LIC Smart Pension Scheme: దేశంలోనే అతిపెద్ద బీమా సంస్థ అయిన లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC), అన్ని వయసుల వారి కోసం అనేక గొప్ప పథకాలను అందిస్తోంది. ముఖ్యంగా పదవీ విరమణ తర్వాత తమ జీవితాన్ని ఆర్థికంగా సురక్షితంగా, ఒత్తిడి లేకుండా చేసుకోవాలనుకునే వారికి LIC పాలసీలు ఎల్లప్పుడూ మొదటి ఎంపికగా నిలుస్తాయి. అటువంటి ప్రజాదరణ పొందిన పథకాలలో ‘LIC స్మార్ట్ పెన్షన్ యోజన’ ఒకటి. పదవీ విరమణ తర్వాత ప్రతి నెలా గ్యారెంటీ ఆదాయం కోరుకునే వారికి ఇది ఒక వరం. ఈ పథకంలో మీరు ఒకేసారి పెద్ద మొత్తంలో పెట్టుబడి పెట్టాల్సి ఉంటుంది. పదవీ విరమణ చేసిన ఉద్యోగులు, సీనియర్ సిటిజన్లకు మార్కెట్ హెచ్చుతగ్గుల ప్రభావం లేకుండా, స్థిరమైన పెన్షన్ అందించడమే ఈ పథకం ముఖ్య ఉద్దేశం.
ఇది కూడా చదవండి: Hyderabad Water Supply: హైదరాబాద్ నగర వాసులకు బిగ్ అలర్ట్.. ఈ ప్రాంతాల్లో మంచినీటి సరఫరాకు అంతరాయం
ఈ స్కీమ్ ముఖ్యమైన ప్రత్యేకతలు:
ఇమిడియట్ యాన్యుటీ (తక్షణ పెన్షన్): ఈ పథకంలో ఒక్కసారి పెద్ద మొత్తంలో (Single Premium) డిపాజిట్ చేసిన వెంటనే మరుసటి నెల నుంచే పెన్షన్ రావడం ప్రారంభమవుతుంది. ఇది నాన్-లింక్డ్ (Non-linked), నాన్-పార్టిసిపేటింగ్ ప్లాన్. అంటే ఈ పథకం షేర్ మార్కెట్ లేదా మ్యూచువల్ ఫండ్లతో ముడిపడి ఉండదు. అందుకే పెట్టుబడికి ఎలాంటి రిస్క్ ఉండదు. మీరు పాలసీ తీసుకునేటప్పుడే జీవితాంతం ఎంత పెన్షన్ వస్తుందో స్పష్టంగా తెలుస్తుంది.
ఇవి కూడా చదవండి
పెన్షన్ చెల్లింపుల ఆప్షన్లు:
మీ వీలును బట్టి పెన్షన్ను నెలకు ఒకసారి, మూడు నెలలకు ఒకసారి, ఆరు నెలలకు (Half-Yearly) లేదా ఏడాదికి ఒకసారి (Yearly) తీసుకునే సదుపాయం ఉంటుంది.
సింగిల్, జాయింట్ అకౌంట్ సౌలభ్యం:
ఈ పాలసీని మీ ఒక్కరి పేరిట (Single Life) లేదా భార్యాభర్తలు ఇద్దరూ కలిసి (Joint Life) తీసుకోవచ్చు. జాయింట్ లైఫ్ ఎంచుకుంటే, మొదటి భాగస్వామి మరణించిన తర్వాత కూడా రెండో భాగస్వామికి జీవితాంతం పెన్షన్ అందుతూనే ఉంటుంది. అయితే ఇందులో కనీస పెట్టుబడి రూ.1 లక్షగా నిర్ణయించారు. గరిష్ట పెట్టుబడిపై ఎలాంటి పరిమితి లేదు. ఎంత ఎక్కువ పెట్టుబడి పెడితే అంత ఎక్కువ పెన్షన్ పొందే అవకాశం ఉంది.
నెలకు రూ.20 వేలు పెన్షన్ పొందడం ఎలా?
మీరు ఇందులో ఇన్వెస్ట్ చేసి నెలకు రూ.20,000 పెన్షన్ ఎలా పొందాలంటే ఈ లెక్కలను అర్థం చేసుకోవాలి. మీరు సుమారు రూ.35 లక్షల రూపాయలను ఒకేసారి ఈ ప్లాన్లో డిపాజిట్ చేస్తే.. ఏడాదికి సుమారు రూ.2.87 లక్షల వరకు పెన్షన్ రూపంలో లభిస్తుంది. అంటే నెలవారిగా చూసుకుంటే.. ప్రతి నెలా దాదాపు రూ.20,000 నుంచి రూ.23,000 వరకు జీవితాంతం మీ ఖాతాలో జమ అవుతుంది. పాలసీదారుడి మరణానంతరం, నామినీకి వారు పెట్టిన అసలు పెట్టుబడి మొత్తం (100% Purchase Price) తిరిగి అందేలా ఆప్షన్ ఎంచుకునే వెసులుబాటు కూడా ఈ ప్లాన్లో ఉంది.
ఎవరు అర్హులు?
రిటైర్మెంట్ ఫండ్స్, గ్రాట్యుటీ లేదా పీఎఫ్ డబ్బును సురక్షితమైన ప్రదేశంలో ఇన్వెస్ట్ చేసి, నెలానెలా స్థిరమైన ఆదాయం పొందాలనుకునే రిటైర్డ్ ఉద్యోగులు, ప్రైవేట్ ఉద్యోగులు, వృద్ధులకు ఈ పథకం అనువైనది. మరిన్ని వివరాల కోసం మీ సమీప ఎల్ఐసీ బ్రాంచ్ లేదా గుర్తింపు పొందిన ఎల్ఐసీ ఏజెంట్ను సంప్రదించవచ్చు.
ఇది కూడా చదవండి: Kia EV: 39 నిమిషాల్లో ఛార్జింగ్.. 526 కిలోమీటర్ల రేంజ్.. అత్యంత చౌకైన ఎలక్ట్రిక్ కియా ఎస్యూవీ
మరిన్ని బిజినెస్ వార్తల కోసం ఇక్కడ క్లిక్ చేయండి
