అక్షయ తృతీయ రోజూ మొత్తం చాలా శుభప్రదమైనది. ఈ అక్షయ తృతీయను స్యయం సిద్ధ ముహుర్తంగా పరిణిస్తారు. అంటే ఈ రోజు ఏ పని ప్రారంభించాలి అనుకున్నా, దాని కోసం ప్రత్యేకంగా టైమ్ కోసం పండితులను సంప్రదించాల్సిన అవసరం లేదు అని అర్థం. ఈ రోజు గృహప్రవేశం చేసినా లేదా, వివాహం, నూతన వాహన కొనుగోలు ఇలా ఏపని చేసినా అది అద్భుతంగా కలిసి వస్తుందంట.
ఇక ఈ 2026 సంవత్సరంలో ఏప్రిల్ 19న అక్షయ తృతీయ వస్తుంది. ఇది ఏప్రిల్ 19, ఉదయం 10,49 నిమిషాలకు ప్రారంభమై, ఏప్రిల్ 20 ఉదయం 5,51 నిమిషాలకు ముగుస్తుంది. ఇక ఈ రోజు బంగారం లేదా వెండి కొనుగోలు చేయడం చాలా శుభప్రదం అంటారు. చాలా మంది ఈ రోజు ఎక్కువగా బంగారం కొనుగోలు చేస్తారు. అక్షయతృతీయ రోజు బంగారం కొనుగోలు చేయడం వలన ఇంటిలో సంపద, శ్రేయస్సు పెరుగుతుందని వారి నమ్మకం.
ఇక ఈ రోజు బంగారం కొనుగోలు చేయడానికి శుభ సమయం విషయానికి వస్తే, ఈ రోజు మొత్తంలో ఎప్పుడు ,బంగారం వెండి లేదా కొత్త వస్తువులు కొన్నా కలిసి వస్తుందంట. ఇక ప్రత్యేకంగా సమయం అంటే, ఏప్రిల్ 19 ఉదయం 10,49 నిమిషాల నుంచి ఏప్రిల్ 20 ఉదయం 5.51 గంటలు, ఈ సమయంలో బంగారం కొనుగోలు చేయడం అత్యంత లాభదాయకం అంటున్నారు పండితులు.
ఇక అత్యంత పవిత్రమైన, శుభప్రదమైన రోజులలో ఈ అక్షయ తృతీయ ఒకటి. అక్షయం అంటే నాశనం లేనిది. అందువలన ఈ రోజు ఏ పని చేసినా కలిసి వస్తుందంట. ముఖ్యంగా ఈ రోజు దానధర్మాలు చేయడం వలన విశేషమైన ప్రాముఖ్యత, పుణ్యం లభిస్తుందంట.
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.
