ఈ నెల(మే) 17వ తేదీ నుంచి అక్టోబర్ 8 వరకు శనీశ్వరుడు తన మిత్రుడైన బుధుడికి చెందిన రేవతి నక్షత్రంలో సంచారం చేయడం జరుగుతుంది. బుధుడు అనుకూలంగా ఉన్న రాశులకు దీనివల్ల అనేక శుభ ఫలితాలు కలుగుతాయి. ముఖ్యంగా ఆదాయ ప్రయత్నాలు విజయవంతం కావడం, షేర్లు లాభించడం, వృత్తి, వ్యాపారాల్లో రాబడి పెరగడం, ఉద్యోగంలో పదోన్నతులు లభించడం, మనసులోని కోరికలు నెరవేరడం వంటివి జరుగుతాయి. ఈ నెల 16న వచ్చే శని అమావాస్య నుంచి వృషభం, మిథునం, సింహం, కన్య, తుల, ధనూ రాశుల వారికి దశ తిరిగే అవకాశం ఉంది.
