పుదీనా-దాల్చినచెక్క టీ తాగడం వల్ల మధుమేహం అదుపులోకి వస్తుందనే వార్తలు విస్తృతంగా ప్రచారంలో ఉన్నాయి. దీనిపై నిజానిజాలు పరిశీలిస్తే.. దాల్చినచెక్కలో ఇన్సులిన్ సెన్సిటివిటీని పెంచి, రక్తంలో చక్కెర స్థాయిలను అదుపులో ఉంచే గుణాలు ఉన్నాయని కొన్ని అధ్యయనాలు చెబుతున్నాయి. పుదీనా జీర్ణక్రియను మెరుగుపరచి, శరీరాన్ని రిఫ్రెష్ చేస్తుంది. అయితే, ఈ టీ డయాబెటిస్కు దాల్చినచెక్క, పుదీనాల ప్రభావం ఎంత?
దాల్చినచెక్కలో సిన్నమాల్డిహైడ్ శక్తివంతమైన యాంటీ ఆక్సిడెంట్లు ఉంటాయి. కొన్ని పరిశోధనల ప్రకారం, దాల్చినచెక్క ఇన్సులిన్ తరహాలో పనిచేసి, కణాల్లోకి గ్లూకోజ్ శోషణను మెరుగుపరుస్తుంది. ఇది ఆహారం తిన్న తర్వాత రక్తంలో చక్కెర స్థాయిలు అకస్మాత్తుగా పెరగకుండా నిరోధించడానికి కొంతవరకు సహాయపడుతుంది.
పుదీనాలో యాంటీ ఆక్సిడెంట్లు, మెంథాల్ పుష్కలంగా ఉంటాయి. ఇది జీర్ణ వ్యవస్థను మెరుగుపరచడానికి, గ్యాస్, కడుపు ఉబ్బరం తగ్గించడానికి, ఒత్తిడిని నివారించడానికి అద్భుతంగా తోడ్పడుతుంది. ఒత్తిడి తగ్గినప్పుడు శరీరంలో కార్టిసోల్ హోర్మోన్ అదుపులో ఉండి, గ్లూకోజ్ స్థాయిలు స్థిరంగా ఉంటాయి.
ఇవి కూడా చదవండి
ఫ్యాక్ట్ చెక్: ఇది నిజంగా మధుమేహాన్ని నయం చేస్తుందా?:
వైద్య నిపుణుల అభిప్రాయం ప్రకారం.. పుదీనా, దాల్చినచెక్కల కలయికతో తయారుచేసిన టీ ఆరోగ్యానికి ఎంతో మేలు చేస్తుంది. ఇది సాధారణ టీ లేదా కాఫీలకు బదులుగా తాగే ఒక ఆరోగ్యకరమైన ప్రత్యామ్నాయ పానీయం మాత్రమే. ఈ హెర్బల్ టీ తాగడం వల్ల షుగర్ లెవల్స్ కొంతవరకు అదుపులో ఉండే అవకాశమున్నప్పటికీ, ఇది వైద్యులు సూచించిన ఇన్సులిన్ లేదా డయాబెటిస్ మందులకు ఏమాత్రం ప్రత్యామ్నాయం కాదు.
ఈ టీ ప్రభావం ఒక్కొక్కరి శరీర తత్వాన్ని బట్టి వేర్వేరుగా ఉంటుంది. అధిక పరిమాణంలో దాల్చినచెక్క తీసుకోవడం వల్ల కాలేయ సమస్యలు వచ్చే ప్రమాదం ఉంది. కాబట్టి, పుదీనా-దాల్చినచెక్క టీని ఒక హెల్తీ డ్రింక్గా తీసుకోవచ్చు. కానీ, డయాబెటిస్ పూర్తిగా తగ్గిపోతుందని భావించడం పొరపాటు. సరైన పోషకాహారం, రోజువారీ వ్యాయామం, క్రమం తప్పకుండా మందులు వాడటం, డాక్టర్ సలహాలు పాటించడమే మధుమేహ నియంత్రణకు అత్యంత సురక్షితమైన మార్గం.
మరిన్ని లైఫ్ స్టైల్ న్యూస్ కోసం క్లిక్ చేయండి..