టీమిండియా స్టార్ వికెట్ కీపర్ బ్యాటర్, కేరళ ప్లేయర్ సంజూ శాంసన్ అంటే కేవలం గ్రౌండ్లో సిక్సర్ల వర్షం కురిపించే ఆటగాడు మాత్రమే కాదు.. వ్యాపార సామ్రాజ్యంలోనూ దూసుకుపోతున్న యువ చక్రవర్తి. కేరళ ‘చేట్టా’ (పెద్దన్న) గా పిలవబడే సంజూ.. ప్రస్తుతం 2026 టీ20 వరల్డ్ కప్లో గ్రాండ్ కమ్బ్యాక్ కోసం సిద్ధమవుతున్నాడు. ఈ నేపథ్యంలో సంజూ లైఫ్ స్టైల్, సంపాదనపై నెట్టింట ఆసక్తికర చర్చ జరుగుతోంది.
బీసీసీఐ నుంచి భారీగా ఆదాయం..
టీమ్ ఇండియా తరపున ఆడేందుకు సంజూకు గట్టిగానే ముడుతోంది. బీసీసీఐ (BCCI) గ్రేడ్-సి కాంట్రాక్ట్ కింద ఏడాదికి రూ. 1 కోటి ఫిక్స్డ్ జీతం అందుతోంది. ఇది కాకుండా టెస్ట్ మ్యాచ్ కు రూ.15 లక్షలు, వన్డేలకు రూ. 6 లక్షలు,టీ20ఐకి రూ.3 లక్షలు ప్రతి మ్యాచ్కు ఫీజుగా లభిస్తాయి.
ఐపీఎల్లో సంజూ శాంసన్ ఒక బ్రాండ్. గతంలో రాజస్థాన్ రాయల్స్ కెప్టెన్గా ఉన్న సంజూ.. ఈసారి చైన్నె ఫ్రాంచైజీ తరపున ఆడనున్న సంగతి తెలిసిందే. దీంతో సంజూకి ఏడాదికి ఏకంగా రూ.18 కోట్లు చెల్లిస్తోంది. 18 ఏళ్లకే ఐపీఎల్ అరంగేట్రం చేసిన సంజూ, ఈ లీగ్ ద్వారా భారీగా సంపాదించాడు.
బ్రాండ్ ఎండార్స్మెంట్స్, బిజినెస్..
కేవలం క్రికెట్ మాత్రమే కాదు, పలు దిగ్గజ బ్రాండ్లకు సంజూ అంబాసిడర్గా ఉన్నాడు. Puma, Myntra, Gillette, BharatPe, Dream11 వంటి సంస్థల నుంచి ఏడాదికి రూ. 5 నుంచి రూ. 7 కోట్ల వరకు ఆదాయం గడిస్తున్నాడు. అలాగే కేరళ బ్లాస్టర్స్ (ISL) వంటి టీమ్స్తోనూ అతనికి అనుబంధం ఉంది.
లగ్జరీ కార్ల కలెక్షన్ సంజూ హాబీ..
సంజూ గ్యారేజీలో ఖరీదైన కార్ల సందడి మామూలుగా లేదు. అతని వద్ద ఉన్న కొన్ని కార్ల లిస్ట్ ఇది:
* రేంజ్ రోవర్ స్పోర్ట్ & ఆటోబయోగ్రఫీ
* BMW 5 సిరీస్
* మెర్సిడెస్ బెంజ్ C-క్లాస్
* ఆడి A6
* లెక్సస్ ES
రియల్ ఎస్టేట్ ఆస్తులు..
సంజూకు కేరళలో సుమారు రూ. 6 కోట్ల విలువైన విలాసవంతమైన బంగళా ఉంది. ఇది కాకుండా బెంగళూరు, ముంబై, హైదరాబాద్ వంటి మెట్రో నగరాల్లో ఖరీదైన లగ్జరీ అపార్ట్మెంట్లలో పెట్టుబడులు పెట్టాడు. మొత్తానికి తన బ్యాటింగ్తోనే కాదు, తన సంపాదనతోనూ సంజూ శాంసన్ రియల్ స్టార్ అనిపించుకుంటున్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..