శాఖాహారులు ప్రోటీన్ కోసం ఇబ్బంది పడాల్సిన అవసరం లేదని తాజా పోషకాహార నివేదికలు చెబుతున్నాయి. పెసరపప్పు చిల్లా నుండి పనీర్ భుర్జీ వరకు, సత్తు పరాటా నుండి మొలకల సలాడ్ వరకు.. రుచికి రుచి, ఆరోగ్యానికి ఆరోగ్యం అందించే బెస్ట్ బ్రేక్ఫాస్ట్ రెసిపీలు ఇక్కడ ఉన్నాయి. 60 నుండి 70 కిలోల బరువున్న వ్యక్తికి రోజుకు కనీసం 50 గ్రాముల ప్రోటీన్ అవసరమని వైద్యులు చెబుతున్నారు. మరి ఆ ప్రోటీన్ ఖజానాను ఎలా పొందాలో తెలుసుకుందాం..
1. పెసరపప్పు చిల్లా
పెసరపప్పును నానబెట్టి అల్లం, పచ్చిమిర్చితో రుబ్బి తయారు చేసే ఈ చిల్లాలో ప్రోటీన్ పుష్కలంగా ఉంటుంది. ఇందులో పాలకూర లేదా క్యారెట్ తురుము కలిపితే పోషక విలువలు రెట్టింపు అవుతాయి.
2. పనీర్ భుర్జీ – మల్టీగ్రెయిన్ రోటీ:
పనీర్ అనేది శాఖాహారులకు ఒక పవర్హౌస్. దీనిని మల్టీగ్రెయిన్ రొట్టెతో కలిపి తీసుకుంటే కండరాల బలానికి అవసరమైన పూర్తి ప్రోటీన్ అందుతుంది.
3. సత్తు పరాటా
కాల్చిన శనగ పిండితో (సత్తు) చేసే ఈ పరాటా బీహార్లో చాలా ఫేమస్. ఇది కేవలం ప్రోటీన్ మాత్రమే కాదు, రోజంతా ఆకలి వేయకుండా చూసే ఫైబర్ను కూడా అందిస్తుంది.
4. శనగపిండి చిల్లా
ఇది తక్కువ సమయంలో తయారయ్యే ప్రోటీన్ రిచ్ బ్రేక్ఫాస్ట్. ఇందులో కొద్దిగా పెరుగు కలిపితే సాఫ్ట్గా ఉండటమే కాకుండా జీర్ణక్రియకు మేలు చేస్తుంది.
5. మొలకెత్తిన గింజల సలాడ్
పెసలు, శనగలు వంటి మొలకలను ఆవిరిపై ఉడికించి నిమ్మరసం, చాట్ మసాలాతో తీసుకుంటే శరీరానికి నేరుగా లైవ్ ఎంజైమ్స్ ప్రోటీన్ అందుతాయి.
6. అడ్డై దోస
కందిపప్పు, శనగపప్పు, మినప్పప్పు వంటి వివిధ రకాల పప్పులతో చేసే ఈ దోస ప్రోటీన్, ఫైబర్కు పెట్టింది పేరు.
7. హంగ్ కర్డ్ పార్ఫైట్
పెరుగును వడకట్టి అందులో బాదం, వాల్నట్స్, పండ్లు కలిపి తీసుకుంటే ఇది బెస్ట్ కూలింగ్ ప్రోటీన్ బ్రేక్ఫాస్ట్ అవుతుంది.
పప్పు దినుసులను 4-5 గంటలు నానబెట్టడం వల్ల అవి సులభంగా జీర్ణమవుతాయి.
ఉదయం పోహా వంటి అల్పాహారాల్లో వేయించిన వేరుశనగలు చేర్చుకోవడం వల్ల ప్రోటీన్ శాతం పెరుగుతుంది.
గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. కిడ్నీ సమస్యలు ఉన్నవారు ప్రోటీన్ తీసుకోవడంపై తమ వైద్యుడిని సంప్రదించాలి.