Team India: అంతర్జాతీయ క్రికెట్లో తనఘాటైన బౌలింగ్తో ప్రత్యర్థులను వణికించిన స్టార్ పేసర్ మహమ్మద్ షమీ (Mohammed Shami) త్వరలోనే పొలిటికల్ ఇన్నింగ్స్ ప్రారంభించనున్నట్లు తెలుస్తోంది. తాజాగా ఆయన రాష్ట్రీయ లోక్ దళ్ (Rashtriya Lok Dal) పార్టీ చీఫ్ జయంత్ చౌదరిని (Jayant Chaudhary) కలువడం కలకలం రేపింది. ఈ రహస్య భేటీకి గల అసలు కారణాలు ఏమిటనే దానిపై స్పష్టత రావలసి ఉంది. అయితే వచ్చే ఏడాది జరగనున్న ఉత్తరప్రదేశ్ (Uttar Pradesh) అసెంబ్లీ ఎన్నికలలో ఆయన పోటీ చేస్తారనే ప్రచారం ప్రస్తుతం జోరుగా సాగుతోంది. ముఖ్యంగా అమేరోహా (Amroha) నియోజకవర్గం స్థానం బరిలో షమీ దిగుతారనే చర్చ రాజకీయ సర్వీళ్లలో వినిపిస్తోంది. ఈ సమావేశానికి సంబంధించిన పూర్తి వివరాలు వెల్లడైతేనే ఆయన రాజకీయ అరంగేట్రంపై స్పష్టమైన అవగాహన వచ్చే అవకాశం ఉంది.
ఎక్కువమంది చదివినది: ఇంట్లో పులి.. విదేశాల్లో పిల్లి.. అభిషేక్, వైభవ్లకు ఇచ్చిపడేసిన మాజీ స్టార్ ప్లేయర్..!
మరోవైపు జాతీయ జట్టులో చోటు కోసం తీవ్రంగా ఎదురుచూస్తున్న ఈ సీనియర్ బౌలర్ రాజకీయాల వైపు అడుగులు వేయడం ఆసక్తికర పరిణామంగా మారింది. క్రికెట్ మైదానంలో వికెట్ల పతనం సృష్టించిన షమీ, ఒకవేళ రాజకీయ రంగంలోకి వస్తే ఎలాంటి పాత్ర పోషిస్తారనే దానిపై సర్వత్రా ఉత్కంఠ నెలకొంది. క్రీడా రంగం నుంచి రాజకీయ రంగంలోకి మారే ప్రముఖుల జాబితాలో ఆయన కూడా చేరతారా లేదా అనేది త్వరలోనే తేలనుంది.
ఇవి కూడా చదవండి
మరిన్ని క్రికెట్ వార్తల కోసం ఇక్కడ క్లిక్ చేయండి..