నటి జయలలిత తన సుదీర్ఘ సినీ ప్రస్థానంలో ఎదురైన సవాళ్లను, లభించిన అవకాశాలను ఒక ఇంటర్వ్యూలో వివరంగా పంచుకున్నారు. ఆమె సినీ జీవితం కథానాయికగా మొదలైనప్పటికీ, అనుకున్నరీతిలో తెలుగులో అవకాశాలు లభించలేదని పేర్కొన్నారు. ‘ఈ పోరాటం మార్పు కోసం’ చిత్రంతో పరిచయమైన ఆమెకు, ఆ చిత్రం తర్వాత హీరోయిన్ పాత్రలు రాలేదు. ఈ సమయంలో, విజయ గార్డెన్స్ లో ఓ పాట చిత్రీకరణ సందర్భంగా మలయాళీ పత్రిక ‘నానా మ్యాగజైన్’ ప్రతినిధులు ఆమెను గుర్తించి ఇంటర్వ్యూ చేశారు. దీనితో మలయాళ సినీ రంగంలోకి ప్రవేశించారు. ఆ తర్వాత తెలుగు, తమిళ, మలయాళం భాషలలో ఎన్నో హిట్ చిత్రాల్లో నటించారు. ఇప్పటికీ బుల్లితెరపై పలు సీరియల్స్ ద్వారా ప్రేక్షకులను అలరిస్తున్నారు. అయితే కెరీర్ ప్రారంభంలో ఎన్నో కష్టాలు ఎదురయ్యాయని.. ముఖ్యంగా ఇండస్ట్రీలోని మగాళ్ల నుంచి తనను తాను కాపాడుకోలేకపోయానని అన్నారు.
ఎక్కువమంది చదివినవి : Dil Raju: హీరోయిన్కు కళ్లు లేవని ఎవరు కొనలేదు.. నేను తీసుకుని రిలీజ్ చేశా.. ఆ సినిమా నా జీవితాన్నే మార్చేసింది.. దిల్ రాజు..
మలయాళంలో ఆమె నటించిన తొలి చిత్రం ‘ఉప్పు’లో ద్విపాత్రాభినయం (తల్లి, కూతురు) చేసి, కేరళ రాష్ట్ర ఉత్తమ నటి అవార్డును కైవసం చేసుకున్నారు. ఈ విజయం తర్వాత, ప్రముఖ దర్శకుడు ఐ.వి. శశి ఆమెను సంప్రదించారు. కమల్ హాసన్ పక్కన మంచి గ్లామర్ రోల్ అంటూ చెప్పడంతో ఒప్పేసుకున్నప్పటికీ, అది విలన్ భార్య, వాంపిష్ తరహా పాత్రగా మారిందని జయలలిత గుర్తు చేసుకున్నారు. తర్వాత రామానాయుడు నిర్మించిన ‘ఇంద్రుడు చంద్రుడు’ చిత్రంలో కమల్ హాసన్ సెక్రటరీ పాత్రకు కమల్ హాసన్ స్వయంగా జయలలితను సిఫార్సు చేసినప్పటికీ, అదీ ఒకరకమైన వాంప్ పాత్రగానే నిలిచింది. ‘శ్రుతిలయలు’లో రాజశేఖర్ ను మాయ చేసే పాంచాలి పాత్ర వంటి ‘టచ్’ ఉన్న పాత్రలే తన కెరీర్ లో అధికంగా వచ్చాయని ఆమె వెల్లడించారు.
ఎక్కువమంది చదివినవి : Tollywood : ఎన్టీఆర్, ప్రభాస్లతో బ్లాక్ బస్టర్స్.. ఇండస్ట్రీనే అల్లాడించిన గ్లామరస్ బ్యూటీ.. క్యాన్సర్ను జయించి ఇలా..
గత కాలంలో ఎల్.వి. జయలక్ష్మి, గిరిజ వంటి నటీమణులు కమెడియన్ గా చేసి, నాగేశ్వరరావు వంటి హీరోల పక్కన హీరోయిన్లుగా కూడా నటించారని, అప్పటి దర్శకులకు క్రియేటివిటీ ఉండేదని అన్నారు. కానీ తన తరానికి వచ్చేసరికి వాంప్ అంటే వాంపే, చెల్లెలు అంటే చెల్లెలే అన్నట్లుగా టైప్ కాస్టింగ్ ఏర్పడిందని జయలలిత వివరించారు. అయినప్పటికీ, కళారంగం తనను ఆదరించిందని, తన కుటుంబాన్ని పోషించిందని, ఈ సద్బుద్ధితోనే జీవితం నిర్ణయించిన ప్రయాణాన్ని ఒక నదిలా స్వీకరిస్తూ ముందుకు సాగానని ఆమె స్పష్టం చేశారు.
ఎక్కువమంది చదివినవి : Trending Song : ఏం పాట భయ్యా.. 29 ఏళ్లుగా ట్రెండింగ్.. మనసును హత్తుకునే సాంగ్.. వింటే వదలరు..
Jayalalitha News
ఎక్కువమంది చదివినవి : Cinema : అరె ఏంట్రా ఇది.. 15 ఏళ్లైనా నాగార్జున సినిమాకు తగ్గని డిమాండ్.. ఇప్పుడు ఓటీటీని అల్లాడిస్తోన్న మూవీ..