ఇటీవల ముంబైలో జరిగిన నటి కృత్తిక కామ్రా, గౌరవ్ కపూర్ రిసెప్షన్ పార్టీకి మలైకా అరోరా హాజరయ్యారు. బాలీవుడ్ నుంచి టెలివిజన్ రంగం వరకు అనేకమంది ప్రముఖులు ఈ ఈవెంట్లో మెరిసినప్పటికీ, మలైకా తన బోల్డ్ అండ్ క్లాసీ లుక్తో ఈవెనింగ్ హైలైట్గా నిలిచారు. అయితే ఈ పార్టీలో ఆమె వేసుకున్న డ్రెస్ కంటే, ఆమెతో పాటు అక్కడికి వచ్చిన మరో వ్యక్తి గురించి ఇప్పుడు చర్చ జోరుగా సాగుతోంది.
సిల్వర్ గౌనులో ..
ఈ వేడుక కోసం మలైకా సిల్వర్ కలర్ సీక్విన్ గౌనును ఎంచుకున్నారు. భారీ ఎంబ్రాయిడరీతో ఉన్న ఈ డ్రెస్ పార్టీకి తగ్గట్టుగా మెరిసిపోతూ కనిపించింది. స్ట్రాప్లెస్ సిల్హౌట్, డీప్ నెక్ లైన్ మరియు ఫిట్టెడ్ షేప్తో ఉన్న ఈ ఫ్లోర్ లెంగ్త్ గౌనులో ఆమె దేవకన్యలా మెరిసిపోయారు. దీనికి జతగా రూబీలు (కెంపులు), క్రిస్టల్స్ అమర్చిన స్టేట్మెంట్ నెక్లెస్ను ధరించారు. చేతికి బ్రాస్లెట్ వాచ్, చేతిలో క్రిస్టల్స్ ఉన్న బ్లాక్ క్లచ్ పట్టుకుని రాయల్ లుక్లో కనిపించారు.
View this post on Instagram
మలైకా తన జుట్టును సెంటర్ పార్టిషన్ చేసి సాఫ్ట్ వేవ్స్తో వదిలేశారు. మేకప్ విషయానికొస్తే.. పింక్ టోన్డ్ ఐషాడో, వింగ్డ్ ఐలైనర్, మస్కారా మరియు గ్లోసీ పింక్ లిప్స్టిక్తో ఆమె ముఖం మరింత కాంతివంతంగా కనిపించింది. తన ఏజ్ ఫ్యాక్టర్ ఎక్కడా కనిపించకుండా గ్లామరస్గా కనిపించి అందరినీ ఆశ్చర్యపరిచారు.
ఈ పార్టీలో మరో విశేషం ఏమిటంటే.. మలైకా పుకారు ప్రియుడు, వ్యాపారవేత్త హర్ష్ మెహతా కూడా ఈ వేడుకలో కనిపించారు. అయితే వీరిద్దరూ కలిసి లోపలికి రాలేదు, అలాగే ఫోటోలకు కూడా కలిసి ఫోజులు ఇవ్వలేదు. హర్ష్ మెహతా పాపరాజీల కంట పడకుండా బ్యాక్ గేట్ ద్వారా వెళ్లడం ఇప్పుడు సోషల్ మీడియాలో వైరల్ అవుతోంది.
ఎవరీ హర్ష్ మెహతా?
33 ఏళ్ల హర్ష్ మెహతా ఒక ప్రముఖ డైమండ్ మర్చంట్ (వజ్రాల వ్యాపారి). గత ఏడాది అక్టోబర్లో ముంబైలో జరిగిన ఎన్రిక్ ఇగ్లేసియాస్ కన్సర్ట్లో వీరిద్దరూ కలిసి కనిపించడంతో డేటింగ్ పుకార్లు మొదలయ్యాయి. ఆ తర్వాత నవంబర్ 26న ముంబై ఎయిర్పోర్ట్లో కూడా వీరిద్దరూ కలిసి స్పాట్ అయ్యారు. తాజా రిసెప్షన్ పార్టీలో కూడా ఒకే చోట కనిపించడంతో వీరిద్దరి మధ్య ఏదో నడుస్తోందనే వార్తలకు మరింత బలం చేకూరింది. మలైకా తన వ్యక్తిగత విషయాల కంటే తన స్టైల్ స్టేట్మెంట్తోనే ఎప్పుడూ వార్తల్లో ఉంటారు. ఈసారి కూడా తన ఫ్యాషన్ ఛాయిస్తో అదరగొట్టడమే కాకుండా, తన సీక్రెట్ రిలేషన్షిప్తో బి-టౌన్ అంతటా హాట్ టాపిక్ అయ్యారు.