కర్కాటకం: ఈ రాశిలో గురువు ఉచ్ఛ స్థితిలో సంచారం, తృతీయ, చతుర్థ స్థానాల్లో బుధ, శుక్రుల స్థితి వల్ల షేర్లు, వడ్డీ వ్యాపారాలు, కమిషన్ ఏజెన్సీల వల్ల అంచనాలను మించిన లాభాలు కలుగుతాయి. ఉద్యోగంలో జీత భత్యాలు పెరగడం, వృత్తి, వ్యాపారాల్లో బాగా లాభాలు గడించడం వంటివి జరుగు తాయి. అనేక మార్గాల్లో ధనార్జన పెరుగుతుంది. జీవిత భాగస్వామి నుంచి లేదా తల్లి వైపు నుంచి సంపద కలిసి వచ్చే అవకాశం ఉంది. ఆస్తిపాస్తుల మీద వచ్చే ఆదాయం కూడా పెరగవచ్చు.