నటుడు రాజశేఖర్ తన కెరీర్, వ్యక్తిగత జీవితంలోని కొన్ని ముఖ్యమైన అంశాలపై ఓ ఇంటర్వ్యూలో మనసు విప్పి మాట్లాడారు. తన బహిరంగ స్వభావం, రెమ్యూనరేషన్ విధానం, నత్తి సమస్య, అలాగే తన చిత్రాలకు సాయికుమార్ డబ్బింగ్ చెప్పిన వైనం వంటి విషయాలను పంచుకున్నారు. రాజశేఖర్ తనను తాను ఒక చిన్న పిల్లాడిలాగే భావిస్తానని, ఓపెన్ గా మాట్లాడటం వల్ల అప్పుడప్పుడు సమస్యలు ఎదురవుతాయని అన్నారు. దర్శకుడు ప్రవీణ్ సత్తారు కూడా రాజశేఖర్ లో నచ్చిన విషయం ఓపెన్ గా ఉండటం, నచ్చని విషయం చిన్న పిల్లాడిలా అలుగుతాడు అని సందీప్ కిషన్ తో చెప్పిన సందర్భాన్ని రాజశేఖర్ గుర్తు చేసుకున్నారు. తాను కొన్నిసార్లు చెప్పకూడని వాస్తవాలను కూడా తెలియకుండానే చెప్పేస్తానని, దీనివల్ల కొందరు హర్ట్ అయ్యారని, ఇప్పుడు కొంచెం జాగ్రత్తగా ఉంటున్నానని తెలిపారు. రెమ్యూనరేషన్ విషయంలో కూడా తాను చాలా సూటిగా ఉంటానని, తన భార్య జీవిత లాగా డీల్స్ ను నెగోషియేట్ చేయలేనని చెప్పారు. తాను కోరిన మొత్తం చెప్పినప్పుడు, అది ఎక్కువైతే నిర్మాతలను దూరం చేసుకునే అవకాశం ఉంటుందని, జీవిత మాత్రం ఎక్కువ చెప్పి తర్వాత తగ్గించుకునేలా చూస్తుందని వివరించారు.
ఇది కూడా చదవండి : Pokiri: ఎన్నాళ్లకు కనిపించింది మావ..! పోకిరి రౌడీ గర్ల్ ఎంత మారిపోయింది..!!
తన బాల్యం, విద్యాభ్యాసం గురించి కూడా రాజశేఖర్ ప్రస్తావించారు. తెలుగువాడైనప్పటికీ, చెన్నైలో పుట్టి పెరగడం వల్ల తమిళ మీడియంలో చదువుకున్నానని, తమిళంలో కవిత్వం కూడా రాయగలనని, కానీ తెలుగు చదవడం మాత్రం రాదని తెలిపారు. ఇంట్లో తమిళం మిక్స్ అయిన తెలుగు మాట్లాడేవారట. తన కెరీర్ ప్రారంభంలో తెలుగు సరిగా రాకపోవడం, అలాగే నత్తి ఉండటం తనను చాలా ప్రభావితం చేశాయని చెప్పారు. షూటింగ్ సమయంలో “అమ్మ” వంటి కొన్ని పదాలు పలకడం కష్టంగా ఉండేదట. ఇలాంటప్పుడు తలుపు కొట్టడం వంటి చిన్న చిన్న ఉపాయాలతో ఆ పదం పలకడానికి సహాయం తీసుకునేవారని వివరించారు. ఒకసారి రవిరాజా పినిశెట్టి తలుపు కొట్టకుండా “అమ్మ” అని పలకమని అడిగినప్పుడు, తాను నత్తి సమస్యను వివరించిన తర్వాత ఆయన అర్థం చేసుకున్నారని తెలిపారు. ఈ సమస్యల కారణంగానే దర్శకుడు టి.కృష్ణ సూచన మేరకు సాయికుమార్ తన చిత్రాలకు డబ్బింగ్ చెప్పడం ప్రారంభించారని రాజశేఖర్ వివరించారు.
ఇది కూడా చదవండి : తెలుగులో తిరుగులేని హీరోయిన్.. పగబట్టి కెరీర్ నాశనం చేసిన హీరో.. చనిపోయాక శవాన్ని కూడా వదల్లేదు..
సాయికుమార్ గొంతు తన గొంతు కంటే బాగుంటుందని తెలిపారు. సాయికుమార్ ఒకానొక దశలో హీరోగా మారిన తర్వాత, “వాయిస్ ఈజ్ మై వెపన్, హియర్ ఆఫ్టర్ ఐ విల్ నాట్ యూజ్ ఫర్ ఎనీ బడీ ఎల్స్” అని ప్రకటించడంతో, రాజశేఖర్ వేరే గళం కోసం వెతకాల్సి వచ్చిందట. అప్పుడు సాయికుమార్ గొంతుకు దగ్గరగా ఉన్న శ్రీనివాసమూర్తిని ఎంపిక చేసుకుని, ఆయన దాదాపు పదేళ్ల పాటు శివయ్య, సింహరాశి, మా అన్నయ్య, మా ఆయన బంగారం వంటి చిత్రాలకు డబ్బింగ్ చెప్పారని తెలిపారు. ఆ తర్వాత, సాయికుమార్ తల్లి, రాజశేఖర్ చిత్రాలకు సాయికుమార్ డబ్బింగ్ చెప్పాలని పదే పదే సాయికుమార్ ను ప్రోత్సహించేవారట. ఆమె రాజశేఖర్ ను కలిసినప్పుడు కూడా ఇదే విషయాన్ని ప్రస్తావించేవారని రాజశేఖర్ గుర్తు చేసుకున్నారు. ఆమె మరణించిన తర్వాత ఆమె డైరీలో కూడా “సాయి నువ్వు ఎప్పటికైనా రాజశేఖర్ కి వాయిస్ ఇవ్వాలి” అని రాసి ఉందని సాయికుమార్ తనకు చెప్పినట్లు వెల్లడించారు. దీనితో, రాజశేఖర్ తన సొంత చిత్రం “ఎవడైతే నాకేంటి” నుంచి మళ్ళీ సాయికుమార్ తోనే డబ్బింగ్ చెప్పించడం ప్రారంభించారు. సాయికుమార్ గొంతు తన చిత్రాలకు ఒక గుర్తింపుగా మారిందని రాజశేఖర్ ఈ సందర్భంగా స్పష్టం చేశారు.
ఇవి కూడా చదవండి
