వృషభం: ఈ రాశికి శుక్రుడే అధిపతి అయినందువల్ల ఈ శుభ గ్రహం ఈ రాశివారికి అంచనాలకు మించి సిరి సంపదలను అనుగ్రహించే అవకాశం ఉంది. సంపన్న కుటుంబానికి చెందిన వ్యక్తితో ప్రేమలో పడడం, పెళ్లి కుదరడం వంటివి జరుగుతాయి. కుటుంబ జీవితం సుఖ సంతోషాలతో సాగిపోతుంది. ఇంట్లో శుభకార్యాలు జరుగుతాయి. సంతాన యోగం కలుగుతుంది. భోగభాగ్యాలతో పాటు విలాస జీవితాన్ని అనుభవిస్తారు. మనసులోని ఆశలు, కోరికల్లో చాలా భాగం నెరవేరుతాయి.
మిథునం: ఈ రాశికి లాభ స్థానంలో శుక్ర గ్రహ ప్రవేశం ఈ రాశివారికి తప్పకుండా అదృష్టాన్ని కలగజేస్తుంది. ప్రేమలు, పెళ్లి ప్రయత్నాలు ఘన విజయాలు సాధిస్తాయి. కుటుంబ జీవితం మారిపోతుంది. సంతాన ప్రాప్తి కలుగుతుంది. ఆకస్మిక ధన లాభానికి, ఒకటి రెండు ధన యోగాలకు అవకాశం ఉంది. విదేశీ మూలక ధన లాభానికి కూడా అవకాశం ఉంది. తండ్రి వైపు నుంచి ఆస్తి, సంపద కలిసి వస్తుంది. ఆర్థిక లావాదేవీలు, షేర్లు, వడ్డీ వ్యాపారాలు వంటివి ఊహించని లాభాలనిస్తాయి.
కన్య: ఈ రాశికి అష్టమ స్థానంలో ప్రవేశించబోతున్న శుక్రుడు ఈ రాశివారికి తప్పకుండా ఆదాయాన్ని పెంచడం జరుగుతుంది. ఆకస్మిక ధన ప్రాప్తికి అవకాశం ఉంది. షేర్లు, స్పెక్యులేషన్ల వంటివి బాగా లాభిస్తాయి. వారసత్వపు ఆస్తి సంక్రమిస్తుంది. ప్రేమలు, పెళ్లిళ్లు అనుకూలంగా సాగిపోతాయి. కుటుంబ జీవితం, దాంపత్య జీవితం సుఖ సంతోషాలతో సాగుతాయి. పట్టిందల్లా బంగారం అవుతుంది. జీవనశైలి మారిపోయి, విలాస జీవితం అలవడుతుంది. లాభదాయక పరిచయాలు ఏర్పడతాయి.
తుల: రాశ్యధిపతి శుక్రుడు బాగా అనుకూలంగా మారుతున్నందువల్ల ఈ రాశివారి కుటుంబంలో శుభ కార్యాలు ఎక్కువగా జరిగే అవకాశం ఉంది. కుటుంబ సభ్యులు చదువుల్లోనూ, ఉద్యోగాల్లోనూ బాగా వృద్ధిలోకి వస్తారు. అనేక వైపుల నుంచి ఆదాయం బాగా వృద్ధి చెందుతుంది. సొంత ఇంటి కలతో పాటు, విదేశాల్లో ఉద్యోగం చేయాలన్న కల కూడా నెరవేరుతుంది. ప్రేమ వ్యవహారాలు తప్పకుండా పెళ్లికి దారితీస్తాయి. పెళ్లి ప్రయత్నాలు సక్సెస్ అవుతాయి. సంతాన ప్రాప్తికి అవకాశం ఉంది.
మకరం: ఈ రాశికి అత్యంత శుభుడైన శుక్రుడు వారికి చతుర్థ, పంచమ స్థానాల్లో సంచారం చేయబోతున్నందు వల్ల సంపన్న కుటుంబానికి చెందిన వ్యక్తితో పెళ్లి సంబంధం కుదురుతుంది. జీవనశైలి ఒక్కసారిగా మారిపోతుంది. సగటు వ్యక్తి సైతం సంపన్నుడయ్యే అవకాశం లభిస్తుంది. ప్రేమ వ్యవహారాలు పెళ్లికి దారితీస్తాయి. సంతాన ప్రాప్తికి అవకాశం ఉంది. కుటుంబంలో సమస్యలన్నీ పరిష్కారమయి, సామరస్యం ఏర్పడుతుంది. అనేక విధాలుగా సిరిసంపదలు వృద్ధి చెందుతాయి.
కుంభం: ఈ రాశికి తృతీయ స్థానంలో భాగ్యాధిపతి శుక్రుడి ప్రవేశం వల్ల ఈ రాశివారికి ధన ధాన్య సమృద్ధి యోగం కలుగుతుంది. కుటుంబ సభ్యులు విశేషమైన పురోగతి సాధిస్తారు. బంధువర్గానికి చెందిన వ్యక్తితో ప్రేమలో పడే అవకాశం ఉంది. పెళ్లి ప్రయత్నాలు విజయవంతం అవుతాయి. ధన యోగాలతో పాటు రాజయోగాలు కూడా కలుగుతాయి. ఇంట్లో పెళ్లి, గృహ ప్రవేశం వంటి శుభ కార్యాలు జరుగుతాయి. ఉద్యోగులు, నిరుద్యోగులకు విదేశీ సంపాదన అనుభవించే యోగం పడుతుంది.