Petrol Price Just Rs 8: కార్లు, బైక్లు నడిపే చాలా మందికి అతి పెద్ద ఆందోళనగా మారింది ఏంటంటే పెట్రోల్, డీజిల్ ధర. పెట్రోల్ కొట్టించేప్పుడు, ఏరోజు ఎంత ప్రైజ్ ఉంటుందోనని టెన్షన్ ఉంటుంది. పెట్రోల్, డీజిల్ ధరలు ప్రతిరోజూ మారుతూనే ఉంటున్నాయి. లీటరు పెట్రోల్ రూ. 8కే దొరుకుతుందని ఎవరైనా చెబితే మీరు నమ్ముతారా? అస్సలు ఛాన్సే లేదంటూ కొట్టిపారేస్తారు. అయితే, సోషల్ మీడియాలో వైరలవుతోన్న ఈ వీడియోలో పెట్రోల్ ధర రూ. 8గా ఉందని చెబుతున్నారు. అసలు ఇందులో నిజమెంతో ఇప్పుడు చూద్దాం..!
ఇండియన్ వ్లాగర్ గౌరవ్ శర్మ సోషల్ మీడియాలో పంచుకున్న ఈ వీడియో ప్రస్తుతం తెగ్ ట్రెండ్ అవుతోంది. ఇది ఇరాన్లోని ఓ పెట్రోల్ బంకు నుంచి తీశాడు. వ్లాగర్ తన కారుకు ఇంధనం నింపుతున్న వీడియోను షేర్ చేశాడు. ఈ వీడియోలో చూపించిన ప్రైజ్ నెటిజన్ల దృష్టిని ఆకర్షించింది. 33 లీటర్ల పెట్రోల్ కొట్టించిన వ్లాగర్ సుమారు 5 మిలియన్ల ఇరానియన్ రియాల్స్ చెల్లించాడు. అతని లెక్కల మేరకు, ఇది భారతీయ కరెన్సీలో సుమారు రూ. 270లు. అంటే, మన లెక్కల మేరకు లీటరు పెట్రోల్కు సుమారు రూ. 8ల ఖర్చు అవుతోంది. దీంతో ఈ వీడియో సోషల్ మీడియాలో తెగ సంచలనంగా మారింది.
ఇదే వీడియోలో వ్లాగర్ పెట్రోల్ ధరను వాటర్ బాటిల్ ధరతో పోల్చాడు. వాటర్ బాలిట్ మార్కెట్లో రూ. 20లు కాగా, పెట్రోల్ మాత్రం రూ. 8లకే దొరుకుతుంది. అంటే, ఇరాన్లో వాటర్ కంటే పెట్రోల్ ఎంతో ఛీప్గా దొరుకుతుంది.
ఈ వీడియో వైరల్ అయిన తర్వాత, నెటిజన్లు కామెంట్ల వర్షం కురిపిస్తున్నారు. మా తాతల కాలంలోనూ ఇంత తక్కువ ధరకు పెట్రోల్ దొరకలేదంటూ కామెంట్స్ చేస్తున్నారు. అయితే, ఇరాన్లో భారీ చమురు నిల్వలు, చమురు ఉత్పత్తి కారణంగానే ఈ ధరలు ఇంత ఎక్కువగా ఉన్నాయంటూ కొందరు కామెంట్స్ చేస్తున్నారు. మనదేశంలోనూ ఇంత తక్కువ ధరకు పెట్రోల్ దొరికే బాగుంటుందని మరికొందరు కామెంట్స్ చేస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..