతర శుభకార్యాలు చేయడం మంచిది కాదు అంటున్నారు పండితులు.
అలాగే శ్రాద్ధ పక్షంలో జుట్టును కత్తిరించడం, గోళ్లు కట్ చేయడం, కుటుంబ సభ్యులతో వాదనలు పెట్టుకోవడం పెద్దవారిని అగౌరవ పరచడం వంటి పనులు కూడా అస్సలే చేయకూడదంట. అంతేకాకుండా పూర్వీకులను అవమానించకూడదు, చిత్తశుద్ధితో మరణించినవారికి పితృతర్పణంచేయాలి.