Lucky Plants For Wealth: హిందూ సంప్రదాయంలో వాస్తు శాస్త్రానికి అత్యంత ప్రాధాన్యత ఉంది. ఇంటి నిర్మాణంతోపాటు చాలా విషయాలను వాస్తు ప్రకారం చేస్తుంటారు. ఇక, వాస్తు శాస్త్రం ప్రకారం పసుపు రంగు హిందూ సంప్రదాయంలో శుభప్రదత, ఆనందం, సంపద, శ్రేయస్సుకు ప్రతీకగా భావించబడుతుంది. అందుకే దేవతల పూజలో పసుపు పువ్వులకు ప్రత్యేక స్థానం ఉంది. కొన్ని దేవతల ఆరాధనలో ఈ రంగు లేకపోతే పూజ అసంపూర్ణంగా భావిస్తారు. పసుపు బంతి పువ్వులు సూర్యోదయాన్ని సూచిస్తే, నారింజ బంతి పువ్వులు సూర్యాస్తమయాన్ని గుర్తుకు తెస్తాయి. పసుపు పువ్వులు విష్ణుమూర్తి, లక్ష్మీదేవికి అత్యంత ప్రియమైనవిగా చెప్పబడుతుంది. సరైన దిశలో బంతి మొక్కను నాటడం వల్ల ఇంటిలో సానుకూల శక్తి ప్రవాహం పెరుగుతుందని వాస్తు చెబుతోంది.
