నిహారిక కొణిదెల, రాధిక శరత్ కుమార్, రఘు మాస్టర్ న్యాయనిర్ణేతలుగా వ్యవహరించిన ఈ సీజన్ గ్రాండ్ ఫినాలే మరింత అద్భుతంగా సాగనుంది. ఈ కార్యక్రమంలో సీనియర్ స్టార్ కపుల్ జీవిత – రాజశేఖర్ సందడి చేయనున్నారు. అలాగే మెగా హీరో సాయి దుర్గ తేజ్ ఫైనలిస్టులను ఉత్సాహపరిచేందుకు అతిథిగా విచ్చేయనున్నారు. యాంకర్ సుధీర్ కామెడీ టైమింగ్, సమీరా భరద్వాజ్ సంగీత విభావరి ఈ ముగింపు వేడుకను మరో స్థాయికి తీసుకెళ్లనున్నాయి.
ఈ రెండు రోజుల వేడుకలో అనేక ఆసక్తికరమైన మరియు భావోద్వేగపూరితమైన ఘట్టాలు చోటుచేసుకోబోతున్నాయి. నటుడు రాజశేఖర్, రాధిక శరత్ కుమార్ పాత జ్ఞాపకాలను నెమరువేసుకుంటూ సరదాగా ముచ్చటించడం ప్రత్యేక ఆకర్షణగా నిలవనుంది. ముఖ్యంగా రాజశేఖర్ ముద్దుపేరు ‘బన్ బాబు’ గురించి జరిగిన చర్చ ప్రేక్షకులను నవ్వుల్లో ముంచెత్తుతుంది. అదే సమయంలో పవన్ కళ్యాణ్ ఐకానిక్ మేనరిజంతో ‘మనల్ని ఎవడ్రా ఆపేది’ అంటూ అతిథులందరూ కలిసి చేసిన డాన్స్ స్టేజ్ మీద ప్రకంపనలు సృష్టిస్తుంది.
కేవలం వినోదమే కాకుండా, మనసును హత్తుకునే సందర్భాలు కూడా ఈ ఫినాలే ఎపిసోడ్లో అందరినీ ఆకట్టుకోనున్నాయి. మెగా హీరో సాయి దుర్గ తేజ్ జీవితంలో ఎదురైన ప్రమాదం, ఆ తర్వాత కోలుకున్న తీరు గురించి పంచుకున్న విషయాలు అందరినీ ఆలోచింపజేస్తాయి. నిహారిక తన అమ్మమ్మతో ఉన్న అనుబంధాన్ని గుర్తు చేసుకుంటూ కన్నీళ్లు పెట్టుకోవడం చూసి అక్కడున్న వారందరూ భావోద్వేగానికి గురయ్యారు. ఈ ఎమోషన్స్ అన్నీ ప్రేక్షకులకు ఒక కొత్త అనుభూతిని ఇస్తాయి.
ఇవి కూడా చదవండి
సంబరాలు ఒకవైపు సాగుతుండగానే, టైటిల్ విజేత ఎవరనే ఉత్కంఠ అందరిలోనూ నెలకొంది. ఫైనల్ ఎపిసోడ్లో ఫైనలిస్టులు తమ అత్యుత్తమ ప్రదర్శనలతో పోటీ పడనున్నారు. ముఖ్యంగా పుష్ప, గౌరవ్ ఎమోషనల్ పర్ఫార్మెన్స్ జడ్జీలను సైతం ఆశ్చర్యపరిచాయి. హోరాహోరీగా సాగిన ఈ పోటీలో చివరికి ‘ఆట’ విజేతగా ఎవరు నిలిచారు? జీ తెలుగు ఆట ట్రోఫీని ఎవరు కైవసం చేసుకున్నారు? అనే విషయాలు తెలియాలంటే మే 2, 3 తేదీల్లో జీ తెలుగులో ప్రసారమయ్యే గ్రాండ్ ఫినాలే చూడాల్సిందే.
ఆట గ్రాండ్ ఫినాలేలో సాయి దుర్గ తేజ్..
జీ తెలుగు ‘ఆట’టైటిల్ విజేత ఎవరు?.. తెలుసుకోవాలంటే ఈ శని, ఆదివారల్లో రాత్రి 9 గంటలకు ప్రసారమయ్యే గ్రాండ్ ఫినాలేని మిస్ కాకండి!
రాజశేఖర్, జీవిత దంపతుల ఎంట్రీ..
మరిన్ని సినిమా వార్తల కోసం ఇక్కడ క్లిక్ చేయండి.
