Ceiling Fan Cleaning Hacks: వేసవి కాలం కొనసాగుతోంది. ఎండలు మండిపోతున్నాయి. ఇళ్లలో ఫ్యాన్లు నిరంతరం తిరుగుతూనే ఉంటాయి. అయితే, ఫ్యాన్ రెక్కలపై పేరుకుపోయిన దుమ్మును శుభ్రం చేయడం మాత్రం అందరికీ ఒక కష్టమైన పనిలా అనిపిస్తుంది. దుమ్ము పేరుకుపోవడం వల్ల ఫ్యాన్ గాలి కూడా తక్కువగా వస్తుంటుంది. సాధారణంగా ఫ్యాన్లను క్లీన్ చేయాలంటే నిచ్చెన లేదా స్టూల్ వేసుకుని ఎక్కాలి. కానీ, ఎటువంటి రిస్క్ లేకుండా నేలపై నిలబడే ఫ్యాన్లను శుభ్రం చేసే స్మార్ట్ చిట్కాలు కొన్ని ఇప్పుడు చూద్దాం.
- పాత దిండు కవర్తో మ్యాజిక్: దుమ్ము కింద పడకుండా ఫ్యాన్ క్లీన్ చేయడానికి ఇది అత్యంత ప్రజాదరణ పొందిన పద్ధతి. ఒక పాత దిండు కవర్ను తీసుకుని దానిని ఒక పొడవాటి కర్ర చివరకి కట్టండి (లేదా నేరుగా చేతితో కూడా చేయవచ్చు). దిండు కవర్ను ఫ్యాన్ రెక్క లోపలికి చొప్పించి, మెల్లగా వెనక్కి లాగండి. ఇలా చేయడం వల్ల రెక్కలపై ఉన్న దుమ్ము మొత్తం దిండు కవర్ లోపలే ఉండిపోతుంది. దీనివల్ల కింద ఉన్న బెడ్ లేదా నేల అస్సలు మురికి అవ్వదు.
- మైక్రోఫైబర్ డస్టర్ వాడకం: ప్రస్తుతం మార్కెట్లో పొడవును పెంచుకోగలిగే (Extendable) మైక్రోఫైబర్ డస్టర్లు అందుబాటులో ఉన్నాయి. వీటికి ఉండే పొడవాటి కర్ర సహాయంతో నేలపై నిలబడే ఫ్యాన్ రెక్కల వరకు చేరుకోవచ్చు. పొడి గుడ్డ కంటే కొంచెం తడిగా ఉన్న మైక్రోఫైబర్ వస్త్రం దుమ్మును బాగా ఆకర్షిస్తుంది. ఇది దుమ్ము గాలిలో కలవకుండా గుడ్డకే అంటుకునేలా చేస్తుంది.
- ఫ్యాన్ శుభ్రత – ఆరోగ్యం: ఫ్యాన్లను తరచూ శుభ్రం చేసుకోవడం మన ఆరోగ్యానికి కూడా చాలా ముఖ్యం. రెక్కలపై దుమ్ము ఉంటే, ఫ్యాన్ వేసినప్పుడు ఆ సూక్ష్మ కణాలు గాలిలో కలిసి మనం పీల్చే గాలిని అశుద్ధం చేస్తాయి. ముఖ్యంగా చిన్న పిల్లలు, వృద్ధులకు ఇది శ్వాసకోశ సమస్యలకు దారితీయవచ్చు.
- ఫ్యాన్ మోటార్ సేఫ్టీ: రెక్కలపై దుమ్ము ఎక్కువగా పేరుకుపోతే వాటి బరువు పెరుగుతుంది. దీనివల్ల మోటార్పై ఒత్తిడి పడి ఫ్యాన్ వేగం తగ్గడమే కాకుండా, మోటార్ త్వరగా పాడయ్యే అవకాశం ఉంది. క్రమం తప్పకుండా క్లీన్ చేయడం వల్ల ఫ్యాన్ తిరిగేటప్పుడు శబ్దం రాకుండా ఉండటమే కాకుండా, చల్లని గాలి కూడా బాగా వస్తుంది. వారానికి ఒకసారి లేదా పది రోజులకు ఒకసారి పైన చెప్పిన చిట్కాలతో ఫ్యాన్లను క్లీన్ చేసుకుంటే, ఇల్లు శుభ్రంగా ఉండటమే కాకుండా మీ ఫ్యాన్ కూడా ఎక్కువ కాలం మన్నుతుంది.
ఇవి కూడా చదవండి
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి
