ఇంటి ముందు చాలా మంది చెట్లు నాటుకుంటారు. చాలా మందికి ఇంటి ముందు అందమైన పూల మొక్కలు, కూరగాయల మొక్కలు, షోకేజీ మొక్కలు పెంచుకోవడం చాలా ఇష్టం ఉంటుంది. ఇక కొంత మంది ఇంటి ముందు నీడ కోసం పలు రకాల చెట్లను పెంచుకుంటారు. కానీ అస్సలే ఇంటి ముందు మూడు రకాల చెట్లు ఉండకూడదంట. అవి ఏవో చూద్దాం.
వాస్తు శాస్త్ర ప్రకారం ఇంటి ముందు మూడు రకాల చెట్లు ఉండటం వలన వాస్తు దోషం కలుగుతుంది. అంతే కాకుండా కొన్ని సార్లు చెట్ల నీడ ఇంటి పై పడటం కూడా అస్సలే మంచిది కాదు, ఇది ఇంటి పురోగతిని, సంతోషం, శ్రేయస్సును తగ్గిస్తుందంట. అందుకే ఎప్పుడూ కూడా ఈ మూడు రకాల చెట్లను ఇంటికి దూరంగా నాటుకోవాలని సూచిస్తున్నారు వాస్తు శాస్త్రం.
రావి చెట్టు : ఇంటి ముందు రావి చెట్టు ఉండటం అస్సలే మంచిది కాదు. ముఖ్యంగా రావి చెట్టును దైవంగా పూజిస్తారు. దీని పై దేవతలు నివసిస్తారని చెబుతుంటారు. అంతే కాకుండా దీనిని పూజించడం వలన జాతకంలోని దోషాలు కూడా తొలిగిపోతాయని అంటారు. అయితే ఈ మొక్క వలన చాలా లాభాలు ఉన్నప్పటికీ, దీనిని ఇంటి ముందు నాటుకోకూడదంట. దీని వలన ఇది జీవితం పై ప్రతికూల ప్రభావం చూపుతుందని చెబుతున్నారు జ్యోతిష్య శాస్త్ర నిపుణులు.
చింత చెట్టు : చాలా మంది ఇంటి ముందు చింత చెట్టు పెంచుకుంటారు. ముఖ్యంగా గ్రామీణ ప్రాంతాలలో చాలా మంది ఇంటి ముందు చింత చెట్టు తప్పకుండా ఉంటుంది. అయితే ఇలా ఇంటి ముందు చింత చెట్టు ఉండటం అస్సలే మంచిది కాదంట, అంతే కాకుండా, దీని నీడ ఇంటిపై పడటం వలన ఇది ఇంటిలో కలహాలు, భార్యభర్తల మధ్య విభేదాలకు కారణం అవుతుందని చెబుతున్నారు వాస్తు శాస్త్ర నిపుణులు.
తుమ్మ చెట్టు : వాస్తు శాస్త్రం ప్రకారం ఇంటి ముందు తుమ్మ చెట్టు ఉండటం అస్సలే మంచిది కాదు, ఇది దరిద్రానికి సంకేతం. వాస్తు ప్రకారం దీని నీడ ఇంటిపై పడినా ఇది అనేక సమస్యలకు కారణం అవుతుందని చెబుతున్నారు వాస్తు శాస్త్ర నిపుణులు.
