ఉగాది పండుగను మార్చి 19న జరుపుకోనున్నారు. ఈ రోజు నుంచే శ్రీ పరాభవ నామ సంవత్సరం ప్రారంభం కాబోతుంది. సంవత్సరం ప్రారంభం అవుతుందంటే, చాలా మందిలో మెదిలే మొదటి ప్రశ్న ఈ సంవత్సరం నాకు కలిసి వస్తుందా? ఆదాయ, వ్యయాలు, పరాభవ నామ సంవత్సరం నా రాశి వారికి ఎలా ఉందో తెలుసుకోవాలని ఆసక్తి చూపుతారు. అయితే జ్యోతిష్య శాస్త్రం ప్రకారం, శ్రీ పరాభవ నామ సంవత్సరం, 4 రాశుల వారికి అదృష్టాన్ని తీసుకొస్తుంది. ఇంతకీ ఆ రాశులు ఏవో ఇప్పుడు చూద్దాం.
వృషభ రాశి : వృషభ రాశి వారికి అదృష్టం కలిసి వస్తుంది. ఈ రాశి వారికి కెరీర్ పరంగా చాలా అద్భుతంగా ఉంటుంది. ఉద్యోగం కోసం ప్రయత్నం చేసే వారికి తప్పక ఫలితం లభిస్తుంది. చేయని వారు కూడా సాధ్యమైనంత వరకు ఈ సంవత్సరం, ఉద్యోగ ప్రయత్నం చేయాలంట. అలాగే ఈ రాశి వారికి ఆర్థికంగా కూడా కలిసి వస్తుంది. గతంలో కంటే ఆదాయం మెరుగ్గా ఉంటుంది. ప్రతి పనిలో విజయం సాధిస్తారు. కుటుంబ సభ్యుల మద్ధతు ఉంటుంది.
తుల రాశి : తుల రాశి వారికి ఇది చాలా మంచి సమయం అని చెప్పాలి. గతంలో ఎవరు అయితే ఆర్థిక సమస్యలతో సతమతం అయ్యారో, వారు ఈ సంవత్సరం చేతినిండా డబ్బుతో చాలా ఆనందకర జీవితాన్ని గడుపుతారు. నూతన వాహనం లేదా, స్థిరాస్తి కొనుగోలు చేసే ఛాన్స్ ఉంది. వ్యాపారం చేసే వారు ఎక్కువ లాభాలు అందుకుంటారు. ప్రతి పనిలో విజయం సాధిస్తారు. కొత్తగా వ్యాపారం ప్రారంభించాలి అనుకునే వారికి కూడా ఇది అనుకూల సమయం.
ధనస్సు రాశి : ధనస్సు రాశి వారికి ఉగాది నుంచి పట్టిందల్లా బంగారమే అవుతుంది. నిరుద్యోగులకు ఉద్యోగం దొరుకుతుంది. విద్యార్థులు పోటీ పరీక్షల్లో బాగా రాణిస్తారు. వాహన యోగం ఉంది. ధన లాభం కలుగుతుంది. అనారోగ్య సమస్యలు దూరం అవుతాయి. కళారంగంలో ఉన్నవారికి మంచి గుర్తింపు లభిస్తుంది. ఈ రాశి వారు సమాజంలో మంచి పేరు ప్రఖ్యాతులు తెచ్చుకుంటారు. ఆనందకర జీవితాన్ని గడుపుతారు.
వృశ్చిక రాశి : వృశ్చిక రాశి వారికి ఈ సంవత్సరం చాలా అద్భుతంగా ఉంటుంది. ముఖ్యంగా కోర్టు వ్యవహారాలు అనుకూలంగా వస్తాయి. అత్తమామల నుంచి అనుకోని విధంగా ఆదాయం వస్తుంది. ఇది మీ కుటుంబ సంతోషానికి కారణం అవుతుంది. ఇంటిలో శుభకార్యాలు నిర్వహించుకుంటారు. చాలా ఆనందంగా ఉంటారు. ఉద్యోగులు ప్రమోషన్ అందుకుంటారు, సీనియర్స్ నుంచి మంచి సపోర్టు లభిస్తుంది.