గతంలో ఎక్కువగా కట్టెల పొయ్యి మీదనే వంటలు చేసేవారు. కానీ ఎప్పుడైతే గ్యాస్ స్టవ్ వచ్చిందో, అప్పటి నుంచి కట్టెల పొయ్యిపై వండటం చాలా వరకు తగ్గింది. కానీ ఇప్పటికీ కొన్ని ప్రాంతాలలో, పల్లెల్లో కట్టెల పొయ్యి మీదనే వంట చేస్తున్నారు. గ్యాస్ ఉన్నప్పటికీ, కొన్ని రకాల వంటలు కట్టెల పొయ్యి మీద వండితే మంచి టేస్ట్ వస్తుందని అక్కడి వారు చెబుతుంటారు.
ముఖ్యంగా నాన్ వెజ్ వంటకాలు ఎక్కువగా గ్రామీణ ప్రాంతాలలో కట్టెల పొయ్యి మీదనే వండుతారు. మరీ అందరూ చాలా ఇష్టంగా తినే మటన్ కర్రీ గ్యాస్, కట్టెల పొయ్యి దేనిపై వండితే టేస్ట్ బాగుంటుందంట. చాలా వరకు కట్టెల పొయ్యి మీద వండిన మటన్ కర్రీ చాలా టేస్టీగా ఉంటుందని చెబుతున్నారు. దీనికి అనేక కారణాలు కూడా ఉన్నాయంట.
కట్టెలు కాలుతున్నప్పుడు, వాటి నుంచి వెలువడే పొగలో రకరకాల కర్బన సమ్మేళనాలు ఉంటాయంట. ముఖ్యంగా కట్టెల్లో లిగ్నిన్ అనే పదార్థం ఉంటుంది. ఇది కాలిన సమయంలో ఒక రకమైన తియ్యటి ఘాటనై వాసన వస్తుంది. అయితే కట్టెల పొయ్యి మంటతో పాటు, ఘాటైన వాసన వంటకానికి ప్రత్యేకమైన రుచిని ఇస్తుందంట. అందుకే గ్యాస్ పై కంటే కట్టెల పొయ్యి మీద వండిన వంటకాలే చాలా టేస్టీగా ఉంటాయి. కానీ వండుతున్నంత సేపు పొగ రాకుండా, మండుతూ ఉన్నప్పుడే అద్భుతమైన రుచి వస్తుందంట.
అంతే కాకుండా కట్టెల పొయ్యిపై కట్టెలు ఎలా కాలుతూ మెల్లి మెల్లిగా మంటను ఇస్తాయో, అదే విధంగా పొయ్యిపై ఉడుకుతున్న మటన్ కూడా, అలాగే ప్రతి ముక్క కొద్దిగా ఉడుకుతూ ఉంటుందంట. ఇలా లోపలి మటన్ మంచిగా సహజంగా ఉండికి, సహజ సిద్ధమైన పోషకాలు, రుచులు బయటకు వస్తాయంట. మంచి రుచిని ఇస్తాయంట.
అందువల్లనే ఇప్పటికీ చాలా మంది గ్రామీణ ప్రాంతంలో ఉన్నవారు, చేపల పులుసు, మటన్ కర్రీ, చికెన్ కర్రీ, నాటు కోడి కూరను ఎక్కువగా కట్టెల పొయ్యి మీదనే వండుతారంట. ముఖ్యంగా కట్టెల పొయ్యిపై వండే సమయంలో చాలా జాగ్రత్తగా, శ్రద్ధ తీసుకుంటూ ప్రేమగా వండుతారు. అందువలన ప్రేమతో చేసే వంటలు ఎప్పుడైనా అద్భుతమైన రుచిని ఇస్తాయని చెబుతున్నారు నిపుణులు.