జూన్లో జరగనున్న WWDC 2026 సదస్సులో యాపిల్ తన కొత్త ఆపరేటింగ్ సిస్టమ్ iOS 27ను ఆవిష్కరించేందుకు సిద్ధమవుతోంది. ఈ మెగా ఈవెంట్కు ముందే, కంపెనీ విడుదల చేసిన టీజర్ పోస్టర్లో రాబోయే మార్పులపై ఆసక్తికర సంకేతాలు కనిపిస్తున్నాయి. ముఖ్యంగా సిరి అసిస్టెంట్లో భారీ మార్పులు ఉండనున్నాయన్న సంకేతాలు టెక్ ప్రపంచంలో చర్చనీయాంశంగా మారాయి. మార్క్ గుర్మన్ నివేదిక ప్రకారం ఈసారి సిరి పూర్తిగా కొత్త రూపంలో కనిపించనుంది. ఇప్పటివరకు వాయిస్ కమాండ్స్కే పరిమితమైన సిరి, ఇకపై చాట్బాట్ తరహా ఇంటర్ఫేస్తో మరింత స్మార్ట్ AI అసిస్టెంట్గా మారే అవకాశం ఉంది.
వినియోగదారులు ఒకేసారి అనేక పనులను ఆదేశించగలిగే విధంగా మల్టీటాస్కింగ్ సామర్థ్యాన్ని కూడా ఇందులో చేర్చనున్నారు. అదనంగా వ్యక్తిగత డేటా, స్క్రీన్పై కనిపించే సమాచారంతో మరింత లోతైన అనుసంధానం ఉండేలా సిరిని రూపొందిస్తున్నట్లు సమాచారం. ఈ అప్డేట్లో సిరికి ప్రత్యేక యాప్ను అందించే అవకాశం ఉందని, అలాగే థర్డ్-పార్టీ AI ఏజెంట్లకు మద్దతు కూడా ఇవ్వవచ్చని తెలుస్తోంది. టీజర్లో కనిపించిన మెరిసే డిజైన్, డైనమిక్ ఐలాండ్లో కనిపించే కొత్త సిరి ఇంటర్ఫేస్కు సూచనగా భావిస్తున్నారు. సిరిని యాక్టివేట్ చేసినప్పుడు సెర్చ్ లేదా ఆస్క్ అనే ప్రాంప్ట్తో డైనమిక్ ఐలాండ్ విస్తరించే విధానం ఉండొచ్చని అంచనా.
సిరితో పాటు iOS 27లో పనితీరు మెరుగుదలలు కూడా ప్రధానంగా ఉంటాయని సమాచారం. మెరుగైన బ్యాటరీ లైఫ్, వేగవంతమైన పనితీరు, స్థిరత్వం పెంపు వంటి అంశాలపై కంపెనీ దృష్టి సారించినట్లు తెలుస్తోంది. అలాగే హోమ్ స్క్రీన్ అనుకూలీకరణలో చిన్న మార్పులు, undo/redo వంటి ఫీచర్లు కూడా రావచ్చని నివేదికలు చెబుతున్నాయి. ఈసారి WWDCలో సిరి మార్పులు ప్రధాన ఆకర్షణగా నిలిచే అవకాశం ఉంది. అయితే అధికారిక ఆవిష్కరణ వరకు కొన్ని ఫీచర్లలో మార్పులు ఉండొచ్చని నిపుణులు సూచిస్తున్నారు.
మరిన్ని టెక్ వార్తల కోసం ఇక్కడ క్లిక్ చేయండి
